Ye Dil Bhulata Nahe Hai Mohabbatain Uski
Padi Howi Theen Mujhe Kitni Aadatain Uski

Ye Mera Saara Safar Oski Khushbuu Mein Kta
Mujhe Tou Raah Dikhati Theen Chahatain Uski

Ghiri Howi Hun Mein Chehron Ki Bheer Mein Laikin
Kaheen Nazar Nahee Aati Shabahatain Uski

Mein Dard Se Ronay Lagi Hun Tou Aisa Lagta Hai
Ke Chhaon Jaisi Theen Mujh Par Rafaqatain Uski

Ye Kis Gali Mein Ye Kis Sheher Mein Nikl Aaye
Kahan Pe Reh Gayein Loogon Sadaqatain Uski?

Mein Baarishon Mein Juda Ho Gayi Hun Os Se Magar
Ye Mera Dil, Meri Saansain Amanatain Uski...!
Noshi Gilani

Rukta Bhi Nahi Theek Se Chalta Bhi Nahi Hai
Ye Dil Ke Tere Baad Sambhalta Bhi Nahi Hai

Ye Sheher Kisi Aina Kirdaar Badan Par
ilzam Lagate Howe Darta Bhi Nahi Hai

Ik Umar Se Hum es Ki Tamanna Mai Hain Be Khowab
Wo Chand Jo Aangan Main Utrta Bhi Nahi Hai

Phir Dil Mein Teri Yaad Ke Manzar Hain
Aisay Mein Koi Dekhnay Waala Bhi Nahi Hai

es Umar Ke Sehra Main Teri Yaad Ka Baadal
Tlta Bhi Nahi Aur Barasta Bhi Nahi Hai

Hamraah Bhi khwaahish Se Nahi Rehta Hamare
Aur Baam-e-Rafaaqat Se Utarta Bhi Nahi Hai...!
Noshi Gilani

Hijr Ki Shab Mein Qaid Karay Ya Subha Visaal Mein Rakhay
Acha Mola ! Teri Marzi Tu Jis Haal Mein Rakhay

Khail Ye Kaisa Khail Rahee Hai Dil Se Teri Mohabbat
Ik Pal Sarshari De aur DinoN Malaal Mein Rakhay

Mein Ne Saari Khushboain aanchal Se Baandh Ke Rakheen
Shaayad In Ka Zikr TU apnay Ksi Sawaal Mein Rakhay

Ksi Se Tere aanay Ki Sargoshi Ko Suntay Hee
Mein Ne Kitnay Phool Chunay aur apni Shaal Mein Rakhay

Mushkil Bun Kar Toot Padi Hai Dil Per Ye Tanhai
aB Jaanay Ye Kub Tak Isko apnay Jaal Mein Rakhay...!
Noshi Gilani

hamesha dair kar deta hun main

zaruri bat kahni ho
koi wada nibhana ho
usay awaz deni ho
usay wapas bulana ho
hamesha dair kar deta hun main

madad karni ho uski
yar ki dharas bandhana ho
bahut dairina raston par
kisi se milne jana ho
hamesha dair kar deta hun main

badalte mausamon ki sair main
dil ko lagana ho
kisi ko yad rakhna ho
kisi ko bhool jana ho
hamesha dair kar deta hun main

kisi ko maut se pahle
kisi gam se bachna ho
haqiqat aur thi kuch
us ko ja k ye batana ho

hamesha dair kar deta hun main...!
Munir Niazi

Tumhare khat main naya ek salam kis ka tha
na tha raqeeb to akhir wo naam kis ka tha

Wo qatl kar ke har kisi se puchte hain
ye kaam kis ne kiya hai ye kaam kis ka tha

Wafa karenge nibhayenge baat manein ge
tumhen bhi yaad hai kuch ye kalam kis ka tha

Raha na dil main wo be-dard aur dard raha
muqeem kaun hua hai maqam kis ka tha

Na pooch pach thi kisi ki na aao bhagat
tumhari bazm main kal ehtamam kis ka tha

Guzar gaya wo zamana kahen to kis se kahen
khayal mere dil ko subah o sham kis ka tha

Har ek se kahte hain kya Daagh bewafa nikla
ye puche in se koi wo ghulam kis ka tha...!
Daagh Dehalvi

Dil mein hum aik hi jazbe ko samoyen kese,
Ab tujhe paa ke yeh uljhan hai ke khoye kese,

Zehen chhalni jo kiya hai, To yeh majboori hai,
Jitne kaante hain, woh talwon mein piroyen kese,

Hum ne maana ke bohat dair hai hashar aney tak,
Chaar janib teri aahat ho to soyen kese,

Kitni hasrat thi, Tujhe pass bitha ker rotay,
Ab yeh yeh mushkil hai, Tere samne roye kese...!

Pani ankh main bhar k laya ja sakta hai
ab bhi jalta sheher bachaya ja sakta hai

aik mohabat aur wo bhi nakam mohabat
lekin es se kam chalaya ja sakta hai

Dil par pani penay ati hain umeeden
es chashmay main zeher milaya ja sakta hai

mujh benam se pughtay hain Farhad o Majnoo
ishq main kitna naam kamaya ja sakta hai

phatta purana khwab hai mera phir bhi Tabish
es main apna aap chupaya ja sakta hai...!
Abbas Tabish

Jo Khushi Tumharay Kareeb Ho
Wo Sada Tumhain Naseeb Ho

Tujhe Wo Khulos Milay Ke Jo
Teri Zindagi Pe Muheet Ho

Jo Mayaar Tujhko Pasand Ho
Jo Tumhare Dil Ki Umang Ho

Teri Zindagi Jo Talab Kare
Teray Hamsafar Ka Wo Rang Ho

Jo Khayaal Dil Main Aseer Ho
Or Dua Main Bhi Taseer Ho

Teray Haath Uthtay Hi Khuda Karay
Teray Saamne Tabeer Ho

Tujhe Wo Jahan Milay Jidhar
Ghamon Ka Koi Guzar Na Ho

Jidhar Rooshni Ho Khuloos Ki
Or Nafratoon Ko Khabar Na Ho...!

Ae Khuda Aaj Ye Faisla Karde
Usay Mera Ya Mujhe Uska Karde

Bahut Dukh Sahay He Maine
Koi Khusi Ab Toh Muqadar Karde

Bahot Muskil Lagta Hai Usse Duur Rehna
Judai Ke Safar Ko Kam Karde

Jitna Duur Chale Gaye Woh Mujhse
Usay Utna Kareeb Karde

Nahi Likha Agar Nasib Me Uska Naam
To Khatam Kar Ye Zindagi Aur Mujhe FANAA Karde...!