Sad

mohabbaton mein marnewale bhi ajeeb hai
azem hai hamari dastaan jaan-e-man
faaslon pe rehte hai lekin kareeb hai
hamko maalom hain ishq masoom hain
dil se ho jaati hain galtiyaan
sabr se ishq mehroom hain.

Tumhen bhool jaun ye hota nahi
koi waqt ho dard sota nahi
na ho jao badnam tum is liye
main ro ro ke daman bhigota nahi
ye wo fasl hai jo uge khud-ba-khud
koi dard ke bij bota nahi
ye mana ke tufan ka zor hai
main ghabara ke kashti dubota nahi.

Aakhri Saans K Totny Se Pehlay...!
Us Ne Pani Ki Jaga Pyaar He Manga..

Shabab aaya kisi but par fida hone ka waqt aaya
meri duniya mein bande ke khuda hone ka waqt aaya
unhen dekha to zahid ne kaha iman ke ye hai
ki ab insan ko sajada-rava hone ka waqt aaya
takallum ke khamoshi kah rahi hai harf-e-matalab se
ki ashk-amez nazron se ada hone ka waqt aaya
khuda jane ye hai auj-e-yaqin ya pasti-e-himmat
khuda se kah raha hun nakhuda hone ka waqt aaya
hamen bhi aa pada hai doston se kam kuch yani
hamare doston ke bevafa hone ka waqt aaya.

Sochate aur jagate sanson ka ik dariya hun main
apne gumgashta kinaron ke liye behta hun main
jal gaya sara badan in mausamon ke aag mein
ek mausam ruh ka hai jis mein ab zinda hun main
mere honton ka tabassum de gaya dhokha tujhe
tune mujhko bag jana dekh le sehra hun main
dekhiye meri pazirai ko ab aata hai kon
lamha bhar ko waqt ke dahaliz par aaya hun main.

Silsilay Torr Diye Tum Ne To Ye Wafaa''en Kaisi..?
Ab Jo Milna Hi Nahi, Phir Ye Sadaa''en Kaisi..?
Me Ne Chaaha Tha Sab Shikway Gilay Door Karna,,
Tum Ne Zehmat Hi Na Ki Sun''Ne Ki, To Ye Aahen Kaisi..?
Le Lo Wapis Ye Aansu, Ye Tarrap Aur Ye Yaadein Saari,,
Jab Koi Jurm Hi Nai Hai Mera, To Phir Ye Sazaa''en Kaisi
Thak Chuka Hoon Me Mohabbat Ka Bojh Liye Chal Chal Kar.
Koi Manzil Hi Nai Jab Pyar Me, To Phir Ye Rahein Kaisi.......!!

Woh nazar se tu door hain, magar yeh ajeeb soorat-e-haal hai
Har waqt pesh-e-nazar bhi hain, na firaak hai na visaal hai
Na woh hum se kum na hum unse kum, woh udhar khafa hum idher khafa
Na inhein humara khayal hai, na humein deemagh-e-sawal hai
Yehi Qurbatein yehi fasley tu khaloos-e-ishq ki jaan hain
Kabhi gird-e-ranj o malal hai, kabhi fikar yeh pesh-e-haal hai
Yeh tumhari kaj adhaiyan koi aur seh kar dikhaye tu
Yeh jo hum mein tum mein nibah hai , yeh mere hosle ka kamaal hai
Mujhe iss ka koi bhi gham nahi kay kissi ne mujhse wafa nahi ki
Main kissi kay kaam na asaka , mujhe sirf iska malal hai
Jo guzar rahi hai guzaar do, Na bura kaho na gila karo
Jo tumhara haal hai dostoo, wohi sarey shehar ka haal hai
Woh kahan se laon roshni? Jo kissi kay shehar main lut gayi
Woh ainoo ka shehar bhi lut gaya, mujhey iska aur malal hai...!!!