Search

Hawa k rukh pe hum deep jala rahe hein
dushman e jaan ko jaan se qareeb laa rahe hein
jab se hey hum pe unki nazar e iltafaat
soghaatein hamare liye raqeeb laa rahe hein
sar e shaam ghar mein roshni k liye
hum jalate hein dil woh deep jala rahe hein
dushman e jaan hi hey hamara maseiah yaaro
log kiun humare liye tabeeb bula rahe hein.
dekha aaj unko ghair se mehve guftagoo
socha tha kiya, kiya naseeb dikhla rahe hein

Kadam kadam pe baharon ne saath chhoda,
Zaroorat padne par yaaron ne saath chhoda,
Vaada kiya sitaron ne saath dene ka,
Subah hone par sitaron ne bhi saath chhoda.

Dil ki Chokhat pe ek Deep jala rakha hai
Tere Laut aane ka Imkaan saja rakha hai

Saans tak bhi nahin lete hain Tujhe sochte waqt
Hum ne is kaam ko bhi kal pe utha rakha hai

Rooth jaate ho to kuch aur Haseen lagte ho
Hum ne yah soch ke hi Tum ko Khafa rakha hai

Tum jise Rota hua chhorr gaye thay ek din
Hum ne us Shaam ko Seeney se laga rakha hai

Chain lene nahi deta yeh kisi tor Mujhe
Teri yaadon ne jo Toofaan utha rakha hai

Jane wale ne kaha tha k wo Laut ayega zaroor
Ek isi Aas pe Darwaza khula rakha hai

Tere jane se jo ik Dhool uthi thi Ghum ki
Hum ne us Dhool ko Ankhon mai basa rakha hai

Mujh ko kal Shaam se wo boht yaad aane laga
Dil ne Muddat se jo ek Shaks Bhula rakha hai

Aakhri baar jo aaya tha Mere Naam Wasi
Mai ne is Khat ko kalejey se laga rakha hai

Chehray Pe Meray Zulf Ko Phelao Kisi Din
Kiya Rooz Garajtay ho Baras Jao Kisi Din

Raazon Ki Tarha Utro Mere Dil me Kisi Shub
Dastuk pe Meray Haath ki Khul Jao Kisi Din

Payrron Ki Tarha Husn ki Barish me Nahalo
Baadal ki Tarha Jhoom Kay ghar Aao Kisi Din

Khushbo ki Tarha Guzro Maray Dil ki Gali se
Phoolon ki Tarha Mujh pe Bikhar Jao Kisi Din

Phir Haath Ki Kheyraat Milay Band Quba Ko
Phir Lutf Shub-E-Wasl ko Dohraao Kisi Din

Guzren jo Meray Ghar se tuo Ruk Jaen Sitaray
Kuch Is tarha Meri Raat ko Chumkao Kisi Din

Main Apni Har Ek Saans Usi Raat ko Day Don
Sar Rakh k Meray Seenay pe Soo Jao kisi Din

Jawan raat key seeney pey dhoodhiya aanchal
Machal raha hai kisi khuwab-e-Marmareen ki tarha
Haseen phool, haseen Pattiyan, haseen shakhein
Lachak rahi hain kisi jism e nazneen ki tarha
Fiza mein khil sey gaye hain ufaq key narm khutoot
zameen haseen hai khuwabon ki sarzameen ki tarha
Tasavurat ki parchaiyan ubharti hain

Kabhi gumaan ki surat kabhi yaqeen ki tarha
woh paidr jin key taley hum panah letey they
kharey hain aaj bhi sakit kisi ameen ki tarha

