Search

Mujhe Khamosh Raahon Main Tera Saath Chahiye
Tanha Hai Mera Haath Tera haath Chahiye

Mujh Ko Mere Muqadar Per Itna Yaqeen To Hy
Tuj ko Bhi Mere Lafz Meri baat Chahiye

Main Khud Apni Shairy Ko Kiya Acha Kahun
Mujh Ko Teri tareef,Teri daad Chahiye

Ehsas-E-Muhabat Tere Hi Wastey Hai Lekin
Junoon-E-Ishq Ko Teri Har soughat Chahiye

Tu Mujh Ko Panay Ki Khwahish Rakhta Hai Shayad
Lekin Mujhy Jeenay K Liye Teri Hi zaat Chahiye....

Safar Mein Apne Hisse Ki Musafat Yaad Rehti Hai
Kahin Abaad Honay Par Bhi Hijrat Yaad Rehti Hai

Wo Chahe Dosti Ho Dushmani Ho Ya Muhabbat Ho
Yahan Har Haal Mein Apni Zarurat Yaad Rehti Hai

Kisi Sehra Ko Pyasa Chorr Jata Hai Kabhi Darya
Kabhi Pyase Ko Darya Ki Sakhawat Yaad Rehti Hai

Ye Sach Hai Pehla Pyaar Hi Basa Rehta Hai Sanson Mein
Ye Sach Hai Umer Bhar Pehli Muhabbat Yaad Rehti Hai...!

hawa k khauf se zakhmi kabhi ana na karo
bujhay charag to bujhnay do ilteja na karo

kuch ehtram baroon ka bhi lazmi hai magar
ghuman guzray khushamad ka youn jhuka na karo

ye uska kaam hai wo zakhm de k phool tumhain
jo dost maan lya hai to phir gila na karo

tum aadmi bhi ho insan bhi suboot to do
bhalai ho nahi sakti to phir bura na karo

mila hai sabr virasat mai uski laaj rakho
ho dushmani bhi kisi se to baddua na karo

hawas jahaiz ki, insaniat ki qatil hai
kisi gharib ki beti ko be rida na karo...!

Unke ane ka imkaan hai khuda khair kare
Dil pe guzre ga ye tufaan khuda khair kare

Wo tu hain unche mehlaat k rehne wale
Or mera ghar hai bayabaan khuda khair kare

Wo yeh kehte hain es baar judai ho gi
Main yeh kehta ho meri jaan khuda khair kare

Maine mangi hai wafa or wafa k badle
Unhon ne mangi hai meri jaan khuda khair kare...!

TU NAY DEKHA HAI KABHI EK NAZAR SHAAM KAY BAD
KITNAY CHUP CHAAP SAY LAGTAY HAIN SHAJAR SHAAM KAY BAD

ITNAY CHUP CHAAP KAY RASTAY BHI RAHAIN GAY LA ILM
CHOR JAIN GAY KISI ROZ NAGAR SHAAM KAY BAD

MAI NAY AISAY HI GUNAAH TERI JUDAAI MAI KIYE
JAISE TOOFAAN MAI KOI CHOR DE GHAR SHAAM KAY BAD

SHAAM SAY PEHLAY WO MAST APNI URANOON MAI RAHA
JIS KAY HAATH MAI THAY TOOTAY HUWAY PAR SHAAM KAY BAD

RAAT BEETI TAU GINNAY AABLAY AUR SOCHA
KAUN THA BAES AGHAAZ-E-SAFAR SHAAM KAY BAD

TU HAI SOORAJ,TUJHAY MALOUM KAHAN RAAT KA DUKH
TU KISI ROZ MERAY GHAR MAI UTTAR SHAAM KAY BAD....!

Jiss Ko Chaha Wohi Kehta Hai Wafa Kuch Bhi Nahi....

Aisa Lagta Hai Mere Pass Raha Kuch Bhi Nahi..

Youn Bhi Uss Ne Mujhy Faramosh Kiya...

Sun K Har Baat Meri Jaise Suna Kuch Bhi Nahi...

Boht Veeraan Si Ho Gayi Hai Zindagi Meri.....

Woh Jab Se Chorr K Gaya, Mere Pass Raha Kuch Bhi Nahi..

Mujh Se Pochay Koi Kya Dil Pe Mere Beet Gayi....?

Uss Se Kya Pochtay Ho Jiss Ka Gya Kuch Bhi Nahi...!

kia khabar tum ko dosti kia hai
Ye roshni bhi hai andhera bhi hai
Khwahishon say bhara jazeera bhi hai
Bohat anmol ik heera bhi hai
Dosti ik haseen khwab bhi hai
Pass say dekho tou sarab bhi hai
Dukh milnay pe ye azab bhi hai
Aur ye piyar ka jawaz bhi hai
Dosti yoon tou maaya jaal bhi hai
Ik haqeeqat bhi hai khayal bhi hai
Kabhi furqat kabhi vissal bhi hai
Kabhi zameen kabhi falak bhi hai
Dosti jhoot bhi hai such bhi hai
Dil main reh jay to kassak bhi hai
Kabhi ye haar kabhi jeet bhi hai
Dosti saaz bhi sangeet bhi hai
Sheir bhi nazam bhi geet bhi hai
Wafa kia hai wafa bhi dosti hai
Dil say nikli dua bhi dosti hai
Bus itna samajh lay tou
Piyar ki inteha bhi dosti hai...!

Sunehri Shamein,
Thatharti Ratein,
Mehekti Coffee,
Woh Bheeni Khushboo,

Khamosh Kamra,
Aatish Daan Sulaghta,
Mein Aur,
Teri Yaadon Ki Khushboo,

Haan Yehi DECEMBER Hai.....!