Love

Dil Ki Taak Pe Diye Jalane Aaon Ga
Mein Tum Ko Kuch Yaad Dilane Aaon Ga

Mere Dard Ko Tum Bhi Na Seh Pao Gey
Apne Aansoo Tumhein Rulane Aaon Ga

Shouq Bohat Tha Jin Galiyon Mein Basane Ka
Wahin Pe Ik Din Khaak Urane Aaon Ga

Mere Tum Se Kesay Kesay Rishte Hain
Tum Ko Ik Baar Or Batane Aaon Ga

Bujh Bhi Jaein Gi Yeh Sansein Phir Bhi Mein
Roz Tumhare Naaz Uthane Aaon Ga

Jeetnay Doon Ga Tumhein Her Baazi Aur
Apni Haar Ka Jashan Manane Aaon Ga...!

un kahi batoon ko
un sunay lafzoon ko
qaid say rehai do
ke warna .....
guzray hoe kal ki
chubhan ki bazgasht ....
mairi koey unkahi
tumhari koey ansuni
aanay walay kal main
achanak kabhi takraye to
ankhain khoon rooain gi
zubaan larrkharay gi
zindigi dagmagaye gi.
jis chubhan pe zinda thay
ik pal main na rahi
to
usi pal mar jao gay....!

Wo khayal tha koi dhanak numa ya koi aks tha merey rubaru
jo mujhey har taraf sey tu laga, woh tu hi tha ya koi hu bahu

bayaan mein thi wo chaashni ke mehak raha tha harf harf
jesey khushbuon ki zubaan meiN koi kar raha ho guftagu

nahi kuch khabar ke kis gharri terey raastoN ka sira miley
terey naqsh-e-pa ki talaash meiN lagi to hey meri justuju

bas deikhna hey kis terha wo ji raha hey merey baghair
yun to dil mein hey wo aaj bhi jisey dhoondta hoon ko ba ko

yeh yaad tha ke duwa karoon par uthay rahey merey haath yun
jese khowishon ke hajoom mein kaheen kho gayi teri aarzu...!

Aankh ne raat jab ek chand mukammal daikha
pher samandar ko bhe hote hoe pagal daikha

raat bhar dair talak kahi teri batain khud se
raat bhar samne chehra tera pal pal daikha

aaj yadoun ki ghata toot k barsi dil par
aaj ham ne bhe barasta hoa baadal daikha

hafza chean liya ham se gham-e-duniya ne
aaj ham bhool gaey usko jise kal daikha

eak shaks tha k bohat hansta tha
aaj uski aankhoun se bhe behta hoa kajal daikha...!

Wisaal mousam guzer gaya tou khayal ban ker mila kerain gaye
Bichar gaye tou hum aik maah e wisaal ban ker mila kerain gaye

Kitab e ehad e wafa k ik ik warq pe apni khabar mila kare gi
Hum ahl e ulfat muhabbaton ki misaal ban ker mila kerain gaye

Abhi tou lamhon ki doorion pe bhatak rahe hain mager kabhi hum
Falak ki gardishon me aa gaye tou hilaal ban ker mila kerain gaye...!

Mujhe Khamosh Raahon Main Tera Saath Chahiye
Tanha Hai Mera Haath Tera haath Chahiye

Mujh Ko Mere Muqadar Per Itna Yaqeen To Hy
Tuj ko Bhi Mere Lafz Meri baat Chahiye

Main Khud Apni Shairy Ko Kiya Acha Kahun
Mujh Ko Teri tareef,Teri daad Chahiye

Ehsas-E-Muhabat Tere Hi Wastey Hai Lekin
Junoon-E-Ishq Ko Teri Har soughat Chahiye

Tu Mujh Ko Panay Ki Khwahish Rakhta Hai Shayad
Lekin Mujhy Jeenay K Liye Teri Hi zaat Chahiye....

Aankhon Men Baaqi Reh Gaye, Ab Teray Khad o Khaal Sey
Lab Pey Hain Kuch Sawal Sey,Dil Men Hain Kuch Malaal Sey

Tu Jo Gaya To Youn Laga, Tanha Hoon Kainaat Main
Raatain Thaki Thaki Meri, Din Bhi Meray Nidhaal Sey

Itney Qareeb Hoon Teray, Rasta Na Wehem Ko Milay
Soun Teray Hisaar Main, Jagoon Teray Jamal Sey

Mujh Ko Hain Kaam Aur Bhi, Kuch To Karo Mera Khayal
Aatay Ho Jab Khayal Main, Jatay Nahi Khayal Sey

Tujh Si Haseen Ghazal Koi, Mujh Sa Ghazal Sara Koi
Duniya Main Ho Ager Kaheen, Waazeh Karo Misaal Sey

Uss Se Gila Ay Dosto, Itna Sa Hai K Wo Mujhey
Samjha Nahi Hai Aaj Tak, Ghaafil Hai Meray Haal Sey...!

Safar Mein Apne Hisse Ki Musafat Yaad Rehti Hai
Kahin Abaad Honay Par Bhi Hijrat Yaad Rehti Hai

Wo Chahe Dosti Ho Dushmani Ho Ya Muhabbat Ho
Yahan Har Haal Mein Apni Zarurat Yaad Rehti Hai

Kisi Sehra Ko Pyasa Chorr Jata Hai Kabhi Darya
Kabhi Pyase Ko Darya Ki Sakhawat Yaad Rehti Hai

Ye Sach Hai Pehla Pyaar Hi Basa Rehta Hai Sanson Mein
Ye Sach Hai Umer Bhar Pehli Muhabbat Yaad Rehti Hai...!

Aj Bi tere liye Dil me chahatein baQi hein
Tuj se jo krni thi wo batein baQi hein
kaisay soch liya tum ne hamein teri talab nahi
Dil me utar K Dekh ab Bi teri Aarzooain baQi hain
Kabi fursat mily to aa kr dekh mery makan me
Aaj Bhi
teri khushboo
teri parchhaiyan
teri ranaiyan
teri sargoshiyan
teri chahatein
teri aahatein
baQi hein
Dekh mera zarf
K me toot kar
Bhi bikhra nhi
ankh me ansu hein
magr Lab par
muskurahatein
baQi hen...!