Ek shakhs ko deakha tha
Taron ki tarha Hamney

Ek shaks ko chaaha tha
Apnon ki tarha Hamney

Ek shaks ko samjha tha
Phoolon ki tarhaa Hamney

Wo shaks qayamat tha
Kya uski karein Batain

Din us ky liye Paida
Aur uski he thi Ratain

Kab milta kisi se tha
Ham se thi mulaqatain

Aankhain thi ke jaadu tha
Palkain thi k talvarain

Dushman bi agar dekhein
so jaan se dil Harain

Kuch tum se wo milta tha
Baton mein shabahat thi

Han tum sa hi lagtaa tha
Shokhi mein sharaarat main

Lagta bhi tumhe sa tha
Dastur-e-mohabbat main

Wo shaks hamain aik din

Apnon ki tarhaa Bhola
Taron ki tarha doba
Phoolon ki tarha tuta

Phir haath na aaya woh
Hamney bohat dhoondha

Tum kis liye chonkay ho
Kab zikar tumhar hai
Kab tum se taqaza hai
Kab tum se shikaayat hai

Ikk taaza Hikayat hai
Sun lo tou inayat hai

Ek shaks ko chaaha tha
Apnon ki tarha Hamney...!

kabhi jo hum nahi hoon gy,
kaho kis ko batao gy,
wo apni uljhenain sari,
wo becheni main doobay pal,
wo ankhon main chupe ansu,
kise phir tum dikhao ge,
kabhi jo hum nahi hoon gy,
bohat bechain ho gy tum,
bohat tenha reh jao gy,
abhi b tum nahi samjhe,
hamari unkahi batein,
mager jub yaad aayen gy,
bohat tum ko rulayen gy,
bohat chaho gy phir b tum,
humein na dhoond pao gy,
kabhi jo hum nahi hoon gy...!

Bas ek khyaal hai taskeen E jaaN hamare liye
Zamane bhar se koi bad gumaaN hamare liye

Hum us pe khaab ki soorat utarne waale hain
Sajaye aaNkh mein wo kehkashaaN hamare liye

Udaas ho chuke lamhoN mein rang bharti hui
Hawaye shaam hai na maherbaN hamare liye

Nateejatan hamaiN mahroom e khaab hona paRa
HaqeeqatoN ne kaRe imtehaaN hamare liye...!

Mohabbat Ka Asar Hoga,
Ghalat Fehmi Main Mat Rehna,

Wo Badle Ga rukh Apna,
Ghalat Fehmi Main Mat Rehna.

Tasalli Bhi Usay Dena,
Ye Mumkin Hai Main Laut Aaoon,

Magar Ye Bhi Usay Kehna,
Ghalat Fehmi Main Mat Rehna.

Tumhara Tha Tumhara Hoon'.
Tumhara Hi Rahoon Ga Main,

Mere Baare Main Is Darja
Ghalat Fehmi Main Mat Rehna.

Mohabbat Ka Bharam Toota To
Ab Chuup Chuup K Kyun Rotay Ho

Tumhain Hum Ne Kaha Tha Na.
Ghalat Fehmi Main Mat Rehna...!

kyon na phir tujh sey milny ka irada kar lon
zakham ye sadiyon purana tar-o-taza kar lon

phir sey keh don usey ke tum meri aqeedat ho
phir sey guzra mohabaton ka eyada kar lon

sonp don ab yeh shokh tabiyat os ko
sochta hon ke khud ko is qadar saada kar lon

ya usey pa key bhula don dard-o-gham apny
ya us ke hijar ka gham aur bhi zayada kar lon

woh tu har kasam hans ke torr deta hai
phir naya kis tarah us sey koi waada kar lon..?

Yeh zara zara si baat per,





Tarha tarha ka azaab kiyon?


Jo kisi say bhi khafa na ho,


Mujhey us khuda ki talash hai.

Mujhey laghzishon pay her ghari,
Koi tokta hay baar baar.



Jisay ker k dil ko dukh na ho,

Mujhey us gunah ki talash hai,
Bina Humsafar k kab talak,



Koi musafaton main laga rahay.

Jahan koi kisi say juda na ho,



Mujhey us raah ki talash hay.



Mujhey daikh ker jo aik nazar,

Meray saray dard samajh sakay.

Jo is qadar ho Chara-e-gar,

Mujhey us nigaah ki talaash hay.

ek jazba khak hua dil ki gehrayion me kahin

taajjub hai maut par uski koi roya tak nahin,

sahil se to chale the sath me hamsafar banker

sagar ne duboyahum hiko unhe to bhigoya tak nahin,

ankhon me zinda khuwab thay ya khuwab me zinda ankhen,

tutne k bad hi jana ki unhone to sanjoya tak nahin,

nadani me jinki khatir sab lutane nikle the hum

dekho humare na rehne per bhi unka kuch khoya tak nahin

Na tum baaz aao na hum baaz aen,
Brabar khafa hon brabar manaen,

Bohat khobsurat hain tewar tumhare,
Khafa ho agar bhi to lagtay ho pyare,

Meray g main a'ey gale se laga lon,
Ada rooth jane ki tum se chura lon,

Tumhari ada hum tumhi ko dikhain,
Na tum baaz aao na hum baaz aayen...

Mere wajood me WAFA ki roshni utar de.
Phr itna piyar de k mujh ko chahato me maar de.

Boht uddas tha so utth k tere pas agaya.
Kuch aisi baat kr jo dil ko chain or qarar de.

Suna he teri 1 nazar sanwarti he zindagi.
Jo ho sakey to aaj meri zindagi sanwar de.