Sad

Tum se Meri Baat Hoti Thi
Tum ne Mujh Ko Samjhaya Tha Apni Zaat Se Bahir Niklo
Ghar Ko Louto Ghar Ko Dekho
Aur Bhi Log Tumhare Dum Se Zinda Hain
Tum Main Apni Saari Khushiyan Dekh Rahe Hain
Soch Lia Hai Laut Aya Hoon Lekin
Mere Andar Koi Toot Gaya Hai...!

Suraj Bhi Thak Haar Ke Aakhir Doob Gaya Armanon Ka
Koi Madaawa Kar Na Saka Tootey Hoye Insanoon Ka


Khud Gham Ki Tasveer Baney Thay Shehr Ke Hanstey Bastay Laug
Zikr Bhala Ham Kis Se Kartey Dard Bharey Afsanoon Ka


Tark-e-Taalluq Par He Aakhir Ahl-e-Wafa Majboor Hoye!
Kaun Uttha Sakata Tha Kab Tak Baar Terey ehsaanon ka


Jism Ke Ander Ek Basti Hey, Uss Basti Ka Naam Hey Dil
Yeh Basti Veerana Bhi Hey, Shehr Bhi Hey Armanon Ka


Mera Naam Jali Huroof Mein Terey Saamney Aayega
Zikr Teri Mehfil Mein Hoga Jab Bhi Sokhta Jaanon Ka


Toor Diya Hey Mein Piyar Ke Saarey Jhootey Rishtoun Ko
Jab Se Naseer Ho Gaya Hey Khoon Merey Armanoon ka...!

zindagii jab bhii terii bazm me lati hai hamen
ye zamiin chaNd se behatar nazar aatii hai hame
surKh phuulon se mahak uthti hain dil kii raahen
din Dhale yuuN terii aavaaz bulati hai hamen
yaad terii kabhii dastak kabhii sargoshi se
raat ke pichlay pehar rooz jagati hai hamen
har mulaaqaat kaa anjaam judaaii kyu hai
ab to har vaqt yahii baat satati hai hame...!

Kehnay Ko Muhabbat Hai Lakin
Ab Esi Muhabbat Kia Kerni…
Jo Neend Chura Le Ankhon Se
Jo Khawab Dikha K Pholon K
Tabeer Main Kantay De Jay
Jo Gham Ke Kali Raaton Se
Her Aas Ka Jugnu Le Jai
Jo Khawab Sajati Ankhon Ko
Aansu He Aansu De Jay
Jo Mushkil Ker De Jeenay Ko
Jo Marne Ko Asaan Keray
Woh Dil Jo Pyar Ka Mandir Ho
Wo Yadoon Ko Mehman Kare
Ab Aisi Muhabbat Kya Karni…
Jo Umer Ki Naqdi Le Jaey
Aur Phir Bhi Jholi Khali Ho
Woh Soorat DIL Ka Rog Bana
Jo Soorat Dekhi Bhaali Ho
Jo Qais Bana De Insan Ko
Jo Ranjha Aur Farhad Karay
Ab Aisi Muhabbat Kya Karni..?
Jo Khushiyon Ko Barbad Kare
Dekho To Muhabbat K Baray
Har Shakhs Yahi Kuch Kehta Hai
Socho To Muhabbat K Ander
Ik Dard Humesha Rehta Hai
Phir Bhi Jo Cheez MUHABBAT Hai
Kab In Baaton Se Darti Hai
Jis DIL Main es Ko Basna Ho
Yeh Chupkay Say Bas Jati Hai
AB AISI MUHABBAT KIA KARNI...?

