Search

jab teri yaad ka tufaan guzar jaey ga
dil kisi aur samandar main uter jaey ga

dasht se door sahi saya-e-diwaar to hai
hum na ruk ske tu koi aur thehar jaey ga

daagh rehne keliye hote hain reh jaain ge
waqt ka kaam guzarna he guzar jaey ga

apne halaat se main sulah to kar lon lekin
mujh main ruposh jo ek shaks hai mar jaey ga

dopehar main wo karri dhoop paregi ke
jiske cheray pe jo dagh he utar jaey ga...!

teri Khushbu ka pataa karti hai
mujh pe ehasan hava karti hai

shab ki tanhai me ab to aksar
guftaguu tujh se raha karti hai

dil ko us raah pe chalna hi nahi
jo mujhe tujh se juda karti hai

zindagi meri thi lekin ab to
tere kahane me raha karti hai

us ne dekha hi nahi varna ye ankh
dil ka ehvaal kaha karti hai

mujh se bhi us ka hai waisa hi sulook
haal jo teraa ana karatii hai

dukh hua karta hai kuch aur bayan
baat kuchh aur huaa karatii hai

abr barsay to inayat us ki
shaaKh to sirf duaa karatii hai

masla jab bhi utha chiraaGon ka
faisalaa sirf havaa karatii hai...!

TERI Azmaton Se Hoon Be khabar
Ye Meri Nazar ka Qasoor Hai!
TERI Rah Guzar Me Qadam Qadam
Kahin Arsh Hai kahin Tour Hai!
Ye Baja Hai MALIK-E-DO JAHAN
Meri Bandagi Main Qasoor Hai!
Ye khata Hai Meri khata Mgr
TERA Naam B To GHAFOOR Hai
Ye Bata TUJH Se Miloon kahan
Mujhe TUJH Se Milna Zaroor Hai!
Kahin Dil ki Shart Na Daalna!
Abhi Dil Gunahon Se Choor Hai!
TU Bakhsh dey Mere Sub Gunah!
Teri Zaat Raheem o Ghafoor Hai!AMEEN

Mat Toor Woh Taluk Jo Teri Zaat Se Hai,
Tu Khafa Meri Kis Baat Se Hai,

Tu Bhi Na Uljha Kar Mujhse es Tarah,
Jo Tu Achi Tarah Wakif Mere Jazbat Se Hai,

Main Kaisay Ji Lon Tumse Rooth Kar,
Meri Har Saans Wabasta Teri Yaad Se Hai,

Mera Taluk Jura Hai Kuch es Tarah Tumse,
Jaise Insan Ka Rishta Khud Apnay Ap se Hai...!

Teri nigaah k jadu bikharte jate hain
Jo zakhm dil ko miley woh bharte jate hain

tairay bagher woh din bhi guzar gaye akhir
tairay bagher yeh din bhi guzarte jate hain

Liye chalo mujhe darya-e-shauk ki moujon
Ke hamsafar tou mere paar utarte jate hain

Tamaam umar jahan hanste khelte guzari
Ab us gali mein bhi hum darte darte jate hain

Mein khowishon k gharonday banaye jata ho
Woh mehnetain meri barbaad kiye jate hain...!

Sirf Tere Haathon Ko Choomo Teri Bait Chaho
So Dar Chhor Ke Teri Ik Haseen Karaamat Chaho

Thoray Thoray Din Katay Hain Kitni Hee Galyon Mein
Aakhri Baar Tere Dil Mein Ay Dost Sakoonat Chaho

Aa Mein Koi Dhang Sikhaon Tujhko Baichaini Ka
Tera Dost Hun Apni Si Teri Bhi Haalat Chaho

Tere Zehen Ki Chaandi Aur Tere Badan Ka Sona
Apna Jism Luta Kar Bhi Mein Sirf Ye Daulat Chaho

Ooper Waala Pooch Hee Baithay Mujhse Tou Mein Buzdil
Tujh Se Khul Kar Baatain Kar Saknay Ki Himmat Chaho

Be Gharzi Ki Aakhri Had Per Banaa Qateel Jo Saathi
WOhi Tou Hai Ik Shaks Jisay Mein Binaa Zaroorat Chaho....!

baat chali teri aankhon say ja pohnchi paimanay tuk
kheinch rahi hai teri ulfat, aaj mujhey maikhanay tuk

ishq ki batain ghum ki batain, dunya walay kertay hain
kis nay shama ka dukh dekha, kaun gaya parwanay tuk

ishq nahin hay tum ko mujh say, sirf bahanay kerti ho
yun hi bahanay qayem rakhna, tum meray mar jaanay tuk

itna hi kehna hay tum say, mumkin ho to aa jaana,
aa he gay tou rukna ho ga, aankhon k pathranay tuk...!

Mera sochna teri zaat tak
Meri guftagu teri bat Tak

Na tum millo jo kabhi mujhe
Mera dhoondna tujhe paar tak

Main ne apna sab kuch ganwa dia
Teri nafraton say pyar tak

Kabhi fursat jo mile to aa
Meri zindagi kay hisaar tak

Main ne jana kay main kuch nahi
Teray Pehel Say Teray Baad Tak...!

Zakham muskurate hen ab bhi teri aahat par
Dard bhool jate hen ab bhi teri aahat par

Shabnami sitaron par phool khilne lagte hen
Chand muskurate hen ab bhi teri aahat par

Umar kaat di lakin bachpana nhi jata
Hum diye jalate hen ab bhi teri aahat par

Teri yad aye to neend jati rehti he
Hum khushi manate hen ab bhi teri aahat par

Ab bhi teri aahat par chand muskurata hay
Khwab gungunate hen ab bhi teri aahat par

Tere hijar min hum par ik azab taari hay
Chonk chonk jate hen ab bhi teri aahat par

Ab bhi teri aahat par aas lout aati hay
Ashk hum bahate hen ab bhi teri aahat par...!