Search

Teri Tareef Karte Hain To IsMe Kya Burayi Hai
Khuda Ne Apne Hathonse Teri Surat Banayi Hai

Hazaron Ki Tarah Sunle Teri Ruswai Ke Dar Se
Teri Tasveer HuMne Kitabon Mein Chhupayi Hai

Teri MasooM Surat Ki Yehi Tarif Hai Sun Le
Zubaan Pe Hai Yehi Sab Ke Khudayi Hai Khudayi Hai

Marz Ye Ishq Ka Aisa Laga Ki Phir Nahi Chhuta
Dua Bhi HuMne Ki Dawa Bhi AazMaayi Hai

wo baten teri wo fasane tere
shaguftaa shaguftaa bahane tere

bas ek zaKhm nazara hisa mera
baharen teri ashiyanay tere

bas ek daaG-e-sajdaa merii qayenat
jabien teri astane tere

zameer-e-sadaf men kiran ka muqaam
anokhe anokhe Thikane tere

faqiron ka jamghaT ghaDi do ghaDi
sharabain teri baada Khane tere

bahaar o KhizaaN kam nigaahon ke vaham
bure yaa bhale sab zamaane tere

Adaam bhii hai teraa hikaayat kadaah
kahaaN tak gaye hain fasaane tere

Jab rishte tootne lagte hain teri yaad buhat tarpati hai
Tanha jab rootey lagte hain teri yaad buhat tarpati hai

Dukh ke sooraj ki dhoop taley tanha jab khudko paata hoon
Sab khuwab bikharne lagte hain teri yaad buhat tarpati hai

Maazi ke ujre gulshan ke auraaq palatne lagta hoon
Jab zakham sulagne lagte hain teri yaad buhat tarpati hai

Mere sheher mein aksar ati hai chahat ki nasheeli thandi hawa
Jab log behekne lagte hain teri yaad buhat tarpati hai

Sansaar ke hanthon jab bhi kabhi do pyar se hanste baste dil
Roo Roo kar bicharhne lagte hain teri yaad buhat tarpati hai

Jab saste damon bikne lage ehsaas ke moti gali gali
Jazbaat sisakne lagte hain teri yaad buhat tarpati hai

Yoon tou din ke hungamon mein ehsaas magan hi rehta hai
Lekin jab soone lagte hain teri yaad buhat tarpati hai

Gham-E-Zindagi Teri Raah Mein
Shab-E-Aarzo Teri Chaah Mein
Jo Ujar Gaya Woh Basa Nahin
Jo Bichar Gaya Woh Mila Nahin
Jo Dil-O-Nazar Ka Suroor Tha
Mere Paas Reh Ke Bhi Door Tha
Wohi Ek Gulaab Umeed Ka
Meri Shaakh-Jaan Peh Khila Nahin

Teri Baaten Hi Sunaane Aaye
Dost Bhi Dil Hi Dukhaane Aaye.

Phool Khilte Hain To Hum Sochte Hain
Tere Aane Ke Zamaane Aaye

Aisi Kuchh Chup Si Lagi Hai Jaise
Hum Tujhe Haal Sunaane Aaye

Ishq Tanha Hai Sar-E-Manzil-E-Gam
Kaun Ye Bojh Uthaane Aaye

Ajnabi Dost Humein Dekh Kh Hum
Kuchh Tujhe Yaad Dilaane Aaye

Ab To Rone Se Bhi Dil Dukhta Hai
Shaayad Ab Hosh Thikaane Aaye

Kya Kahin Phir Koi Basti Ujri
Log Kyun Jashn Manaane Aaye?

Soay Raho Maut Ke Pahloo Mein Faraz
Neend Kis Waqt Na Jaane Aaye...

Teri Baaten Hi Sunaane Aaye
Dost Bhi Dil Hi Dukhaane Aaye.

Phool Khilte Hain To Hum Sochte Hain
Tere Aane Ke Zamaane Aaye

Aisi Kuchh Chup Si Lagi Hai Jaise
Hum Tujhe Haal Sunaane Aaye

Ishq Tanha Hai Sar-E-Manzil-E-Gam
Kaun Ye Bojh Uthaane Aaye

Ajnabi Dost Humein Dekh Kh Hum
Kuchh Tujhe Yaad Dilaane Aaye

Ab To Rone Se Bhi Dil Dukhta Hai
Shaayad Ab Hosh Thikaane Aaye

Kya Kahin Phir Koi Basti Ujri
Log Kyun Jashn Manaane Aaye?

Soay Raho Maut Ke Pahloo Mein Faraz
Neend Kis Waqt Na Jaane Aaye...

Khush Thay Kuch Aisay Teri Rafaqat K Shauq Main
Manzil Ganwa Di Ham Ne Musaafat K Shauq Main

Nafrat Hi Pehr E Daar Mili Har Makaam Par
Jis Darr Pe Ham Gaey Hain Mohaabat K Shauq Main

Ham Baargah-E-Ishq Main Maqbool Youn Hue
Khud Se Bichar Gaey Teri Qurbat K Shauq Main

Lautay Hain Ab Tou Saath Hai Ranj O Alm Ki Bheer
Niklay Thay Ghar Se Ik Musarrat K Shauq Main

Daaman Main Hasraton K Siwa Kuch Nahi
Aisay Lutay Hain Ham Teri Chahat K Shauq Main

Zindagi jab bhi teri bazm mein laati hai humein
ye zameen chaand se behtar nazar aati hai humein

surkh phooloun se mehak uthti hain dil ki raahein
din dhale yoon teri aawaaz bulati hai humein

yaad teri kabhi dastak kabhi sargoshi se
raat ke pichhle pehar roz jagaati hai humein

har mulaaqat ka anjaam judaai kyun hai
ab to har waqt yahi baat sataati hai hamein.

Ab Teri Yaad Say Wehshat Naheen Hoti Mujh Ko
Zakham Khulney Se Aziyat Naheen Hoti Mujh Ko

Ab Koi Aaye Chala Jaye Main Khush Rehta Hoon
Ab Kisi Shakhs Ki Aadat Naheen Hoti Mujh Ko

Aesa Badla Hoon Teray Sheher Ka Paani Pi Kar
Jhoot Boloon To Nidaamat Naheen Hoti Mujh Ko

Main Ne Bhi Ki Hey Mohabbat, So Kisi Ki Khatir
Koi Marta Hai To Hairat Naheen Hoti Mujh Ko

Itna Masroof Hoon Jeenay Ki Hawas Main Yaaro
Saans Leney Ki Bhi Fursat Naheen Hoti Mujh Ko