Sad

Dil ko teri chaht pe bharosa bhi buhat hai
Aur tujhse bichar jane ka dar bhi nahi jata

kam nahin meri zindagi k liye
chain mil jaye do ghari k liye
ai dil-e-zar kaun hai tera
kyon tarapta hai yun kisi ke liye
kitne saman kar liye paida
itni choti si zindagi ke liye
aisa ''Faiyyaz'' gham ne ghera hai
lab taras hi gaye hansi ke liye...

vahashat-e-dil sila-e-abalapai le le
mujh se ya rab mere lafzon ke kamai le le
aql har bar dikhati thi jale hath apne
dil ne har bar kaha aag parai le le
main to us subah-e-darakhshan ko tavangar janun
jo mere shahar se kashkol-e-gadai le le
tu gani hai magar itni hain sharayat meri
ye mohabbat jo hamen ras na aayi le le
apne divan ko galiyon me liye phirta hun
hai koi jo hunar-e-zakhmnumai le le.

aansuon ke jahan payamali rahi
aisi basti charagon se khali rahi
dushmanon ke tarah us se ladate rahe
apani chahat bhi kitni nirali rahi
jab kabhi bhi tumhara khayal aa gaya
phir kai roz tak bekhayali rahi
lab tarasate rahe ik hansi ke liye
meri kashti musafir se khali rahi
chand tare sabhi ham-safar the magar
zindagi raat thi raat kali rahi
mere sine pe khushbu ne sar rakh diya
meri banhon mein pulon ke dali rahi.

aansuon ke jahan payamali rahi
aisi basti charagon se khali rahi
dushmanon ke tarah us se ladate rahe
apani chahat bhi kitni nirali rahi
jab kabhi bhi tumhara khayal aa gaya
phir kai roz tak bekhayali rahi
lab tarasate rahe ik hansi ke liye
meri kashti musafir se khali rahi
chand tare sabhi ham-safar the magar
zindagi raat thi raat kali rahi
mere sine pe khushbu ne sar rakh diya
meri banhon mein pulon ke dali rahi.

Khush rahe ya bahut udas rahe
zindagi tere aas pas rahe
chand in badaliyon se nikalega
koi aayega dil ko aas rahe
hum muhabbat ke phul hain shayad
koi kanta bhi aas pas rahe
mere sine mein is tarah bas ja
meri sanson mein teri bas rahe
aj hum sab ke sath khub hanse
aur phir der tak udas rahe.

Asar Dil Par Karay Shikwa, Shikaayat Ho To Aesi Ho......
Galay Lag Kar Koi Roye, Nadamat Ho To Aesi Ho,,,,,,

Yehi Mehsoos Ho Jaisay Kai Sad''diyaa''n Guzri Hain.....
Faqat Ek Pal Ki Doori Mien Aziyat Ho To Aesi Ho,,,,,,

Mujhay Kaanta Chubhay,
Aur Uss Ki Aankhoo''n Sey Lahoo Tapkay.....
Ta''alluq Ho To Aesa Ho, Muhabbat Ho To Aesi Ho,,,,,

Log toot jate hain ek ghar banane mein
tum taras nahi khate bastiyan jalne mein
aur jam tutenge is sharab-khane mein
mausamon ke aane mein mausamon ke jane mein
har dhadakate pathar ko log dil samajhate hain
umr bit jati hai dil ko dil banane mein
fakhta ke majboori ye bhi kah nahi sakati
kon sanp rakhta hai usake aashiyane mein.