Love

Dua Tu Janay Koon See Thi

Zehan Main Nahi

Bas Itna Yaad Hay

K Do Hatheliyan Mili Hoi Thin

Jin Main Ak Meri Thi

Or Ak Tumhari

Maana K Mumkin Nahi
Milan Apna
Per
Is Umeed Pay Bandha Hay
Tum Say
Dil Ka Rishta
Shayed Keh
Judaii Likhtay Samay
Dil Bhar Aaye

"Katib -e- Taqdeer Ka"

Mukammal do he danoo per yeh Tasbeeh-e-Mohabbat hai
Jo aaye teesra dana yeh Dori toot jaati hai


Muqarrar waqt hota Mohabbat ki Namazon ka
Adaa jin ki nikl jaye, Qazaa bhe choat jati hai


Mohabbat ki Namazon mei imamat aik ko soanpo
Issay taknay, Usay taknay se Niyyat toot jati hai


Mohabbat dil ka Sajda hai jo hai Tauheed per qayem
Nazar k Shirk kerne se Mohabbat rooth jati hai

Kisi kamzoor LAMHAY main

Agar main tum se ye keh dun

Mujhe tum se MOHABAT hai

To tum ye mat samajh lena

Ke mene such kaha hoga!

Ke aesi dil nasheen batein

Mujhe Bachpan se aati hain,

Meri Aankhein mera chehra,

Mera be sakhta lehja,

Ye sub kuch JHOOT hota hai

magar iss baar k iss jhoot main ik sach bhi shamil hay
mujhy tum say mohbat hay,mujhy tum say mohbat hay

Tum

janty ho mujhe kya pasand hai??

Gulab ki mehak

Raat ki chandni

Shaam ki Udassi

Sardion Ki Ratain

or,,,,,

iss Nazam ka

Pehla LaFaZ

Tum kehtay ho to such ho ga
Aag mein gul khil saktay hongay
mil kar dil kho saktay hongay
kho kar dil mil saktay hongay

Tum kehtay ho to such ho ga
rang berang kay saaray panchi
mil jul kar urr saktay hongay
Aan hee Aan mein jeevan sapnay
toot k phir jurr saktay hongay

Tum kehtay ho to such ho ga
Yeh sab kuch ho sakta ho ga
lekin baat ik aur bhee hai
meray ilawa bhee kya koi
tum ko yun such maanay ga?

Tere Khayaal Me Kuch Aise Gum Raha Barson
Mai Apney Aap Say Bhi Mil Naa Saka Barson

Kaheein Wo Zaiqa Tehleel Hi Naa Ho Jaye
Mai Us Say Mil Ke Kisi Say Nahi Mila Barson

Kaha Tha Tumne Ke Tum Laut Aao Gay EK Din
So Mai Jahan Tha Wahein Par Khara Raha Barson

Tairay Baghair Meri Umer Rayagan Guzri
Koi Bhi Kaam Nahi Theak Say Howa Barson

Tumhare Haath Ki Dastak Ki Aas Me Mazhar
Mai Apney Ghar Say Kaheein Bhi Nahi Gaya Barson

husn-e- shama likhon ya sharab likhon
hamdam likhon sathi likhon ya khawab likhon

tairay sarapa-e-husn se heraan hon main
mehjabeen likhon sehar likhon ya aaftaab likhon

teri zulf jo chupaati hay chehra tera
raqeeb likhon nagin likhon ya naqaab likhon

nazar utha k jo chal diye aap
be rukhi likhon bewfa likhon ya hijaab likhon

khatam ho jata he zakhera-e-alfaaz
dil to kehta he teri taareef be panaah likhon

Wo Shaks Raat Phir Meri Hansti Pay Chaah Gia
Itna Qareeb Aaya Ke Dil Main Sama Gia

Wo Ak Pal Jo Day Gia Aasoodgi Ki Lehar
Jazbon Ki Taaza Dhoop Main Pagal Bana Gia


Pehlay Wo Meray Wajood Pay Utra Wo Boond Boond
Barsa Wo Phir Ghata Ki Tarah Mujh Pay Chaah Gia