farz karo tum chat per baithi apne baal sukhate ho
farz karo ke dhoop ka us din kuch kuch rang gulaabi ho
farz karo tum baithe baithe gehri soch mein kho jao
baal sukhana choar ke sar ghutnon pe rakh kar so jao
farz karo us neend mein tum ne dekha aisa sapna ho
be kal ho kar man ye chahe kaash ye sapna apna ho
farz karo tum khat likhne ko kaghaz qalam uthati ho
khat likhne se pehle kaghaz ko khushboo khoob lagati ho
farz karo alqaab pe a kar qalam tumhara ruk jae
nazar tumhari dhuk dhuk karte dil ki janib jhuk jae
farz karo aik naam likho aur likh kar kato phir likho
farz karo sapne afsane khat ka naam muhabbat ho
farz karo hum donon k dil aik hi saath dharaktay hon
farz karo ye saari baatein FARZ na karni parti hon ...!

teri Khushbu ka pataa karti hai
mujh pe ehasan hava karti hai

shab ki tanhai me ab to aksar
guftaguu tujh se raha karti hai

dil ko us raah pe chalna hi nahi
jo mujhe tujh se juda karti hai

zindagi meri thi lekin ab to
tere kahane me raha karti hai

us ne dekha hi nahi varna ye ankh
dil ka ehvaal kaha karti hai

mujh se bhi us ka hai waisa hi sulook
haal jo teraa ana karatii hai

dukh hua karta hai kuch aur bayan
baat kuchh aur huaa karatii hai

abr barsay to inayat us ki
shaaKh to sirf duaa karatii hai

masla jab bhi utha chiraaGon ka
faisalaa sirf havaa karatii hai...!

ye jo diwane se do char nazar ate hain
in mein kuch sahib-e-asrar nazar ate hain
teri mahfil ka bharam rakhte hain so jate hain
werna ye log to bedar nazar ate hain
dour tak koi sitara hai na koi jugnu
marg-e-ummid k asar nazar ate hain
mere daman mein shararon k siwa kuch bhi nahin
ap phulon k kharidar nazar ate hain
kal jise chu nahin sakti thi farishton ki nazar
aj wo raunaq-e-bazar nazar ate hain
hashr mein kaun gawahi meri dega Saghar
sab tumhare hi tarafdar nazar ate hain...!
Saghar Siddique

bhuli hui sada hun mujhe yad kijiye
tum se kahin mila hun mujhe yad kijiye
manzil nahin hun khizr nahin rahzan nahin
manzil ka rasta hun mujhe yad kijiye
meri nigah-e-shauq se har gul hai dewta
main ishq ka khuda hun mujhe yad kijiye
nagmon ki ibtida thi kabhi mere naam se
ashkon ki intaha hun mujhe yad kijiye
gum sum khari hain donon jahan ki haqiqat
main un se keh raha hun mujhe yad kijiye
Saghar kisi ke husn-e-tagaful shar ki
bahki hui ada hun mujhe yad kijiye...!
Saghar Siddique

Maine kaha mere lye Bhi dua kya kro
Us ne kaha es ki na fikar kya kro

Me ne kaha mere zehan pe rehta hai bojh sa
Us ne kaha chuup k kahin ro lya kro

Maine kaha teray khwab jaga dete hen
Us ne kaha raaton ko socha na kro

Me ne kaha raaton ko neend nhi aati
Us ne kaha sone ki koshish to kya kro

Me ne kaha dil me teri yaaden hen
Usne kaha k dil ko samjhaya kro

Me ne kaha teray milne ki umeed hai kya?
Usne kaha qismat pe bharosa kya kro...!

Jo Kahin Na Mile Wo Khushi Chahiye
Dard Kaisa Bhi Ho Bandagi Chahiye

Mujhko Duniya Ki Ab Koi Khuwahish Nhi
Aakhrat Ki Mujhe Zindagi Chahiye

Tere He Aage Haath Phelaon
Ab Aesi ALLAH Mujhe Bebasi Chahiye

Tu Ho Jaye Raazi Sanwar Jaon Main
Mere Malik Aagahi Chahiye

Main Jhuko Or Jhuko Bus Jhuka He Rahun
Ibadat Me Bus Ye Aajizi Chahiye

Main Bhatak Jaun To Aasra Dey Mujhe
Aesi ALLAH Mujhe Rehbari Chahiye...!

Sauda Hamara Kabhi Bazaar Tak Nahi Pohncha
Ishq Tha Jo Kabhi Izhaar Tak Nahi Pohncha

Yun Tu Guftugo Bohut Hoe Un se Phir Bhi
Silsila Kabhi Yeh Pyaar Tak Nahi Pohncha

Jaane Kaisay Ho Gaya Waqif Tamaam Shehar
Daastan-e-Ishq Yun Tu Kabhi Akhbaar Tak Nahi Pohncha

Shartein Ek Dusare Ki Manzoor Thi Yun Tu
Par Musevida Hamara Kabhi Qaraar Tak Nahi Pohncha

Gahrayi Dosti Main Naapta Bhi Kaise
Rishta Hamara Kabhi Takrar Tak Nahi Pohncha

Ana Meri Mujhe Izazat Nahi Deti
Faqat Isliye Zaidi Darbar Tak Nahi Pohncha...!

Main Apne Daaman Mein Chhupa Lo Tujhko,
Dil Chaahta Hai Apna Bana Lo Tujhko

Mar Ke Bhi Na Tootey Yeh Rishta Hamaara,
Iss Tarah Se Apni Rooh Mein Sama Lo Tujhko

Tere Pyaar Ne Mujhe Har Cheez Se Ghaafil Kar Diya,
Ab Dil Karta hay K Tujhse Chura Lun Tujhko

Tere Baghair Ab Jee Nahi Sakta Main
Mere Paas Baith Yeh Samjha Lo Tujhko...!

Chahat teri chhupa ke jiye ja rahi hun main,
khud ko hasin fareb diye ja rahi hun main,
tu bewafa hai phir bhi mera hosla to dekh,
tujh pe wafa nisar kiye ja rahi hun main,
bhar ke tere daman mai musarrat ki kahkashan,
saugat aansuo ki liye ja rahi hun main,
ruswa na ho jaye tu is jahan mai isliye,
honto ko apne khud hi siye ja rahi hun main,
murat teri tarash kar pojoun gi isliye,
pathar teri gali ka ek liye ja rahi hun main...!