Sad

Bohat masroof rehte ho

Sehar se shaam hone tak

Koi lamha nahin milta

Koi be naam si fursat

Kabhi bethe hue tanha

Kahin jo shaam ho jaye

To meri iltija hai yeh

Koi lamha chura lena

Jo mere Naam Ho Jaye.....!!!

kaha us ne ke shaakhon se,
judaa phoolon ko karne ki,
hawaaon ki jo saazish hai ,
usay achchi nahi lagti.
faqat ik pal ko ji chaaha,
usay itna to keh doon aaj,
mohabbat phool ki in pattiyon se barrh ke naazuk thi,
jise qadmon tale tum ne
kabhi ka rond daala hai....!

Lambay safar ki oat mein pal bhar nahi ruka
Mein waqt k fareeb mein aa kar nahin ruka
Phir aa gaya aik naya sal dosto...
es baar bi kisi say december nahin ruka
Lay kar kisi nain haath mein kashkol-e-waqt
Aisa safar kia k kahin per nahin ruka
Manzar kay aks mein koi chera chatakh gaya
Sheshay kay paas aa kay jo pathar nahin ruka
Chalta raha adoo ki safin rondta howa
Lakhon ka khoun-e-jigar kar k bhi lashkar nahi ruka
Bas yeh howa k Akhri lamha bi aa gaya
Dil ka tawaf koocha-e-dilbar nahin ruka...!

Aey Naye Saal Bata Tujh Main Naya Kya Hai
Har Taraf Khalq Ne Kyun Shor Macha Rakha Hai
Roshni Din Ko Wohi Taaron Bhar Raat Wohi
Aaj Hum Ko Nazar Ati Hai Har Baat Wo Hi
Aasmaan Badla Hai Na Afsos Badli Hai Zameen
Eik Hindsay Ka Badalna Koi Jiddat To Nahi
Agley Barson Ki Tarah Hongey Qarennay Terey
Kisey Maloom Nahi Baraan Mahenay Terey
January,Feburary,Aur March Main Parray gi Sardi
Aur April,May,June Me Hogi Garmi
Tu Naya Hai To Dikha Subha Nayee,Shaam Nayi
Warna In Ankhon Ney Dekhey Hain Saal Kayee!!
Aur Bhi Besabab Detey Hain kyu Log Mubarakbadain!!
Galiban Bhool Gaye Waqt Ki karvi Yaadein!
Teri Aamad Sey Ghatti Umer Jahan Main Sab Ki!!
Faiz Ney Likhi Hey Ye Nazam Niralay Dhang Ki...!

Zara
thehro...
" chalay jana"
Mujhe kch
tm sy kehna
hai"
zayada
waqt nhi
lu ga"
Zara si
baat krni
hai"
Na dukh
apnay sunanay
hain"
Na koi
faryad krni
hai"
Na ye
maloom krna
hai"
K ab
halaat kesay
hain"
Tumhare hamsafar
thay jo"
Tumhare
sath kesay
hain"
Na ye
maloom krna
hai"
Teray
din raat kesay
hain"
Mujhe bas
itna kahna
hai"
Mujhe tum
YAAD aatay
ho"
Bohat hi YAAD aatay ho...!

December abb k aao tou,
tum uss shehar e tamanna ki khabar lana.,
Keh jis mein jugnuon ki kehkashaan jhilmilaati hai.,
Jahan titlee k rangon se fizayen muskarati hain.,
Wahan har taraf khushboo wafa ki he
Aur usko jo bhi pooron se,
Nazar se choo gya pal bhr,
Mehak uthaa!

December abb ka aao tou
tum uss shehar e tamanna ki khabar lana
Jahan per rait k zarray sitaray hain
Gul o bulbul,Mah o anjum wafa k istaaray hain
Jahan dil woh samandar hai jiske kai kinaray hain!

December hum se naa poocho hamaray shehar ki baabat
Yahan aankhon mein guzray kaarwan ki gard thehri hai
Muhabbat barf jaisee hai yahan
Yahan dil k lahoo mein
Apni palkon ko dubo ker hum
Sunehray khowab buntay hain
Phir unhi khawbon mein jeetay hain
Unhi khawbon pe mertay hain
Dareeda rooh ko lafzon say seena go nahi mumkin
Magar phir bhi!
December abb k aao tou
Tum us shehar e tamanna ki khabar lana...!!

kai dinon say ik awaz mujh main gonji nahi

kai dinon say koi mujh main ratjaga na huwa

kai dinon say samaat ki rehguzaron per

na koi chand he utra na koi phool khila

kai dinon say yeh aankhien hain neend say bojhal

kai dinoN say badan chAandni mEN jalta hai

kai dinoN say yeH din mujh mEn Aa kay dhalta hai

kai dinoN say kisi waswasay ki zadd men hoon

kai dinon say ajab wehshaton ki hadd men hoon

kai dinon say khayaalon kay taaq-e- hijran per

kisi kay naam ka rakha diya jalta hoon

dil-e-afsurda ko chupkay say gudgudata hoon

kai dinon say yehi kaar-e-ishq jari hai

kai dinon say ajab dil ko beqarari hai...!

Suno!
mai thak gia hoon

meri palkoon per ab tak kuch adhooray khawab jaltay hain

meri neendon main teray wasl ka resham ulajhta hai

meray aanso meray chehray pe teray gham ko likhtay hain

meray andar kaii sadiyoon k sanatoon ka daira hai

magar mai thak gia hoon

aur mai ne khamoshi ki goad me sar rakh diya hai

main baloon mai tumharay hijer ki naram ungliyaan mehsoos kerta hoon

meri palkon pe ab jaltay khawab hain raakh ki soorat

tumharay wasl ka resham bhi ab neendain nahi bunta

maire aankhon main jaisay tehray mosam ka basaira hai

mujhay ander k sanatoon main gehrii neend aaii hai

sunoo....! us yaad se keh do

Mujhe Kuch Dair Soonay De...!

kaha yeh dard ney ik baar phir ubhartay hoye
k thora waqt to lagta hai zakhm bhartey hoye

phir es kinaarey pe loutoon ga kab KHUDA janey
mein sochta raha darya ko paar kartey hoye

hamein yeh teri udaasi bhali nahiN lagti
sukoot-e-shab sey kaha jugnuon ney dartey hoye

mein bujh sa jata hoon manzar yeh jab bhi dekhta hoon
kisi nashaib mein ik saaye ko utartay hoye

meri ragon mein bhi utrey hain kuch khizan mausam
mujhey bahaar ney dekha nahin bikhertay hoye

mein be niyaz hi guzra tha,shaad,raahon sey
uboor ho gayeiN kuchh manzilein guzertay hoye...!