Ab Ke Saal Poonam Mein Jab Tu Aayegi Milne,
Ham Ne Soch Rakha Hai Raat Yoon Guzaarenge

Dhadkanen Bicha Denge Shokh Taire Qadmon Par
Ham Nigaahon Se Teri Aarti Utaren ge

Tu Ke Aaj Qatil Hai, Phir Bhe Rahat-E-Dil Hai
Zeher Ki Nadi Hai Tu, Phir Bhe Qeemti Hai Tu

Pest Hoslay Walay Tera Sath Kya De gein
Zindagi Idher Aa Ja Hum Tujhe Guzarein Gein

Aahani Kalejay Ko Zakhm Ke Zarorat Hai
Ungliyon Se Jo Tapkay Os Lahoo Ki Hajat Hai

Aap Zulf-E-Janan Ke Kham Sanwariye Sahab
Zindagi Ki Zulfon Ko Aap Kya Sanwarain Gai

Koi Sath Mein Apne, Aye Ya Nahi Aye
Jo Mile Ga Rastay Mein Hum Osay Pukarain Gein...!!!

Aaney wali ruton ke anchal mein
Koi saaat saeed kya ho gi

Raat ke wakt rang kya pehnoon
Roshni ki kuleed kya hogi

Jab ke baadal ki oat lazim ho
Janti hoon, ke deed kya hogi

Zard mausam ki khushk tehni se
Koanplon ki umeed kya hogi

Chaand ke koi pass bhi sunaney ko
Ab ke koi naveed kya hogi

Gul na hoga to jashne khushbu kya
Tum na ho ge tou eid kya hogi...!

Waqt ke sath anaasar bhi rahe sazish me,
Jal gaye pair kabhi dhoop kabhi barish me,

Woh tou ik saada-o-kam shauq ka talib nikla,
Hum ne nahaq hi ganwaya usey aarayesh me,

Zindagi ki koi mehroomi nahin yaad ayi,
Jab talak hu mein tere qurb ki asayish me,

Aik dunya ka qaseeda tha agarche mere naam,
Lutf aata tha kisi shakhs ki fehmayesh me,

Us ki ankhen bhi meri tarah se girvi kahin aur,
Khawb ka qarz barh jata hai ik khawish me...!
Parveen Shakir

Dard phir jaaga,purana zakhm phir taaza hua
fasl-e-gul kitnay qareeb aaii hai,andaza hua

Subha yuun nikli,sanwar kay jis terha koi dulhan
shabnam awaiza hui,rang-e-shafaq ghaza hua

Haath meray bhool bethay dastaken dainay ka fun
band mujh par jab say us kay ghar ka darwaza hua

Rail ki seeti men kesay hijr ki tamheed thi
us ko rukhsat kar kay ghar loatay to andaza hua...!
Parveen Shakir

Ajab Makaan Hai Ke Jis Mein Makeen Nahee Aata
Hudood-e-Sheher Mein Kia Dil Kaheen Nahee Aata

Mein Jis Ke Ishq Mein Ghar Baar Chorr Baithi Thi
Yehi Wo Shaks Hai Mujhko Yaqeen Nahee Aata

Maza Hee Shair Sunanay Ka Kuch Nahi Jub Tak
Qasida Go Yun Mein Wo Nukta Cheen Nahee Aata

FIshaar Jaan Ke Bohat Hain Agar Nazar Aayein
Har Ik Zalzala Zair-e-Zameen Nahee Aaata

Bharam Hai Mehr-o-Maa-o-Najam Ka Bhi Bas Jab Tak
Muqaabil In Ke Wo Roshan Jabeen Nahee Aata...!
Parveen Shakir

Chaara Saazon Ki Aziyat Nahi Dekhi Jaati
Tere Bimaar Ki Haalat Nahi Dekhi Jaati

Dene Waalay Ki Mashiyat Pe Hai Sab Kuch
Mangnay Waalay Ki Haajat Nahi Dekhi Jaati

Din Behel Jaata Hai Laikin Tere Dewano Ki
Shaam Hoti Hai Tou Wehshat Nahi Dekhi Jaati

Tamkanat Se Tujhay Rukhsat Tou Kia Hai Laikin
Ham Se In Aankhon Ki Hasrat Nahi Dekhi Jaati

Kon Utra Hai Ye Aafaaq Ki Pehnai Mein ?
Aaina Khaanay Ki Hairat Nahi Dekhi Jaati....!
Parveen Shakir

Qismat Se Bhi Kuch Siwaa Dia Hai ?
Baarish Ne Hamain Mila Dia Hai

Dekhi Hai Meri Udaasi Os Ne
Aur Dekh Ke Muskura Diya Hai

Ab Tou Mujhe Sabar Aa Gaya Tha
Ye Kis Ne Mujhe Rula Dia Hai ?

Wo Chaahay Tou Raasta Badal Le
Mein Ne Tou Dia Jala Dia Hai

Os Ronaq-e-Bazm Ne Tou Meri
Tanhaayi Ko Sajaa Dia Hai

Wo Pal Ke Sulag Uthaa Hai Malboos
Aur Os Ne Diya Bujhaa Dia Hai...!
Parveen Shakir

Abhi es traf na Nigah kr,
Main Ghazal ki Palken sanwar lun ,,

Mera lafz lafz ho Aaina,
Tjhe Aainy me utaar lun ,,

Main tmam Din ka thka hua,
Tu tmam shab ka jga hua ,,

Zara thehr ja isi Mor pr,
Tery sath Shaam guzaar lun ,,

Agar Aasman ki Numaish me,
Mjhe b Izn-e-Qayam ho ,,

To Main motiyon ki dukaan se,
Teri baliyan, Tery haar lun ,,

Kai Ajnabi teri Raah k,
Mery paas se yun Guzar gye ,,

Jinhe dekh kr ye tarap hui,
Tera Naam le kr Pukaar lun...!

Aawaaz de rahi hai ye kis ki nazar mujhe?
Shayed mile kinara wahin doob kar mujhe

Chaha Tujhe to khud se Mohabbat si ho gaii
Khone ke bad mil gaii apni khabar mujhe

Har har qadam pe saath hoon saya hoon main tera
Ay bewafa dikha to zara bhool kar mujhe

Dunya ko bhool kar teri dunya main aa gaya
Le jaa raha hai kaun idhar se udhar mujhe?

Dunya ka har nazara nigahon se cheen le
Kuch dekhna nahi hai tujhe dekh kar mujhe...!