Love

Mohabbat Meharbaa Ho Gi

Pareshan Tum Nahi Hona

Kabhi Choup Kar Nahi Rona

Kabhi Udaas Mat Hona

Judaii Zehar Hoti Hay

Mujhay Maloom Hay Lakin

Firaaq -e- Hijar Ka Mousam

Yaqeenan Beet Jaye Ga

Yaqeenan Wasaal Kay Lamhay

Dobara Lout Aaye Gaye

Wahi Shamain Wahi Ratain

Wahi Qissay Wahi Baatain

Wahi Phir Dastan Ho Gi

MOHABBAT Meharbaan Ho Gi

NA WAADA HAI KOI TUM SAY KOI RISHTA NIBHANAY KA,
NA KOI AUR HE DIL MEI TAHAIYA YA IRADA HAI!
KAEE DIN SAY MGAR DIL MEI,
AJAB ULJHAN C REHTI HAI,
NA TUM eS DASTAN KAY SARSARI KIRDAAR HO KOI,
NA QISSA ITNA SAADA HAI!
TAALUQ JO MEIN SAMJHA THA KAHIN US SE ZAYADA HAI!

Mohabbat Dukh Nahi Deti

Mohabbat Maan Hoti Hay

Kesi Ki Jan Hoti Hay

Kesi Ka Deen Mohabbat Hay

Kesi Ka Emaan Hoti Hay

Mohabbat Chaaon Jesi Hay

Mohabbat Shaan Hoti Hay

Mohabbat Dukh Nahi Deti

Kabhi Socha Hay Tum Nay Ye ?

Achanak Ak Aam Sa Insaan

Hamay Kyun Bha Sa Jata Hay

Hamaray DIL Pay Us Ka Aks

Kesay Cha Sa Jata Hay

Hamara Ikhtiyaar Khud Per

Khatam Honay Kyun Lagta Hay

Usay Hi Sochtay Rehna

Usi Ko Chahatay Rehna

Usi Ko Har Khushi Dena

Or Us Ka Ghum Chura Laina

Hamara Kaam Rehta Hay

Ye Sab Yon Hi Nahi Pyaray

Ye Jazbay Jis Ko Ham

Koii Naam Denay Say Jhijhaktay Hain

Mohabbat Naam Hay es Ka

Dilon Ko Jorr Kar Rakhna

Faqat Ye Kaam Hay es Ka

Ye Tum Say Keh Dia Kis Nay

Mohabbat Kuch Nahi Deti

Meri Ak Baat Sun Lo Tum

Mohabbat Sab Kuch Deti Hay Mager !!

Mohabbat Dukh Nahi Deti

Eik Masoom Taqadus Mein Bhigoya Hua Lams
Kitna Pakiza Hay Ehsas Mein Dhoya Huwa Lams

Ye Tere Jism Ki Khushbu Ka Sunehra Ehsas
Jis Terha Chand K Halay Me Peroya Hua Lams

Us K Hontoon Ko Mein Chhu Loon To Gumaan Hota Hay
Jese Jannat K Gulaboon Mein Daboya Hua Lams

Jo Meri Rooh Mein Utrey He Chale Jaate Ho
Ik Naye Rang Mein Ubhrey Ga Yeh Boya Hua Lams

Bheegi Khusbo Main Basa, Wasl Me Bheega Bheega
Kitna Masoom Hay Pehlo Mein Yeh Soya Hua Lams

Tishnagi Aan Basi Hay Meri Pooroon Me WASI
Dhondta Phirta Hun Muddat Se Main Khoya Huwa Lams

'Tumhain Ik Bat Kehni Hai,

'Magar Naraz Mat Hona,

'K Tum Jo Har Ghari Mujhko,

'Itna Yaad Aatay Ho,

'Hamain Itna Satate Ho,

'K Hum Tum Door Hain Dono,

'Bohat Majboor Hain Dono,

'Naa Itna Yaad Ao Tum,

'Naa Youn Itna Satao Tum,

'K Itna Yaad Aa Kar Yun,

'Hamain Pagal Bana K Tum,

'Faqat Itna Bata Do K,

'Hamari JAAN Lo Gay Kya?

'Magar Ye Bhi Haqeeqat Hai,

'Tumhari YAAD Hi To Hai,

'Jo Har Pal Saath Rehti Hai,

'Khushi Main Bhi, Ghamon Main Bhi,

'Udaasi K Palon Main Bhi,

'Tumhari YAAD Hi To Hai,

'Jo Har Pal Ye Batati Hai,

'Mujhe Ehsas Dilati Hai,

K

"HUM TUM BIN ADHURE Hain''

Ay Chand Suno
Kuch Baat Karo

Tumhari Baat Chalay
Meri Raat Katay
Baat Karo Us Basti Ki
Baadal Barish Or Masti Ki
Ya Baat Karo Us Bandhan Ki
Paayal Chorrie Or Kangan Ki
Ya Baat Karo Un Sapno Ki
Jinhay Tum Bhi Socha Kartay Ho
Khowabon Main Dekha Kartay Ho
Ya Baat Karo
Hawa Main Urtay Anchal Ki
Jo Jab Lehraye Kuch Yaad Dilaye
Mera Chain Churraya
Meri Neend Uraie
Tum Mujh Say Kaho
Ay Chand Suno

Kuch Baat Karo
Teri Baat Chalay Meri Raat Katay

wohi baarish ka mausam hai
wohi barsey huay gham hain
wohi naadan sey hum hain
wohi kaaghaz ki kashti hai
wohi paani ka raila hai
merey bachpan zra dekho
wohi phir khel khela hai
wohi kashti banayi hai
woh paani par chalaye hai
hamain lagta hai phir se hum
usi kashti mein bethay hain
magar bilkul akelay hain
tumhain kuch yaad hai jana
woh kaaghaz ki bani kashti
kahan kab paar jaati hai
hamesha toot jaati hai
chalo waada kiya tum sey
chalo waada nibhayen gay
faqat tum paar utro gay
faqat hum doob jaayen gay
tumhen kuch yaad hai jana?

jab Chaand Sitare chamak rahey hon
Jab Yaadon k Phool Mehak rahey hon
Jab Deed ko Nain taras rahey hon
Jab Aankhon se Aansoo baras rahey hon

Meri Pagal Mohabbat Tumhein Yaad aayegi

Jab Tanhai se Dil Ghabraye ga
Jab Tumhein Akela Pan Satayega
Jab koi Khuwab hi nahi ayega
Jab Phool Kitab mai hi reh jayega

Meri Pagal Mohabbat Tumhein Yaad ayegi

Usay maine hi likha tha
Ke lehjay barf ho jayein
To phir pighla nahi kartey
Parinday dr k urr jayein
To phir lota nahi kartey

Usay maine hi likha tha
Yaqeen uth jaye to shayed
Kabhi wapis nahi aata
Hawaon ka koi toofaan
Kabhi barish nahi lata!!!

Usay maine hi likha tha
Ke sheesha toot jaye to
Kabhi phir jurr nahi paata
Jo rastey se bhatak jaye
Wo wapas murr nahi paata

Usay kehna woh bemayne adhoora khat
Usay maine hi likha tha
Usay kehna k deewanay!!!
mukammal khat nahi likhtey!