Search

Kal B SMS zinda tha,
Aaj B SMS zinda hy,

Tum kitne tax lagao gey,

Her mobile se SMS nikle ga.

(".)/' Naar-e-Msg
>))
_//_

(.")/' Zinda Bad
>))
_//_...

haseen lagta tha hum ne jin dino mein usko dekha tha
basanti mosamon , bheegi ruton mein usko dekha tha

usi k aks ne ankhain khumaar-e-khuvaab se bhar deen
chamaktey chaand jesey aaiino mein usko dekha tha

jisey ab rait k kachey gharondon se mohabbat hai
sumander k sunehrey paniyun mein usko dekha tha

jo tanhayee ki chadar orh kar sota hai rasston mein
kabi is shehar ki sab mehfilon mein usko dekha tha

bagolon ko pehan kar ab jo sehra mein bhatakta hai
gulab-o-yasmeen k junglon mein usko dekha tha

jo apney qarya-e-dil ki udasi se behalta hai
ghataon mein ghiri gum bastiyun mein usko dekha tha

zaroorat hai jisey ab dhoop ka ujla kafan Mohsin
badan par baraf orhey parbaton mein usko dekha tha

zindagi yun thi k jeeney ka bahana tu tha
hum faqt zaib-e-hikayat the, fasana tu tha

hum ney jis jis ko bhi chaaha terey hijraan men, woh log
aatey jaatey huye mausam the, zamana tu tha

ab kay kuch dil hi na maana k palat kar aatey
warna hum dar badaron ka to thikana tu tha

yaar aghyaar kay haathon men kamaanen thi Faraz
aur sab dekh rahey the k nishana tu tha

farishton jesa taqaddus tha uss ka
yaqeen manen woh shakhs bewafa nikla

woh chaand k roshan Tha
seenon mein Nigahon mein
Lagta hai udasee Ka ik bharrta howa haala
poshak tamanna Ko
Azadi ke khilat Ko
afsos k yaron ne
uljhay huay dhagon Ka ik dhair Bana Dala
woh shore hai Lamhon Ka,
woh Ghoor andhera hai
tasweer Nahi banti, Aawaz Nahi aati
Kuch zor Nahi chalta,
Kuch paish Nahi Jati
Izhaar Ko daasti hai Har Roz Nai aُljhn
Ehsas Peh Lagta hai Har sham naya taalaa
hai koi dil beena. . ? ?
hai koi Nazar wala. . ? ? ?

aaj phir tanha woh tha betha howa
lijiye phir ik guma peda howa

aa chuki thi neend lekin kya howa
bujh chuka tha khawab jo taza howa

husn ke darbaar mein thatka howa
kiyon hamesha ishq he, ruswa howa

is chaman mein har taraf laali to hai
dehk pattoun par lahu chhirka howa

rastaa kiasa he mushkil kiyon nah ho
mera rehbar shoqِ bay parwa howa

zaiqa mein ne kabhi chakkha nahi
ehad tera saghar fardaa howa

phir parindon ka thikana nah raha
jab basa khali makan ujra howa

sham ho taay he tamanna jee uthi
aaye ga phir subah ka bhola howa

mujhay apnay zabt peh naz tha , sar bazm raat yeh kya howa
meri aankhh kaisay chhalak gai , mujhay ranj hai yeh bura howa

meri zindagi k chairag ka yeh mizaaj koy naya nahi
abhi roshni abhi tayragi , nah jala howa nah bujha howa

mujhay jo bhi dushman jaa mila , wohi pukhta kaare-e-jafaa mila
nah kise ki zarb ghalat pari nah kise ka teer khata howa

mujhay aap kiyon nah samajh sakay , kabhi apnay dil say bhi poochiye
meri daastaa’n-e-hayaat ka tou varq varq hai khula howa

jo nazar bacha kay guzar gaye mairay samnay say abhi
yeh mairay he shehar kay log thay , mairay ghar say ghar hai mila howa

hamein is ka koy bhi haq nahi k shrik-e-bazm-e-khuloos hon
nah hamaray paas naqaab hai , nah kuch aasteen mein chhupa howa

mairay aik goshaa-e-fikar mein , meri zindagi say aziz tar
mera ik aisa bhi dost hai , jo kabhi mila nah juda howa

mujhay ik gali mein para howa , kisi badnaseeb ka khat mila
kahin khon-e-dil say likha howa , kahin aansooun say mita howa

mujhay hum safar bhi mila koi tou shikasta haal meri tarah
ky manzlon ka thaka howa , kahin raaston mein luta howa

hamein apnay ghar say chalay hoe , sar-e-raah umar guzar gai
koi justojoo ka sila mila , nah safar ka haq he ada howa