Search

Ajab mausam hai meray her kadam pe phool rakhta hai,
Muhabbat main muhabbat ka farishta saath chalta hai.

Her aansoo main koi tasveer aksar jhilmilati hai
Tumeh aankhen batayen gi diyon main kaun jalta hai.

Main jab so jaaon in aankhon pe hath rakh dena
Yaqin aajaye ga palkon tale bhi dil dharkta hai.

Bahut se kaam ruk jaate hain, main bahar nahin jaata,
Tumahri yaad ka lamha kahan tallay se talta hai.

Muhabbat gam ki baarish hai zamin sarsabz hoti hai,
Bahut se phool khilte hain jahan baadal barasta hai....!

Palkon pe aansoon ko sajaya na jaa saka
us ko bhi Dil ka haal bataya na jaa saka

zakhmon se choor choor tha yeh Dil mera
ek zakham bhi us ko dikhaya na jaa saka

jab teri yaad aayi to koshish k ba wajood
aankhon main aansoon ko chupaya na jaa saka

kuch log zindagi main aise bhi aaye hain
jin ko kisi bhi lamhe bhulaya na jaa saka

bas es khayaal se kahin us ko dukh na ho
hum se to haal-e-ghum bhi sunaya na jaa saka

woh muskura rha tha mere ru-ba-ru magar
chehre ka rang us se chupaya na jaa saka

tanhaiyon ki aag main hum jal gaye
magar faasla unka mitaya na jaa saka...!

Ek Duje Pe Martay Thay Hum Pyaar Ki Baatein Karte The
Khwaabon Mein Khoye Rehte The Baahon Mein Soye Rehte The
Hum Aashiq The Deewane The Es Duniya Se Begaane Se
Ye Un Dinon Ki Baat Hain Jab Hum Paagal Paagal phirte The
Ye Un Dinon Ki Baat Hain Jab Hum Paagal Paagal phirte The

Kehte The Kuch Sunte The Hum Phool Wafa Ke Chunte The
Kabhi Hastay The Kabhi Rote The Hum Yaar Juda Jab Hote The
Hume Sab Kuch Achcha Lagta Tha Afsana Sachcha Lagta Tha
Ye Un Dinon Ki Baat Hain Jab Hum Paagal Paagal Firte The
Ye Un Dinon Ki Baat Hain Jab Hum Paagal Paagal Firte The

Tanhaayi Mein Jab Milte The Dil Mein Hulchul Si Hoti Thi
Hum Dono Jaagte Rehte The Jab Saari Duniya Soti Thi
Jab Yaad Tumhari Aati Thi Chaahat Ke Nagme Gatay Thay
Bechain Deewani Dhadkan Ko Behlate The Sum Jaate The
Ye Un Dinon Ki Baat Hain Jab Hum Paagal Paagal Firte The

Ek Duje Pe Martay The Hum Pyaar Ki Baatein Karte The
Khwaabon Mein Khoye Rehte The Baahon Mein Soye Rehte The
Hum Aashiq The Deewane The Es Duniya Se Begaane Se
Ye Un Dinon Ki Baat Hain Jab Hum Paagal Paagal Firte The
Ye Un Dinon Ki Baat Hain Jab Hum Paagal Paagal Firte The
Ye Un Dinon Ki Baat Hain Jab Hum Paagal Paagal Firte The...!

Bisaat-e-jaan pe azab utarte hain kis tarah

Shab-o-roz dil pe ataab utarte hain kis tarah

Kabhi ishq ho to pata chaley

Ye jo log se chuppay huey hain pas-e-dostaan

To ye kon hain?

Ye jo rog se hain chuppay huey pas-e-jism-o-jan

To ye kis liye?

Ye jo kaan hain meri aahaton pe lagey huey

To ye ku bhala?

Ye jo hont hain saf-e-dostaan main siley huey

To ye kis liye?

Ye jo iztaraab racha hua hai wajood main

To ye kun bhala?

Ye jo sang sa koi aa gira hai jamood main

To ye kis liye?

Ye jo dard dil main chira hua hai lateef sa

To ye kab se hai?

Ye jo putliyoun main hai aks koi khafeef sa

So ye kab se hai?

Ye jo aankh main koi baraf si hai jami hui

To ye kis liye?

Ye jo doston main nayi nayi si kami hui

To ye kyun bhala?

Ye jo log peechey parey huey hain fazool main

Unhain kya pata unhain kya khabar?

Kisi raah k kisi mor per jo unhain zara

Kabhi ishq ho to pata chaley...?

Hum nahin kehte hamari, teri dunya ho jaye,
Itne rangon mein koi rang to apna ho jaye,

Ishq woh bala hai ke kare jis ki talb,
Us ko maloom na ho, Sheher mein charcha ho jaye,

Do sitaron ko jo dekhoon teri ankhen ban jayen,
Chaand ko dhiyan mein laaon tera chehra ho jaye,

Har dorahay pe nigehbaan khari hai kismat,
Kese mumkin hai ke har shakhs ka socha, ho jaye,

Hum ko har bazm mein, Har haal mein sach kehna hai,
Sheher ka sheher khafaa hota hai, Acha ho jaye,

Ishq woh kaar e musalsal hai nahin jis ki akheer,
Us ki taufiq hai jis shakhs se jitna ho jaye,

Husn ki ankh woh tashee talb hai amjad,
Bheerr ho charon taraf aur koi tanha ho jaye...!

Labon Pe Phool Khiltay Hain Kisi Ke Naam Se Pahle
Dilo Ke Deep Jalte Hain Charagh-E Shaam Se Pahle

Kabhi Manzar Badalne Par Bhi Qissa Pata Nahin Chalta
Kahani Khatam Hoti Hai Kabhi Anjaam Se Pahle

Yahi Taare Tumhaari Aankh Ki Chilman Mein Rehte The
Yahi Sooraj Nikalta Thaa Tumhare Baam Se Pahle

Hui Hai Shaam Jungle Main Parinde Laute Honge
Ab In Ko Kis Tarah Rokain Nawah-E-Daam Se Pahle

Ya Saare Rang Murdaa The Tumhaari Shakl Banne Tak
Ya Saare Harf Muhmal The Tumhaare Naam Se Pahle

Huaa Hai Wo Agar Munsif Tou Amjad IhtiyataN Ham
Sazaa Tasleem Karte Hain Kisi Ilzam Se Pahle...!

Muhabbat Ki Jhuthi Kahani Pe Roye
Bari Chot Khai Javani Peh Roye

Na Socha Na Samajha, Na Dekha Na Bhala
Teri Aarzoo Ne, Hume Maar Dala
Tere Pyar Ki Meherbani Peh Roye
Muhabbat Ki Jhuthi Kahani Pe Roye
Bari Chot Khai Javani Peh Roye

Khabar Kya Thi Honto Ko Seena Padega
Mohabbat Chupa Kar Bhi, Jeena Padega
Jiye To Magar Zindagani Pe Roye

Muhabbat Ki Jhuthi Kahani Pe Roye
Bari Chot Khai Javani Peh Roye...!

Zara sahil pe aa kar wo jo thora muskura deta

Bhanwar ghabra k khud mujh ko kinaray pr lga deta

Wo na ata magar itna to keh deta main Aaon ga

Sitaray, chand, Sara Aasman Raah me bicha deta

Khabar hoti agar ye jaal hai Qismat ki sazish ka

Lakirain apne hathon ki main usi lamhe mita daita

Shajar hota to Tera naam Patton par likh likh kar

Tmharay shehar ki janib hawaon me Urra deta...!