Search

KOI RAAT MERE ASHNA MUJHE YOUN Bhi TO NASEEB HO..
NA KHYAL HO LIBAS KA WO ITNA MERE QAREEB HO..

BADAN KI GARAM AANCH SE MERI AARZU KO AAG DE..
MERA JOSH B BEHAK UTHAY MERA HAAL Bhi AJEEB HO..

TERAY CHASHNI WAJOOD KA MAIN SARA RASS NICHOR LOON..
PHIR TU HE MERA MARZ HO PHIR TU HE MERA TABEEB HO...!

Aawaaz de rahi hai ye kis ki nazar mujhe?
Shayed mile kinara wahin doob kar mujhe

Chaha Tujhe to khud se Mohabbat si ho gaii
Khone ke bad mil gaii apni khabar mujhe

Har har qadam pe saath hoon saya hoon main tera
Ay bewafa dikha to zara bhool kar mujhe

Dunya ko bhool kar teri dunya main aa gaya
Le jaa raha hai kaun idhar se udhar mujhe?

Dunya ka har nazara nigahon se cheen le
Kuch dekhna nahi hai tujhe dekh kar mujhe...!

Mujhe aksr ye kehti thi.
K itni baar kehte ho.
Mujhe tum se mohabbat hay.
K ab dil par.
Ye sunnay se.
Asar koi nhi hota.
Magr.
Jab aaj danista.
Nhi bola usay mene.
Mujhe tum se mohabbat hay.
To us ki aankh bhar ayi...!

mujhe aawaaz do
Hawa k sath kuch pagham bhaijho
saahilon say mera pocho
ya kisi siski ko apni chahato
ka saaz do
Yaheen hoon main yaheen
main lot aaun ga
mujhe aawaaz do...!

rooth jaate ho tum bas rooth jaate ho

kyoon sataate ho mujhe kitna yaad aate ho

jaante ho mujhe passand nahi

gair ko raaz kyun batate ho

husn ki be wafai saari

ishq ke naam kyon lagate ho

be niazi ki had bhi hai koi ?

kaisay katra ke guzar jaate ho

kyon satate ho mujh kitna yaad aate ho...!

Fizaoo main rang bharta hai tumhara chaand sa chehra…
Mujhe bechain karta hai tumhara chand sa chehra…

Usi ehsaas ka nasha liye phirta hoon duniya main akela…
Meri khatir sanwerta hai tumhara chand sa chehra…

Mujhe ye chandni raatein buhut bekaaif lagti hain…
Jab meri aankhoun main ubharta hai tumhara chand sa chehra…

Koi chehra meri aankhoun ko khera nahin ker sakta…
Mujhe madhosh karta hai tumhara chand sa chehra…

Meri basti se shayad es liyay tum door rehte ho…
Gehan lagne se darta hai tumhara chand sa chehra…

Tawaja kis qadar dene laga hun aaj kal khud per…
Mere charoun taraf jab siyah raat aati hai…

To phir mujh mein uterta hai tumhara chand sa chehra…

Mere se yun hi TUM apni dosti rakhna…
Andhere main nikharta hai tumhara chand sa chehra...!

Mujhe ab darr nahi lagta
kisi k door jane se
Taluq Tot jane se
kisi k maan jane se
kisi k roth jane se
Mujhe ab darr nahi lagta
Kisi ko azmane se
kisi k azmane se
kisi ko yad rakhne se
kisi ko bhol jane se
Mujhe ab darr nahi lagta
Kisi ko choar dene se
kisi k choar jane se
Na shama ko jalane se
Na shama ko bujhane se
Mujhe ab darr nahi lagta
Akele muskrane se
kabhi ansoo bhane se
Na es sare zmane se
Haqeeqat se fasane se
Mujhe ab darr nahi lagta
Kisi ki na rasai se
Kisi ki paarsai se
Kisi ki bewafai se
Kisi dukh intehai se
Mujhe ab darr nahi lagta
Na to es paar rehne se
Na to us paar rehne se
Na apni zindgani se
Na ik din mout aane se
Mujhe Ab Darr Nahi Lagta...!

Yahi huaa k hawaa le gayi uraa k mujhe
Tujhe to kuch na mila khaak mein milaa k mujhe

Bas ek goonj hai jo saath-saath chaltii hai
Kahaan ye choar gaye faasale sadaa k mujhe

Chiraagh thaa to kisi taaq hi mein bujha rehta
Yeh kya kia k havaale kiyaa, hawaa ke mujhe

Ho ek adaa to usay naam doon tamanna kaa
Hazaar rang hain es shola e hina k mujhe

Buland shaakh se uljha thaa chand pichle pehar
Guzar gayaa hai koi Khwaab sa dikhaa k mujhe

Hazaar baar khula zehan baadbaan ki tarah
Naqash-e-paa na mile umr-e-baad paa k mujhe

Main apni mauj mein dooba huaa jazeera hoon
Utar gayaa hai samandar buland pa k mughe...!

Mujhe Apne Zabt Pe Naaz Tha,
Sre Bazm Raat Ye Kya Hua

Meri Aankh Kaise Chhalak Gayi
Mujhe Ranj Hai Ye Bara Hua

Meri Zindagi Ke Charagh Ka
Ye Andaaz Koi Nayaa Nahin

Kabhi Roshni, Kabhi Teergi,
Kabhi Jalaa Hua Kabhi Bujha Hua

Mujhe Raaste Mein Pada Hua
Kisi Badnaseeb Ka Khat Mila

Kahin Khoon-E-Dil Se Likha Hua,
Kahin Aansuon Se Mita Hua

Jo Nazar Bacha Ke Guzar Gaye,
Mere Saamne Se Abhi Abhi

Ye Mere Sheher Hi Ke Log The
Mere Ghar Se Ghar Mila Hua

Mujhe Humsafar Bhi Mila Koi,
To Shikasta Haal Meri Tarah

Kahin Raaston Ka Lutaa Hua
Kahin Manzilon Ka Thaka Hua....!