Search

Kuch to ay yaar ilaaj-e-ghum-e-tanhaai ho
Baat itni bhi na baRh jaaye ke ruswaai ho

Doobne wale to ankhon se bhi kab nikle hain
Doobne k leay lazim nahen gehraai ho

Jis ne bhi mujh ko tamasha sa bana rakha hay
Ab zaroori hai wohi shakhs tamashaai ho

Main tujhe jeet bhi tohfe may nahi de sakta
Chaahata ye bhi nahi hoon tare paspai ho

Aaj to bazm may har aankh thi purnum jaise
Daastaan meri kisi ne yahaan dohrai ho

Koi anjaan na ho shehr-e-mohabbat ka makeen
Kaash har dil ki har ik dil se shanasaai ho

Yoon guzar jaata hay Imran teray kooche se
Tera waaqif na ho jaise koi saudai ho

Pyar k deep jalane wale,
kuch kuch pagal hote hain..

Apni jaan se jane wale,
kuch kuch pagal hote hain..

Hijr k gehre zakhm miley,
to mujhko ye ehsaas hua..

Pagal ko samjhane wale,
kuch kuch pagal hote hain..

Jaan se pyare logon se bhi
kuch kuch parda laazim hai..

Saari bat batane wale,
kuch kuch pagal hote hain..

Kitna Pyar Diya Usy Par Hamara khayal kuch Bhi Nahi,
Itni Gehri Chahat ka Hasil-o-Hisaal kuch Bhi Nahi,

Wo Hum se khafa thy to Jan Nikal Gayi thi Hamari,
Hum Unse khafa Hain to Unko Malal kuch Bhi Nahi,

Is Qadar Dukh Diya Hai Na Jane kis khataa Par Hamen,
Aur Hum Bhi Sabar karte Gaye kiya Sawal kuch Bhi Nahi,

Uski khushi Mein Hansne Wale khas Hain Ab Us k Liye,
Dukh Mein Us k Sath Hain Hum Or Hamari Misal kuch Bhi Nahi

Zindagi Talkh Haqeeqat Kay Siwa Kuch Bhi Nahi
Merey Daaman Mein Salwatoon Kay Siwa Kuch Bhi Nahi

Aik Omar Lagi Taraashney Mein Khud Ko Magar
Mila Haathoon Ko Zakhmoon Kay Siwa Kuch Bhi Nahi

Bazahir Dil To Har Aik Baat Par Dharakta Hai
Warna Is Mein Teri Murat Kay Siwa Kuch Bhi Nahi

Raas Aaya Hi Nahi Haqeeqat Kay Ujaloon Ka Safar
Aur Takhayul Mein Bhi Andheroon Kay Siwa Kuch Bhi Nahi

Main Ney Sehra-E-Zeest Mein Barsoon Khaak Chaani Hai
Reh Gaya Jholi Mein Wehshatoon Kay Siwa Kuch Bhi Nahi

Silsiley Teri Mulaqatoon Kay, Terey Khayaal Kay
Aur Aankhoon Mein Ratjagoon Kay Siwa Kuch Bhi Nahi

Kabhi Jo Dekhta Hoon Deevar-O-Dar Apney Makaan Kay
Nazar Aata Hai Mujhey Patharoon Kay Siwa Kuch Bhi Nahi

Kia Dhoondtey Ho Waris~, Khizaan Ki Manind Wujood Mein Tum
Is Shajar Mein Sookhey Pattoon Kay Siwa Kuch Bhi Nahi

Kuch Khuwab Suhanay Toot Gaye,
Kuch Yaar Puranay Rooth Gaye,

Kuch Zakhm Lagey Thay Chehry Per,
Kuch Andar Se Hum Toot Gaye,

Kuch Hum Thay Tabiyat K Saada,
Kuch Log Beganay Loot Gaye,

Kuch Apno Ne Badnaam Kiya,
Kuch Ban Afsany Jhoot Gaye

Kuch Apni Shakista Nao Thi,
Kuch Hum Say Kinaray Chhuot Gaye...

Kuch Yu Chali Us Se Meri Baat Musalsal...
Din Bhi Guzarte Gaye Aur Raat Musalsal..

Phir Yun Hua K Us K Hi Rang Me Rung Gaya Mai...
Aur Badalti Hi Gaeen Meri Aadaat Musalsal..

Us K Piyar Me Doob K Barbaad Mai Kuch Yun Hoa..
Bigartai He Gay Meray Halat Musalsal..

Uski Tapish Ne Mujhe Qareeb Janay Na Dia...
Aur Bharaktai Hi Gay Meray Jazbat Musalsal...

Phir Yun Hua K Chali Gayi Wo Chhor Kar Mujhe...
Aankhoon Se Mery Hoti Rahi Barsat Musalsal..

Ek Dard Sa Meray Dil Me Jo Pehle Tha So Ab Bhi Hai..
Kar Raha Hoon Us Ko Mai Bardasht Musalsal...

Ab Jena Bhi Aik Mout Hai Aur Mout To Phir Mout Hai...
Goyaa K Ho Rahi Hain Meri Amwat Musalsal...

Khush Thay Kuch Aisay Teri Rafaqat K Shauq Main
Manzil Ganwa Di Ham Ne Musaafat K Shauq Main

Nafrat Hi Pehr E Daar Mili Har Makaam Par
Jis Darr Pe Ham Gaey Hain Mohaabat K Shauq Main

Ham Baargah-E-Ishq Main Maqbool Youn Hue
Khud Se Bichar Gaey Teri Qurbat K Shauq Main

Lautay Hain Ab Tou Saath Hai Ranj O Alm Ki Bheer
Niklay Thay Ghar Se Ik Musarrat K Shauq Main

Daaman Main Hasraton K Siwa Kuch Nahi
Aisay Lutay Hain Ham Teri Chahat K Shauq Main

Paana Bohat Kuch Chahta Hoon Magar
Bas Aaj Khud Ko Kahin Khone Do

Karne Ko Baatein Hain Bahut Magar
Bas Aaj Mujhe Chup Rehne Do

Jhinjhod Diya Hai Zindagi Ne Aaj Itna
Ye Toofan Shaant To Hone Do

Apne Hi Jiwan Ki Raahon Mein Kaante
Apne Hi Haathon Se Phir Bone Do

Phir Se Bachpan Jeena Hai Mujhko
Koi Mere Woh Toote Khilone Do

Toote Hue Khwabon Ko Sametoon To Kaise
Mujhe Naye Kuch Sapane Salone Do

Pyar To Khud Se Bahut Kiya Hai
Aj Khud Se Nafrat Bhi Hone Do

Insaan Tha Shayad, Ye Kya Ban Gaya
Kuch Der Iska Ehsaas To Hone Do

Sapne Dekhne Hain Phir Se Mujhe
Kuch Der Ke Liye Bas Sone Do

Hansna Main Bhi Chahta Hoon Shayad
Aaj Magar Mujhe Kuch Rone Do