Search

Mujhe teri mohabbat mein kho jaane do
Har lamha mar ke aaj phir jee jaane do

Isse mahobbat ne dil ko aaj phir dhadkaya hai
Mujhe ishq ki baaho mein so jaane do

Tadap ki aag hai judaai ki baahon mein
Mujhe aaj iss mohabbat se mil jaane do

Meri saans chalti hai tere naam ki aahat pe
Mujh benaam ko iss naam mein kho jaane do

Kasam tujhe chalne wali hawaon ki mehboob
Mujhe iss mohabbat ki aag mein jal jaane do

Mujhe Apne Zabt Pe Naaz Tha,
Sare Bazm Raat Ye Kya Hua

Meri Aankh Kaise Chhalak Gayi
Mujhe Ranj Hai Ye Bara Hua

Meri Zindagi Ke Charagh Ka
Ye Andaaz Koi Nayaa Nahin

Kabhi Roshni, Kabhi Teergi,
Kabhi Jalaa Hua Kabhi Bujha Hua


Mujhe Raaste Mein Pada Hua
Kisi Badnaseeb Ka Khat Mila

Kahin Khoon-E-Dil Se Likha Hua,
Kahin Aansuon Se Mita Hua


Jo Nazar Bacha Ke Guzar Gaye,
Mere Saamne Se Abhi Abhi

Ye Mere Sheher Hi Ke Log The
Mere Ghar Se Ghar Mila Hua


Mujhe Humsafar Bhi Mila Koi,
To Shikasta Haal Meri Tarah

Kahin Raaston Ka Lutaa Hua
Kahin Manzilon Ka Thaka Hua

koii batlaaye mujhe
mere in jaagte KhwaaboN ka muqaddar kya hai?
maiN k har shai kii baqa jaanta huuN
uRte lamhoN ka pata jaanta huuN
sard aur zard sitaaroN kii taga pu kya hai
rang kya chiiz hai, Khushbu kya hai
subah ka saher hai kya, raat ka jaadu kya hai
aur kya chiiz hai aawaz-e-saba janta huuN
ret or naqsh-e-qadam, mauj ka ram
aankh aur goshaa-e-lab, zulf ka Khham
shaam or subah ka gham
sab kii qismat hai fana, jaanta huuN
phir bhi yeh Khwaab mire saath lage rehte haiN
jaagte Khwaab k jin ki koii taabeer nahiiN
koii tafseer nahiiN
suurat-e-zaKhm hare rehte haiN
mere haathoN se pare rehte haiN
jaagte Khwaab ki taabeer muqaddar Theheri
zindagi mere liye gumbad-e-bedar Theheri
maiN k aawaaz-e-saba janta huuN
uRte lamhoN ka pata jaanta huuN
aur har shai kii baqa jaanta huuN!

Mujhe ansuon ki talab nahi
Mujhe zindagi ki talash hai
Jise Dhoond kar bhi na pa saki
Mujhe phir uski talash hai
Mujhe Dushmanon main na dhoondna
Mujhe doston main talash krna
Main Mohabbaton ki Aseer hon
Mujhe Muhabbat ki talaash hai
Meri Rah-E-Azm-E-Talaash Main
Koi Zindagi ka Rafeeq ho
Koi Ansuon ka Charagh De
Mujhe Roshni ki talaash hai
Me Bulandio ki Zameer hon
Me Rafaqaton ki Pazir hon
Mujhe Nafraton ki Zameen per
Mohabbaton ki talash hai

