Search

Mohabat ha mujhe tm se,
Bas itna janta hon mein,
Ye kia ha? kyun ha? kese ha?,
Btaon kis trah tm ko??
Chalo socho....
Agr tm se ye pochon,
Kisey kehtey hein becheni?
Agr koi makeen dil ka,
Chala jaye kaheen kuch din to,
Neenden kyun nahi ati??
Kabhi jo bat na ho to,
Ye sansen kyun nahi ati??
Koi jo pyara ho....
Agr wo roth jaye to,
Hansi phr kyun nahi ati??
Chalo itna bta do tm,
Nikley machli pani se,
To zinda kyun nahi rehti??
To phr tm ko btaon kia?
Mohabat kese hoti ha??

Mujh Se Wada Karo Mujhe Rulao Ge Nahi
Halaat Jo Bhi Ho Mujhe Bhulao Ge Nahi

Chhupa Ke Apni Ankhon Mien Rakho Ge Mujhe
Dunia Mien Kisi Or Ko Dikhao Gay Nahi

Mere Lafaz Mere Dil Ki Tahrerain Hain
Qasam Uthao Ke Inko Jalao Ge Nahi

Mujhe Yeh Yaqeen Dilao Ke Mujhe Yaad Rakho Ge
Meri Yadoon Ko Apnay Dil Se Mitao Ge Nahi...!

Aawaaz de rahi hai ye kis ki nazar mujhe?
Shayed mile kinara wahin doob kar mujhe

Chaha Tujhe to khud se Mohabbat si ho gaii
Khone ke bad mil gaii apni khabar mujhe

Har har qadam pe saath hoon saya hoon main tera
Ay bewafa! dikha to zara bhool kar mujhe

Dunya ko bhool kar teri dunya main aa gaya
Le jaa raha hai kaun idhar se udhar mujhe?

Dunya ka har nazara nigahon se chean le
Kuch dekhna nahi hai tujhe dekh kar mujhe

har tarannum me mile he teri awaz mujhe
ek hii naghma sunata hai har ek saaz mujhe

ishq ka bhi koi anjaam hua karta hai
ishq me yaad hai aghaz hi aghaz mujhe

jaise virani se Takaraa ke palatti hai sadaa
dil ke har goshe se aye terii aavaaz mujhe

jo kisi ko bhi na chaahe usay chahana
umar bhar apni muhabbat par raha naaz mujhe

Mujhe raigan na talaash kar
Main safar me tha
Main safar me hooN
Mujhe doosroN se talab na kar
Mujhe khud se maaNg ke dekhna
Me berang aks-e-gohar numa
Kaf-e-iltamas me aaoon ga
Mujhe ab tu shaoq se bhool ja
Yahi naaz kam to nahii ke main
Terii chahatoon ki kitaab k
Iqtabaas me aaooN ge..!!!!

har tarannum me mile he teri awaz mujhe
ek hii naghma sunata hai har ek saaz mujhe

ishq ka bhi koi anjaam hua karta hai
ishq me yaad hai aghaz hi aghaz mujhe

jaise virani se Takaraa ke palatti hai sadaa
dil ke har goshe se aa_ii terii aavaaz mujhe

jo kisi ko bhi na chaahe usay chahana
umar bhar apni muhabbat par raha naaz mujhe

kya sarokaar ab kise se mujhe
vasta tha to tha tujh hi se mujhe

be hisi ka bhi ab nahi ehsaas
kyaa huaa terii beruKhii se mujhe

maut kii aarazuu bhii kar daikho
kya umeedain thi zindagi se mujhe

phir kisi par na aitabaar aaye
yuun uttaro na apne jii se mujhe

tera Gam bhi na ho to kya jeena
kuch tasalli hai dard hii se mujhe

kar gaye kis qadar tabaah Zia
dushman, andaaz-e-dostii se mujhe

Mujhe ek manzil-e-khaas ka na pata chala, yeh bura hua
meri justaju, meri aarzoo, hui raigan, yeh bura hua

meri zest maut se kam nahi, mera gham bhi ab mera gham nahi
teri dastaaN meiN sama gai meri dastaaN, yeh bura hua

mujhe apne naghmoN se hai gila, mera raaz raaz na reh saka
woh jale chiraaghoN ki tarha, woh utha dhuwaan, yeh bura hua

tere intezaar meiN baith kar, mujhe zindagi to mili magar
mera sath choD ke chal diya, mera karwaN, yeh bura hua

mujhe yaad thi yeh na thi khabar, mere gham meiN hai bada asar
meri ek aah se jal gaye, kai aashiyaaN, yeh bura hua

Mujhe teri mohabbat mein kho jaane do
Har lamha mar ke aaj phir jee jaane do

Isse mahobbat ne dil ko aaj phir dhadkaya hai
Mujhe ishq ki baaho mein so jaane do

Tadap ki aag hai judaai ki baahon mein
Mujhe aaj es mohabbat se mil jaane do

Meri saans chalti hai tere naam ki aahat pe
Mujh benaam ko es naam mein kho jaane do

Kasam tujhe chalne wali hawaon ki mehboob
Mujhe es mohabbat ki aag mein jal jaane do.