Her Simt Ghum-E-Hijr Ke Toofaan Hein MOHSIN
Matt Pooch Ke Hum Kitne parishan Hein MOHSIN

Her Chehra Nazar Aata Hai Tasweer Ki Soorat
Hum Sheher Ke Logon Se Bhi Anjaan Hein MOHSIN

Jis Shehr-e-Muhabbat Ne Humein Loot Lia Hai
Us Sheher Se Ab Kooch Ke Imkaan Hein MOHSIN

Kashti Abhi Umeed Ki Doobi Tou Nahi Hai
Phir Kyun Teri Aankhoon Mein Ye Toofaan Hein MOHSIN....!

muhabbaton mein har ek lamha wisal hoga ye tay howa tha
bichar ke bhi ek dosrey ka khayal hoga ye tay howa tha

wohi howa na badaltey muosam mein tum ne ham ko bhula dia hey
koi bhi rut ho na chahaton ko zawal hoga ye tay howa tha

ye kia ke sansain ukhar gai hain safar ke aghaz se hi yaro
koi bhi thak kar na rastey mein nidhal hoga ye tay howa tha

juda hoe hain tu kia huwa phir yehi to dastoor-e-zindagi hey
judaiyon mein na qurbaton ka malal hoga ye tay howa tha

chalo ke Faizan kashtiyon ko jala dain gumnam sahilon per
ke ab yahan se na wapsi ka sawal hoga ye tay howa tha...!

bichartay lamhon me!
uss nay mujh say kaha tha
dekho!
hamari rehain juda juda hain
magar hamain aik dosray ka
khayal rakhna hai zindagi bhar
kisi bhi lamha udasiyon ki
faseel hayal na honay dena
hawa k hathon pe likhtay rehna
judaiyon k tamam qissay
qadam qadam pe jo paish aye
wo sanihay bhi nazar me rakhna
me jab bhi lauta to
apnay honton ki tazgi ko
tumhari rasti hui ankhon me laa rakhon ga
jo meri apni hain, sirf mere
bichartay lamhon main uss nay mujh say
na janay kia kuch kaha suna tha
or!
ab uss say bhi yehi kahay ga
wo jiss k hathon me hath dalay
naye safar pe nikl para hai...!

Thandi havaa k jhonke chalte hain halkay halkay
aisay me dil na toro vaade karo na kal k

chalte hain ye bhi ham se tevar badal badal k
jin ko sikhaya ham ne chalna sambhal sambhal ke

saaqii ne aaj mujh ko aisii nazar se dekhaa
mausam huaa gulaabii rangiin jaam chhalake

bistar kii silvaToon se ye mahasuus ho raha hai
tora hai dam kisi ne karvaT badal badal k...!

Wo Kehta Hay...
Batao Be Sabab Kion Rooth Jati Ho?
Main Kehtii Hoon...
Zara Mujh Ko Manao... .Acha Lagta Hay

Wo Kehta Hay
Mera Dil Tum Se Aakhir Kion Nahi Bharta?
Main Kehtii Hoon...
Mohabat Ki Koi Hadd Hi Nahii Hotii...

Wo Kehta Hay...
Batao...Main Tumhain Kion Bhaa Gaya Itna?
Main Kehtii Hoon...
Merii jaan Hadsay To Ho Hii Jatay Hain!

Wo Kehta Hay...
Achanak Main Tumhain Yoon Hii Rulaa Doon Tu?
Main Kehtii Hoon...
Mujhay Darr Hay K Tu Bhii Bheeg jaaye Ga...

Wo Kehta Hay...
Batao..Baarishon Ki kiya Haqeeqat Hay?
Main Kehti Hoon...
K Yeh To Badalon Ki Aankh Roti Hay...

Wo Kehta Hay...
Tumhaaray Khwaab Saaray Kion Adhooray Hain?
Main Kehtii Hoon...
Merii Jaan Tum Inhain Takmeel De Do Na...

Wo Kehta Hay...
Batao..Choorian Kaisi Lageen Tum Ko?
Main Kehti Hoon...
Mujhay Yeh Toot Kar Takleef Deti Hain...

Wo Kehta Hay...
Karon Jab Phone SunNay Kion Nahii Aatii?
Main Kehtii Hoon...
Terii Aawaaz,Sun,K Zabt Rota Hay...

Wo Kehta Hay...
Ke Itnii Be Yaqeeni Kis Liye Aakhir?
Main Kehtii Hoon...
K Itnii Be Yaqeeni,Sukh Men Rakhti Hay...

Wo Kehta Hay...
Udaasi Par Kabhi Kuch Likh K Dikhlaa Do...
Main Kehtii Hoon...
Meray Aagay Karo Sheesha...Main Likhti Hoon...!!!