Sad

Yunhi ranjishon main guzar gaye

Kabhi wo khafa

Kabhi main khafa

Chahton k morr per

Kabhi wo ruka

Kabhi main ruka

Wohi rastey wohi manzilen

Na usy khabar

Na mujhe pata

Apni apni ana main gum

Kabhi wo juda

Kabhi main juda...!

Baarishon K Mosam Mein,
Waqt K Andheron Mein,
Mein Ne Uss Se Poocha Tha
Choar To Na Jaao Gi?
Haath Thaam Kar Uss Ne,
Kaan Mein Ye Bola Tha,
Kaisay Chorr Sakti Hoon?
Tum To Jaan Ho Meri,
Aur Aaj Aisa Hai,
Waqt Ki Tamazat Mein,
Wehshaton K Mosam Mein,
Mein Ne Uss Se Poocha Hai,
Choar Kar He Jaana Tha,
Muskurati Galiyon Mein,
Aas Kyun Dilai Thi?
Pyaas Kyun Jagai Thi?
Merey in Sawalon Par,
Na Wo Chonki Na Wo Thehri,
Chalte Chalte itna Kaha
MOSMON K KHEL HAIN SAB....!

Jiss Ko Chaha Wohi Kehta Hai Wafa Kuch Bhi Nahi....

Aisa Lagta Hai Mere Pass Raha Kuch Bhi Nahi..

Youn Bhi Uss Ne Mujhy Faramosh Kiya...

Sun K Har Baat Meri Jaise Suna Kuch Bhi Nahi...

Boht Veeraan Si Ho Gayi Hai Zindagi Meri.....

Woh Jab Se Chorr K Gaya, Mere Pass Raha Kuch Bhi Nahi..

Mujh Se Pochay Koi Kya Dil Pe Mere Beet Gayi....?

Uss Se Kya Pochtay Ho Jiss Ka Gya Kuch Bhi Nahi...!

Meri Zindgi Ko Ek Tamasha Bana Dia Us Ne
Bhari Mehfil Mein Tanha Bitha Dia Us Ne,

Aysi Kya Thi Nafrat Us Ko Es Masoom Dil Se
Khushiyan Chura Kar Gham Thama Dia Us Ne,

Bohat Naz Tha Us Ki Wafa Pe Kabhi Hum Ko
Mujh Ko He Meri Nazron Mein Gira Dia Us Ne,

Khud Be Wafa Tha Meri Wafa Ki Kya Qadar Karta
Anmol Tha Main Khaak Mein Mila Dia Us Ne !

Kisi Ko Yaad Karna To Us Ki Fitrat Mein Shamil Nahi
Hawa Ka Jhonka Samjh Kar Bhula Dia Us Ne...!

Hoon To Khafa Us SE,
Par Janay Phir B Kiyn!

Na Chaah Kar Bhi Us Ko Chahna Acha Lagta Hai

Haqeeqat Se Hoon Door,
Ye Mujh Ko Hai Pata

Par Jaan K Anjaan Rehna Acha Lagta Hai

Qayal Nahi Main Ronay Ki Phir B Kabhi Kabhi

Tanhai Main Kuch Dair Rona Acha Lagta Hai

Tu MERA Tha,
Tu MERA Hai,
Tu MERA Rahay Ga

Kuch Pal es Khawab Mein Khona Acha Lagta Hai....!

Jo na hoa kabhi woh ik raat ho gaya
Chand ko suraj se piyar ho gaya


Chand nikla talash may or kho gaya
Chand k jatay hi asman udaas ho gaya

Suraj to jalta hi raha intezar me or aag ho gaya
Suraj ki khataa se chand k liye andhera ho gaya

Chand nay ki bewafai or taroun k sath ho gaya
Sila mila kuch es tarha dono ko

Kartay rahy be rukhi humesha k liye
Aik ban gaya din or dosar raat ho gaya...!

kitni mushkil sy kati kal ki meri raat na pooch,
Dil sy nikli hui honton main dabi baat na pooch,

Wo kis adaa sy merey samney sy guzraa abhi,
Kis tarah main ny sambhaley merey jazbaat na pooch,

Waqat jo badley to insaan badal jaty hain,
Kya nahi dikhlaatey yeh gardish-e-halaat na pooch,

es tarah pal main mujhey begana kar diya us ne,
Kis tarah apno sy khaai hai main ny maat na pooch,

Ab tera pyaar nahi hai to sanam kuch b nahi,
Kitni mushkil sy bani thi dil ki kayenaat na pooch....!

Main Tumko Bahut Aane Lagun Jab Yaad, Chale Aana
Bhool Jana Apni Kahi Har Baat, Chale Aana

Judayi Ka Wo Lamha Aur Wo Manzar Dhalte Suraj Ka,
Yaad Tumko Jab Aane Lage Wo Shaam, Chale Aana

Bhool Jao Tum Agar Manzil Kabhi Apni,
Uthana Apne Kadam Phir Meri Taraf Chale Aana

Hadd Se Guzar Jaaye Jab Mera Zabt-E-Ghum,
Aur Main Pukarun Tumko Baar Baar, Chale Aana

Uske Bin Jeene Ka Ab Tasavvur Nahi Mujhe
Meri Maut Ka Gar Tumko Mile Payaam Chale Aana...!

Raah Aasaan Ho Gayi Hogi,
Jaan Pehchan Ho Gayi Hogi,

Phir Palat Kar Nigaah Nahi Aayi,
Tujhpe Qurbaan Ho Gayi Hogi,

Teri Zulfon Ko chairte Hai Saba,
Khud Pareshan Ho Gayi Hogi,

Maut Se Tere Dard Mandoon Ki,
Mushkil Aasaan Ho Gayi Hogi,

Un se Bhi Chean Loge Yaad Apni,
Jinka IMaan Ho Gayi Hogi,

Dil Ki Taskeen Puchhte Hai Aap,
Haan Meri Jaan Ho Gayi Hogi...!