Search

Youn hai teri talash pe ab tak yaqeen mujhey
jaise tu mil hi jayega phir se kaheen mujhey

maine to jo bhi dil mai tha chehrey pe likh diya
tu hai k aik baar bhi parhta naheen mujhey

dhalte hi sham toot para sar pe aasman
phir mera bojh le gaya zair e zameen mujhey

taabeer, jagti hui aankhon ko kya miley
ik khwab bhi tau shabb ne dikhaya nahi mujhey

kanda hai mera naam jahan aaj bhi "Naseem"
pehchantay nahi usii ghar k makeen mujhey

Anchal teri yadon ka bighoo deti hai Barish
Sochon pe jami gard ko dho deti hai Barish

Hans hans ke sunati hai jahan bhar k fasaney
Poochon tere baray me to ro deti hai Barish

Lagtey hain paray meri aankhon ko manazer
Hairat mere ehsas ko wo deti hai Barish

teri tarha malal mujhay bhi nahi raha
jaa ab tera khayal mujhay bhi nahi raha

tu ne bhi mosmon ki pazeerai chorr di
ab shauq e mah e visaal mujhay bhi nahi raha

mera jawab kia tha tujhay bhi khabar nahi
yaad ab tera sawal mujhay bhi nahi raha

jis baat ka khayaal na tu ne kabhi kia
us baat ka khiyal mujhay bhi nahi raha

tora hai tu ne jab se meray dil ka aaina
andaza e jamal mujhay bhi nahi raha

Teri Chahat ka sila yaad nahi
Yaad hai hr jurm saza yaad nhi
Torr kr Humsafari ka rishta
Woh kahan choar gaya yaad nhi
Apne girne ka sabab yaad to hai
Kis bulandi se gira yaad nhi
Yaad hai uska bicharna hum ko
Phir hume jo bhi Milla yaad nhi

Mat Tor Woh Taluk Jo Teri Zaat Se Hai
Tu Khafa Meri Kis Baat Se Hai

Tu Bhi Na Uljha Kar Mujhse Is Tarah
Jo Tu Achi Tarah Wakif Mere Jazbat Se Hai

Main Kaise Ji Lon Tumse Rooth Kar
Meri Har Saans Wabasta Teri Yaad Se Hai

Mera Taluk Jura Hai Kuch Is Tarah Tumse
Jaise Insan Ka Rishta Khud Apnay Ap se Hai

Ye soch kar k teri jabeen par na bal paday !
Bus door hi se dekh liya or chal paday !

Dil mein phir ik kasak si uthi muddaton k baad !
Ek umar k ruke hue aansu nikl paday !

Seene mein be-qaraar hein murda muhabbatein !
Mumkin hai ye charaag kabhi Khud hi jal paday !

Ay dil tujhe badalti hui rut se kya mila ?
Poudoun mein phool or darakhton mein phal paday !

Ab kis k intazaar mein jagain tamaam shab ?
Wo saath ho to neend mein kaise Khlal paday ?

'Shehzad' dil ko zabt ka yaara nahein raha !
Nikla jo Maah taab samundar uchal paray !

Mujhe teri mohabbat mein kho jaane do
Har lamha mar ke aaj phir jee jaane do

Isse mahobbat ne dil ko aaj phir dhadkaya hai
Mujhe ishq ki baaho mein so jaane do

Tadap ki aag hai judaai ki baahon mein
Mujhe aaj iss mohabbat se mil jaane do

Meri saans chalti hai tere naam ki aahat pe
Mujh benaam ko iss naam mein kho jaane do

Kasam tujhe chalne wali hawaon ki mehboob
Mujhe iss mohabbat ki aag mein jal jaane do

Teri yaadon ki mahak saath liey
aksar hum
door khwabon k jazeeray main utar jatay hain
kyoon k hum tum
sirf khwabon main hi mil saktya hain
mainne socha hai k
is baar tumharay hamraah us jagah utroon gi
aur wo baat jo main kah nhi pai tum se
samnay tum ko bitha kar bari himmat kar k
tum se kah doon gi
tum se kah doon gi k tum mairay ho
tum jo chaho
mairi yaktarfa mohabbat ko sahara de do
zindagi yoon to bohat kam hai mohabbat k liey
jitna bhi pyaar mujhay day sako saara day do
apni duniya to sada pyaar sa khaali hi rahi
tum mairi doobti kashti ko kinara de do
kuch to bolo
kuch to bolo
mujhay dar hai k sahar hotay hi
tum chalay jao gay
aur hum phir say
apni duniya main laut aain gay
yahi yaadain yahi batain to asasa hai maira
bas yahi chaand khyalat liey
tairi yaadon ki mahak saath liye
aksar hum
khwabon k jazeeray main utar jatay hain

aksar teri yaad
yun dil ke darichay mein
utar ati hai
jaisay chupkay se koi kali
tatakh jaye
saray aalam mien khushbu
mehk jaye
kitna anmol hai
teri yaadoon ka hajoom
gungunatay hoye lamhay
raqs kartay hoye jazbay
sans leti hoi fiza
kiya kahoon ke toh
mere shikasta dil ki baatein samjhta nahi
koi charagh e wada roshan karta nahi
gar jaltay lafzoon ki roshni
lab kusha hojaye
sakoot e jaaN toot jaye
khudfaraibi ka ye aalam hai
teri yaad ke aainay se
dil mahv e sukhn hai
aur meri nus nus mein
khamoshi ki chubhan hai