Unheen key saaye mein phir aaj dou dharaktey dil
khamosh honton sey kuch kehney sun-ney aye hain
najaney kitni kishakash sey, kitni kawish sey
yeh sotey jagtey lamhey chura key laye hain

yahi fiza thi, yahi rut, yahi zamana tha
yaheen sey hum ney mohabbat ki ibtida ki thi
dharaktey dil sey, larazti hui nigahon sey
huzoor-e-ghaib mein nanni sey ilteja ki thi

keh aarzu key kanwal khil key phool ho jayein
dil-o-nazar ki du'ain qabool ho jayein
Tasavurat ki parchaiyan ubharti hain

tum a rahi ho zamaney ki aaankh sey bach kar
nazar churaye huey aur badan churaye huey
khud apney qadmon ki aahat sey jheenpti, darti
khud apney saaye ki junbish sey khof khaye huey
Tasavurat ki parchaiyan ubharti hain

rawaan hai choti si kashti hawaon key rukh par
nadi key saaye pey mallaah geet gata hai
tumhara jism har ik lehr key jhakoley sey
meri khuli hui baahon mein jhool jata hai
Tasavurat ki parchaiyan ubharti hain

mein phool taank raha hoon tumharey jorey mein
tumhari aankh musarrat sey jhukti jaati hai
Tasavurat ki parchaiyan ubharti hain

merey galey mein tumhari gadaaz baahein hain
tumharey honton pey mairey labon key saaye hain
mujhay yaqeen key hum ab kabhi na bichraingey
tumhein gumaan key hum mil key bhi paraye hain
Tasavurat ki parchaiyan ubharti hain

merey palang pey bhikri hui kitabon ko
adayey ijz-o-karam sey utha rahi ho tum
suhaag raat jo dholak pey gaye jatey hain
dabey suron mein wohi geet ga rahi ho tum
Tasavurat ki parchaiyan ubharti hain

Woh lamhey kitney dilkash they, Woh garhyaan kitni pyari theen
woh sehrey kitney nazuk they, Woh laryan kitni pyari theen
Basti ki har ik shadaab gali, khuwabon ka jazeera thi goya
har moj e nafas haz moj e saba, naghmon ka zakheera thi goya

Nagaah lehektey khaiton sey taapon ki sadayein aaney lageen
Barood ki bojhal boo leykar picham sey hawayein aaney lageen
Tameer key roshan chehrey par takhreeb ka badal phail gaya
har gaon mein vehshat naach uthi, har sheher mein jangal phail gaya

Maghrib key muhazzib mulkon sey kuch khaki wardi posh aye
ithlatey huey maghroor aye, lehratey huey madhosh aye

Khamosh zameen key seeney mein khaimon ki tanabein garhney lageen
makhan si mulayim raahon par booton ki kharashein parney lageen
faujon key bhiyanak baind taley charkhon ki sadayein doob gayeen
jeepon ki sulagti dhool talley phoolon ki qabayein doob gayeen

Insaan ki qeemat girney lagi, ijnaas key bhao charney lagey
chopal ki ronaq ghatney lagi, bharti key dafatir badrhney lagey
basti key sajeeley shokh jawaan ban ban key sipahi janey lagey
jis raah sey kam he lot sakey us raah pey raahi janey lagey
Un janey waley daston mein ghairat bhi gayee barnai bhi
maaon key jawaan betay bhi gaye, behnon key chaheetey bhai bhi

Basti pey udhasi chaney lagi, mailon ki baharein khatm hueen
Aamon ki lachakti shakhon sey jhoolon ki qatarein khatm hueen
dhool udrney lagi bazaron mein, bhook ugney lagi khalyanon mein
har cheez dukanon sey uth kar ruposh huee teh-khanon mein
badhaal gharon ki badhaali barhtey barhtey janjaal bani
mehengai barh kar kaal bani, sari basti kangaal bani

charwahian rasta bhool gayeen, pinharian panghat chor gayeen
kitni he kanwari ablayein maan baap ki chokhat chor gayeen

Aflaas zada dehqanon key hal bail bikey, khalyaan bikey
jeeney ki tamana key haaton, jeeney k

Kabhi phool kabhi hawa banke chu jayenge
Hum tou mar ke bhi sath nibha jayenge
Kabhi tanhai mein yaad karna hume
hasi banke honton peh khil jayenge