Mujhe us ne kabhi dhoka nahin diya
per kuch kehne ka kabhi mouqa nahin diya

Jagti aankhon se bunn raha tha khwab
sapnon ne us k sone ka kabhi mouqa nahin diya

udta phiron main bhi khulay aasman main
sayyad ne rehai ka kabhi mouqa nahin diya

wada shikan hai wo kuch be wafa bhi hai
aisay kisi khayal se dil kabhi chota nahin kiya

mashq e sitam main yun to usko kamal tha
hamse gila ho us ko kabhi mouqa nahin diya

aashiq to ik jahan tha uska magr ASAD
sani nahin hamara kabhi daawa nahin kiya

Main tera ajj hoon kal par nah dekh taal mujhe
main tera roop hoon joban main hi sanbhaal mujhe

mere hi dum se hain teri yeh dharknain zinda
main tera qalab hoon siney se mat nikal mujhe

main tere bakhat ka sika hoon yeh khayal rahe
yunhi faqeer ki jholi main tu nah daal mujhe

milain mujh main mohabat ke goher tujh ko
main teri chah ka sagar hoon kuch khangal mujhe

tu dharkanoon ko chone ke fun se waqif hai
tu dil ka chor hai itna nah tha khayal mujhe

usse khabar hai mere ghum hi maal hain mera
naye ghum se woh rakhta hai mala maal mujhe

main jin ko ley gaya bam-e-arooj par
woh muntazir hain ke kab aaye ga zawal mujhe

Mujhe aaj bhi uss raat ka intzaar hai,
Jisme maine ussey chaand main dekha tha,
Mujhe aaj bhi unn sapno ka intzaar hai
Jinme unsey mila tha,
Mujhe aaj bhi unn palo ka intzaar hai,
Jinme unke saath tha,
Mujhe aaj bhi unka intzaar hai,

Mujhe intzaar hai har uss baat ka,
Jo maine unke saath ki hai,
Mujhe aaj bhi intzaar hai unn aakhon ka,
Jo mujy har pal dekhti hai,
Mujhe aaj bhi intzaar hai haaton ka,
Jo mere haaton main hai,
Mujhe aaj bhi unka intzaar hai,

Na Ghubar Main Na Gulab Main Mujhe Dekhana
Mere Dard Ki Aab-O-Taab Main Mujhe Dekhana

Kisi Waqt Sham Malal Main Mujhe Sochna
Kabhi Apne Dil Ki Kitab Main Mujhe Dekhana

Kisi Dhun Main Tum Bhi Jo Bastiyon Ko Tyag Do
Isi Rah-E-Khanakharab Main Mujhe Dekhana

Kisi Rat Mah-O-Najoom Se Mujhe Puchhana
Kabhi Apani Chashm Purab Main Mujhe Dekhana

Isi Dil Se Ho Kar Guzar Gaye Kai Karavan
Ki Hijraton Ke Zab Main Mujhe Dekhana

Main Na Mil Sakun Bhi To Kya Hua Ke Fasana Hun
Nai Dastan Naye Bab Main Mujhe Dekhana

Mere Khar Khar Saval Main Mujhe Dhundna
Mere Geet Main Mere Khvab Main Mujhe Dekhana

Mere Ansuon Ne Bujhai Thi Meri Tashnagi
Isi Bargzida Sahab Main Mujhe Dekhanaa

Wohe Ik Lamha Deed Tha Ke Ruka Raha
Mere Roz-O-Shab Ke Hisab Main Mujhe Dekhana

Jo Tarap Tujhe Kisi Aine Main Na Mil Sake
To Phir Aine Ke Javab Main Mujhe Dekhana

Mujhe Maaf Kar Mere Hamsafar
Tujhe Chahna Meri Bhool Thi
Kisi Raah Par Jo Uthi Nazar
Tujhe Dekhna Meri Bhool Thi
Koi
Nazam Ho
Koi
Ghazal Ho
Kahin
Rat Ho
Kahin
Seher Ho
Woh
Gali Gali
Woh Sheher Sheher
Tujhe Dhoondna Meri Bhool Thi
There Gham Ki Koi Dava Nahi
Mujhe Tujhse Koi Gila Nahi
Mera Koi Tere Siva Nahi
Yehi Sochna Meri Bhool Thi
"Mujhe Maaf Kar Mere Hamsafar
Tujhe Chahna Meri Bhool Thi.....