Love

CHEHRA MERA THA NIGAAHAIN USKI

KHAMOSHI MEI BHI WO BAATAIN USKI

MERAY CHEHRAY PAY GHAZAL LIKHTI GAEEN

SHAIR KEHTI HUI AANKHEN USKI

SHOKH LAMHON KE PATA DENAY LAGEEN

TAIZ HOTI HUI SAANSEN USKI

AISAY MOUSAM BHI GUZARAY HUM NAY

SUBHAIN JAB APNI THEEN SHAAMEN USKI

KHUD PAY BHI KHULTI NA HO JISKI NAZAR

JAANTA KAUN ZUBANAIN USKI

NEEND ES SOCH SAY TOOTI AKSAR

KIS TARHA KATTI HAIN RAATEN USKI

DOOR REH KAR BHI SADAA REHTI HAIN

MUJH KO THAMAY HUAY BAANHAIN USKI

TU HE MERA HEERA HAI
DUNIYA K SAMANDAR MEI
TERA PYAR JAZEERA HAI

JUGNU K SITARA THA
TERAY BAAM PAY JO CHAMKA
WOHI NAAM HAMARA THA

DARIYAOON K DHAARAY HAIN
TUM MANO KEH NA MANO
HUM DIL SAY TUMHARAY HAIN

PHOOLON KI KAYARI HAI
TERAY DIL KI KHUSHI SAJNA
HAMEN JAN SAY PYARI HAI

QISSAY NHI DOHRATAY
JO LAMHAY GUZAR JAAEYN
WO MURR K NHI AATAY

DUNIYA MERAY SATH CHALAY
HER CHEEZ THEHAR JAAEY
JAB TUM SAY BAAT CHALAY

TAKRAAR NHI KARTAY
JAB SAJAN BAAT KARAY
INKAAR NHI KARTAY

ACHA SA LAGTA HAI

WO TERA KHAFA HO JANA

AUR MUJHAY NA BATANA

ACHA SA LAGTA HAI

BOHAT ACHA SA LAGTA HAI

PHIR MUJHAY NAZARANDAAZ KARNA

AUR DOOSRON SAY BAATEN KARTAY JANA

ACHA SA LAGTA HAI

BOHAT ACHA SA LAGTA HAI

WO TERA NAZAR NA UTHAANA

AUR CHUP CHAAP MERI SAARI BAATEN

SUNTAY JANA

AUR PHIR

TERA AIK DUM SAY MAAN JANA

AUR ACHI ACHI BAATEN KARNA

ACHA SA LAGTA HAI

BOHAT ACHA SA LAGTA HAI

AAJ JAB BARISH HUI

YEH BHI IK KHAYAL AAYA

KYUN NA IK BAADAL KO

RAAZADAN BANAAUN MEIN

JO BHI MUJH PAR GUZRI HAI

USKO SUB SUNAOON MEIN

TUM SAY JO BHI KEHNA HAI

USKO SUB SUNAOON MEIN

PHIR TUMHARAY DIL PAR WO

AAJ HE BARAS JAAEY

KABHI KABHI KOI YAAD

KOI BUHAT PURANI YAD

DIL K DARWAZAY PAR

AISAY DASTAK DETI HAI

SHAM KO JESAY TAARA NIKLAY

SUBHA KO JESAY PHOOL

JESAY DHEERAY DHEERAY ZAMEEN PAR

ROSHNION KA NAZOOL

JESAY ROOH KI PYAAS BUJHANAY

UTRAY KOI RASOOL

JESAY ROTAY ROTAY ACHANAK

HANS DAY KOI MALOOL

KABHI KABHI KOI YAAD KOI BUHAT PURANI YAAD

DIL K DARWAZAY PAR AISAY DASTAK DETI HAI

Naam le le ker na mera shehar ki nazron mein aa
mujh se milna hai to mere dil ke sehraon mein aa

us safar mein dekh ghul jaata hai mitti ka badan
mujh se milne ki na khuwahish ker na barsaton mein aa

log tujh ko gungunayein meri khuwahish ki tarah
ik achhote shehar ki soorat meri gazal mein aa

be hunar logon ne phir maanga mere fun ka saboot
aa meri sachayi ki khushbu mere lafzon mein aa

ghar ke darwaze pe aakar kion qadam rakhne lage
aa meri tanhayi, meri muntazir bahon mein aa

Kuch es Tarha Se Usse Pyaar Karna Parta Hai
K Apne Pyaar Se Inkaar Karna Parta hai

Kabhi Kabhi To Wo Itna Qareeb Hota Hai
Ke Apne Aap ko Dewaar Karna Parta Hai

KHUDA Ne Us ko Ataa Ki Hai Masehai
K Khud Ko Jaan K Beemar Karna Parta Hai

Wafa Ki Raah Mein Dushwariyan To Aati Hain
Wafa Ki Raah Ko Humwar Karna Parta Hai

Wo Haath Rakh K Mere DIL Per Jab Bhi Poochta Hai
To Mujh ko Dard Se Inkaar Karna Parta Hai

MERAY HAMSAFAR TERI NAZAR HAIN MERAY JAZBA E DIL KI SHIDDATAIN
MERI CHAH MERI MOHABBATAIN MERAY SAJDAY MERI IBADATAIN

WOH JO SATH CHALNAY KA KHWAAB THA,KAHIN REH GAYA KAHIN KHO GAYA
KHO GAYA MERA HAMSAFAR,RAHAIN PAAS AB NA WO CHAHATAIN

WO GULAB THAY KE KHITAB THAY,TERAY HARF HARF MEI KHAAB THAY
TERA TAZA KHAT BHI MILA MGAR NHI ES MEI PEHLI C SHIDDATAIN

MERAY CHAND TU HE BATA MUJHAY KAHAN HAI WO MERA ZAMANA SAAZ
KAHAN THAK K REH GAYA KARWAN KAHAN REH GAEEN MERI SANGATAIN

WO JO MoUSOMON KA HABEEB THA MERI PAYASI AANKH KA KHAAB THA
WoHI KHAAB AB BHI AZEEZ HAI,KARAY AB BHI DIL PAY HUKOMATAIN

DIL JALOON SAY DIL JALOON KA RAABTA ACHA LAGA
DO GHARRI MIL BAITHNAY KA SILSILA ACHA LAGA
KOI KHOOBI TO NA THEE MUJH MEI KE CHAAHA JAAUN
PHIR NAJANAY KYUN USAY CHEHRA MERA ACHA LAGA
RAAT SAARI JAGNAY K BAAD MUJH KO SUBHA
NEEM BAAZ AANKHON SAY US KA DEKHNA ACHA LAGA
BAAT MERI AUR MUKHATAB US KA HONA GHAIR SAY
USKA YEH TARZ E TAKKALUM BHI BARA ACHA LAGA
SIR MERAY SEENAY PAY RAKH K US NAY SHARMATAY HUAY
SATH JEENAY MARNAY KA WAADA KIYA ACHA LAGA
APNAY CHEHRAY PAr JO DEKHAY US K HONTON K NAQOOSH
MUDDATON K BAAD MUJH KO AAINA ACHA LAGA
UMR BHAR JAaGAY MGAR US SHAB KI QASAM
SATH UN KO BHI JaGAA KAR JAAGNA ACHA LAGA