Sad

Hawa Thami Thi Zaroor Lekin
Wo Shaam Jesy Sisak Rahi Thi
K Zard Patton Ko Aandhiyun Ne Ajeeb Qissa Suna Dia Tha
K Jis Ko Sun Kar Tamam Pattay
Sisak Rahe The
Bilak Rahe The
Jane Kis Sanihay K Ghum Main
Shajar Jaron Se Ukhar Chuke The……
Bohat talash kia tha Hum Ne Tumko
Har Aik Rasta, Har Aik Waadi
Har Aik Parbat, Har Aik Ghaati
Kahin Se Teri Khabar Na Ayi
To Ye Keh K Hum Ne Dil Ko Tala
Hawa Thamay Gi To Dekh Lain Ge
Hum Us K Raston Ko Dhoond Lain Ge
Magar Hamari Ye Khush Khayali
Jo Hum Ko Barbaad Kar Gae Thi…
Hawa Thami Thi Zaroor Lekin
Bari Hi Muddat Guzar Chuki Thi
Hamare Balon K Jungalon Main
Safaid Chaandi Utar Chuki Thi
Falak Pe Taray Nahi Rahe The
Gulaab Pyare Nahi Rahe The
Wo Jin Se Basti Thi Dil Ki Basti
Wo Loog Saare Nahi Rahe The
Ye Almiya Sab Se Baalatar Tha
K Hum Tumhare Nahi Rahe The
K Tum Hamare Nahi Rahy the
Hawa Thami Thi Zaroor Lekin
Bari Hi Muddat Guzar Chuki Thi...!

Pathar Say Wafa Mout Se Sada mang Rahi Hon
kyu Aj Mai Sehra Se Ghata Mang Rahi Hon
Muddat Se Koi DIL Ko Dukhane Nahi Aya
Ajao Koi Zakham Naya Mang Rahi Hon
Jo Jurm Muhabbat Mein Tujhe Mera Bana De
Aisi Hi Koi Pyari Saza Mang Rahi Hon
Maalom Hy
Tum Ghair K Ho Jao Gay Shakir
Phr Bhi Tumain Panay Ki Dua Mang Rahi Hon...!

Hum Nay Soch Rakha Hai
Chahay Dil Ki Har Khowish
Zindagi Ke Aankhoon Say
Ashk Ban Kay Beeh Jaye
Ghar Ke Sari Dewarain
Chatt Samait Gir Jaye
Or Be Muqaddar Ham
Khud He Kyun Na Dab Jaye
Tum Say Kuch Nahi Kehna

Kese Neend Thi Apni
Kesay Khowab Thay Apnay
Or Ab Gulaboon Per
Neend Wali Aankhoon Per
Naram Khoo Say Khowaboo Per
Kyun Azaab Tootay Hain
Tum Say Kuch Nahi Kehna

Ghir Gaye Hain Ratoon Main
Be Libas Batoon Main
es Tarah Ki Ratoon main
Kab Charag Jaltay Hain
Kab Azaab Taltay Hain
Ab Tu In Azaboon Say
Bach K Bhi Nikalnay Ka
Rasta Nahi Jana !
Jis Tarah Tum Ko Bhi
La Zawaal Lamhoo Say
Wasta Nahi Jana !
Ham Nay Soch Rakha Hai
Tum Say Kuch Nahi Kehna...!

jawaan ghunchoon ko batlao muhabbat maar deti hai
payaam-e-zeest phailao, muHabbat maar deti hai

sabaq tasleem karte ho to mat bhulo, paRhna hai
muHabbat tark farmao, muHabbat maar deti hai

bohat laila, bohat majnooN hue nazr-e-wafa aaKHir
nah yeh sartaan phailao, muHabbat maar deti hai

bohat dekhe mareez-e-ishq ham ne, ab taqaaza hai
tabeeb-e-ishq ban jaao, muHabbat maar deti hai

kisi ko ishq ki raahoN peh dekho gar to keh dena
sitam KHud par nah tum Dhaao, muHabbat maar deti hai

mujhe yaaraan-e-meHfil se payaam aata bhi hai to kya
yeh kehte haiN, palaT aao, muHabbat maar deti hai

musaafat se, rafaaqat se, yeh seekha wasl o furqat se
agar tum is se bach paao, muHabbat maar deti hai

woh kehte haiN keh Monis ishq par kehte hi rehte ho
radeef ab es ko Thehrao, muHabbat maar deti hai...!

Aaya Naa Tujhe Raas, Koi Ghar Bhi Qafas Bhi
Ab Aae Dil-e-Kam Zarf, Kisi Shehar Mein Bass Bhi

Thukra Ke Jo Aaya Hai, Samandar Ki Sakhawat
Ab Dasht-e-Musaafat Mein, Ghataon Ko Taras Bhi

Mohsin Mujhe satayen Gay Bohat Chand, Nadi, Phool
Aaya Naa Meraa Yaar, Aggar Ab K Baras Bhi...!

jo bhi kehna hay kaho phir ankaha reh jaay ga,
qurbaton k darmyan bhi faasla reh jaay ga.....,

wo guzar jaay ga in rastoon say misl e baad e saba,
or tou in rehguzaaron me khara reh jaay ga....

band kanon say sunay ga tou khanakti guftugu,,
bheegi aankhon say usy bus daikhta reh jaay ga..

chean lay ge subh ik aahat ka jhoota khuab bhi,,
aankh ki soni gali me rat jaga reh jaay gaa,,

titlian hijrat karein gi mosamon k sath sath,
or shehr e gul me aashob e hawa reh jaay ga,,

baadlon say aag barsy gi fiza e shehr per,
naqsh mit jaein gay ik naqsh e fana reh jay ga...!

Bazi e Ishq Kuch es Tarah Say Hare Yaroo
Zakham Per Zakham Lagey Dil Pe Humare Yaroo
Koi To Aisa Ho Jo Ghao Per Marham Rakhey
Yun To Dushman Na Bano Sare Ke Sare Yaroo
Bazm Main Sar Ko Jhukaye Huye Jo Bethy Hain
In Ko Mat Chairo Yeh Hain Ishq Ke Maaray Yaroo
Jinn Main Hoty Thy Kabhi Meher O Wafa Ke Moti
In Hi Ankhon Main Sitam Ke Hain Shararay Yaroo
Dost Hi Apny Jo Kerny Lageen Nazr E Tofaan
Kaam Nahi Aty Phir Koi Saharey Yaroo
Wo Jo Raha Dil Geer Tumhari Khatir
Tum Ne Kya Kya Nahiin Taney Usy Maaray Yaroo...!

Ek din ek udaas lamhe ne

Muskarate huwe jo dekh liya

Jane kiya dil main soch liya ?

Raasta mera hans k rook liya

Aur sene se lag gaya aisay

Jaise bichra huwa koe apna

Ek muddat k baad milta hay

Tab se woh mere paas rahta hay

es liye dil udaas rahta hay...!

Chalo Tum Keh Rahay Ho To

Main Wapis Loat Jata Hoon

Tumhain Munzil Mubarak Ho

Naye Saathi Mubarak hon

Magar Mujy Itna To batla Do k

Wapis Kis Tarf Jaon??

Kahan Sy saath Laye Thay

Mujy Itna to Samjha do

Agar Aisa nhi Mumkin to

Mujh Ko es tarah torro K

Main Yaksar Bikhar Jaaon

Bhataknay Sy to Behtar hai

Tumhary Paas Mar Jaaon...!