Search

Mohabbat Kuch Bhi Ho Jana

Mohabbat Dars Deti Hay

Mohabbat Zabt Deti Hay

Mohabbat Barishain Aisi

Koii Tu Doob Jata Hay

Koii Tu Paar Hota Hay

Ye Wo Unwaan Hay Jana

Jisay Ham Likh Nahi Saktay

Koii Anjaam Ho es Ka

Suhail Itna Zara Socho

Mohabbat Jeet Jati Hay

Mohabbat Haar Deti Hay

Kise Ko Zinda Rakhti Hay

Kese Ko Maar Deti Hay

Kuch Roz Bohat Dil Tarpey Ga
Kuch Roz Rahey Gi Nam Aankhein
Kuch Roz rahey Gi Bechaini
Kuch Roz Yeh Seena Sulgey Ga
Pani Mein Safeena Sulgey Ga
Rafta Rafta
Dheerey Dheerey
Phir Haalat Hijr Gazeeda ki
Ik Roz Sanbhal hi Jaye gi
Ik Zakhm Bharey ga Chahat ka
Ik Dard Thamey Ga Shiddat ka
Ik Diya Bujhey Ga Qurbat ka

Lakin Kya Aisa Mumkin Hai ?
Tum Khud Socho
Kya Yeh Namumkin, Mumkin Hai ?
Tum Khud Socho !

Ik baat suno kuch aisa hua
Wo mujhko mila main us ko mili
Izhar hua Iqrar hua
Wo chahne laga main chahne lagi
Usay pyar bohat
Mujhe pyar bohat
Phir kuch yun hua
Wo choar gaya
Main toot gayi
Phir kuch yun mile
Wo tanha tha
Main akeli thi
Bus hum do the
Or koi na tha
Wo rone laga
Main bebas rahi
Na pyar na hi izhar raha
Bas farq sirf itna sa raha
Wo mitti k ooper rota raha
Main mitti k andar soti rahi

Tere Khayaal Me Kuch Aise Gum Raha Barson
Mai Apney Aap Say Bhi Mil Naa Saka Barson

Kaheein Wo Zaiqa Tehleel Hi Naa Ho Jaye
Mai Us Say Mil Ke Kisi Say Nahi Mila Barson

Kaha Tha Tumne Ke Tum Laut Aao Gay EK Din
So Mai Jahan Tha Wahein Par Khara Raha Barson

Tairay Baghair Meri Umer Rayagan Guzri
Koi Bhi Kaam Nahi Theak Say Howa Barson

Tumhare Haath Ki Dastak Ki Aas Me Mazhar
Mai Apney Ghar Say Kaheein Bhi Nahi Gaya Barson

Sukoon e dil ke liye kuch
to ehtimaam karoon
zara nazar to mile
phir unhe salaam karoon


Mujhe to hosh nahi
aap mashwara dijay
kahan se chedoon fasana
kahan tamaam karoon

Unhi ke zulam ka shikwa karoon zamane se
unhi ke haq main duaein main subah shaam karoon

Woh bewafa hain to ham ne Shakeel soch liya
mujhe kasam hai kisi se agar kalam karoo

Main Lafzon Main Kuch Bhi Izhaar Nahi Karti
Is Ka Matlab Ye Nahi Keh Main Tujh Say Pyaar Nahi Karti

Chahati Hoon Main Tujhay Aaj Bhi Per
Teri Soch Main Apna Waqt Barbaad Nahi Karti

Tamasha Na Ban Jaye Kahii Mohabbat Meri
Is Liye Apna Dard Ko NamoDaar Nahi Karti

Jo Kuch Mila Hay Usi Main Khush Hoon Main
Teray Liye KHUDA Say Taqrar Nahi Karti

Per Kuch Tu Baat Hay Teri Fitrat Main Zalim
Warna Main Tujhay Chahanay Ki Khatta Baar Baar Nahi Karti

Aye kuch abr kuch sharab aye
us ke bad aye jo azab aye

baam-e-miina se maahtab utre
dast-e-saaqi meN aftab aye

har rg-e-KhuuN meN phir charaGhan ho
saamne phir wo be naqab aye

kar raha tha dil Gham-e-jahan ka hisab
aj tum yaad be hisab aye

na gai tere Gham ki sardari
dil men yuun roz inqilab aye

is tarah apni Khamoshi gungi
goya har simt se javab aye

Faiz thi raah sar ba sar manzil
ham jahan pohunche kaamyaab aye

Ab k saal kuch aisa karna
Apney pichley guzray saal k
Dukh sukh ka andaza karna
Bichri yaadein taza karna
khuwaobon sa ik kagaz ley kar
Bhooley bichray pal likh lena


Phir iss beetey ik ik pal ka
Apney guzrey ik ik kal ka
Ik Ik mourr ka ehata karna
Sarey dost akhata karna
Saree subhain hazir rakhna
Saree shamein paas bulana


Aur alawa in k dekhoo
sarey mausam dheyaan mein rakhna
Ik ik yaad gumaan mein rakhna
Phir mohtaat qiyaas lagana
Ger to khushiyaan barh jati hain
Tu phir tum ko meri taraf se yeh saal mubarak
Aur agar gham barh jaye to
To hum ko ik pal k liye zaroor yaad kerna

tera mera rishta kuch aesa uljha hai
uss ko suljhatay suljhatay
apnay dil ki poorein zakhmi kar betha hon
rishta shayad sulajh na paye
lekin iss ko suljhanay ki dhun mien jana
saray khwaab bhula betha hon
apna aap ganwaa betha hon!!!