Search

Saza Pe Chhor Diya Jaza Pe Chhor Diya
Har Ek Kaam Hum Ne Khuda Pe Chhor Diya

Woh Hum Ko Yad Rahkta Ya Bhula Deta
Usi Ka Kaam Tha Usi Ki Raza Pe Chhor Diya

Us Ki Marzi Bujha De Ya Phir Jala Rakhe
Cheragh Hum Ne Jala Kar Hawa Pe Chhor Diya

Us Se Baat Bhi Karte Tu Kis Tarhan Karte
Yeh Misl Dua Ka Tha Dua Pe Chhor Diya

Iss Liye Tu Woh Kehte Hain Bewafa Hum Ko
Ke Hum Ne Sara Zamana Wafa Pe Chhor Diya……!! !

tere dur pe vo aa hii jaate hain
jin ko piine kii aas ho saaqii

aaj itanii pilaa de aaNkhon se
Khatm rindon kii pyaas ho saaqii

halqaa halqaa suruur hai saaqii
baat koii zaruur hai saaqii

terii aaNkhen kisii ko kyaa dengii
apanaa apanaa suruur hai saaqii

terii aaNkhon ko kar diyaa sajdaa
meraa pahalaa qusuur hai saaqii

tere ruKh pe ye pareshaaN zulfen
ik aNdhere mein nuur hai saaqii

piine vaalon ko bhii nahiin maaluum
maikadaa kitanii duur hai saaqii

Zamee'n pe chal na saka, Aasman se b gaya
Kata kia par ko, Parinda uraan se b gaya



Tabaah kar gai Pakke makaan ki Khuwahish
Mei apne gaon k, Kache makaan se b gaya



Parai aag mei Kood k kia mila tujh ko
Usay bacha na saka, apni Jaan se b gaya



Bhulana chaha to bhulane ki Inteha kar di
Woh shaKhs mere Vehm-o-Gumaan se b gaya



Kisi k hath ka nikla hua Woh Teer hon mei
Hadaf ko chuu na saka, aur Kamaan se b gaya... ,

har cheez apnay waqt pe achi lagti hai
neki kamany ka sahi waqt jawani hai, hum nekian us waqt karte hai jab hum buraiya karne ke qabil nahee rehte.

Main hosh mein tha tou phir Uss pe mar gaya kaise
Yeh zehar mere lahoo mein utter gaya kaise

Kuch Uss k dil mein lagawat zaroor thi warna
Woh mera haath daba ker guzar kaise

Zaroor Uss ki tawajo ki rehbari ho gi
Nashe mein tha tou main apne hi ghar gaya kaise

Jise bhulaye kayi saal ho gaye Kamil
Main aaj Uss ki Gali se guzar gaya kaise,

Honton Pe Kabhi Un K Mera Naam He Aye
Aye To Sahi Bar-Sar-E-Ilzaam He Aye

Heran Hain Lab'basta Hen, Dilgeer Hain Gunche
Khushbu Ki Zubani Tera Pegham He Aye

Lamhat-E-Masarat Hen Tasawur Se Gurezaan
Yaad Aae Hain Jab B Gham-O-Alam He Aye

Taaron Se Saja Lenge Raah-E-Shahr-E-Tamana
Maqadar Nhi Subho Chalo Shaam He Aye

Yaadon K Vafaaon K Aqeedon K Ghamon K
Kaam Aye Jo Duniya Mei To Is Naam He Aye

Kya Raah Badalne Ka Gila Hamsafaron Se
Jis Raah Se Chale Tere Dar-O-Baam He Aye

Thak Haar Ke Baithe Hain Sar-E-Ku-E-Tamanna
Kaam Aye To Phir Jazba-E-Naakaam He Aye

Baaqi Na Rahe Saakh "Adaa" Dasht-E-Junoon Ki
Dil Mein Agar Andeshaa-E-Anjaam He Aye

Jagti Raat K Honton Pe Fasanay Jaise,
Ek Pal Mein Simtt Aye Hon Zamanay Jaise,

Aqal Kehti Hai Bhula Do Jo Nahi Mil Paya,
Dil Woh Pagal K Koi Baat Na Manay Jaise,

Rastay Mein Wohi Manzar Hain Puranay Ab Taq,
Bas Kami Hai Toh Nahi Log Puranay Jaise,

Aaina Dekh K Ehsas Yahi Hota Hai,
Le Gaya waqat Ho Umron K Khazanay Jaise,

Raat Ki Aankh Se Tapka Hua Aansu,
Makh'mali Ghaas pe Moti K Hon Daanay Jaise...!!!

Jin Ko Dhoke Se Kufa Bulaya Gaya
Jin Ke Bachchon Ko Pyaasa Rulaya Gaya
Jin Ke Gardan Pe Khanjar Chalaya Gaya
Us Hussain Ibne Haider Pe Lakhon Salam
Kaun Shabbir Woh Jin Ka Nana Nabi
Jin Ki Maa Fatima Jin Ka Baba Ali
Us Hussain Ibne Haider Pe Lakhon Salam
Karliya Jis Ne Naush Shahadat Ka Jam
Us Hussain Ibne Haider Lakhon Salam
Jin Ka Jhula Farishtey Jhulate Rahe
Lohrian De Ke Noori Sulaate Rahe
Us Hussain Ibn E Haider Pe Lakhon
Jis Ne Nana Ka Wada Wafa Kar Dia
Jis Ne Haq Karbala Mein Ada Kar Diya
Apne Ghar Ko Suparde Khuda Kar Diya
Jis Ne Neze Par Bhi Quran Par Diya
Us Hussain Ibne Haider Pe Lakhon Salam
Ya Elahi Sadqa E Ahle Rasool
Yeh Salaam E Ajizana Ho Kubool