Search

Kisey Pukarain Hum Is Hujoom e Gham Main
K Sub Hi Hamaray Aazamaye Huay Hain

Tum Hi Ne Humain Kar Dia Tanha
Warna Hum To Taalluq Nibahye Huay Hain

Dheemay Dheemay Aansoo Dil Se Girte
Ka Hum Apna Gham Sub Se Chupaye Huay Hain

Un Shano Tak Ab Rasai Na Rahi
Jin Shano Pe Aansoo Bahaye Huay Hain

Hum Karain Ab Kisi Per Kaisay Bharosa
Ka Zamane Se Dhokay Khaye Huay Hain

Khushion Se Bhi Ab To Lagta Hay Dr
Is Qadar Zakham Hum Ne Khaye Huay Hain

Ab Dast e Shanasai Na Barhayain Gay Hum
K Zamane Bhar Se Thukray Hue Ha

Main Lafzon Main Kuch Bhi Izhaar Nahi Karti
Is Ka Matlab Ye Nahi Keh Main Tujh Say Pyaar Nahi Karti

Chahati Hoon Main Tujhay Aaj Bhi Per
Teri Soch Main Apna Waqt Barbaad Nahi Karti

Tamasha Na Ban Jaye Kahii Mohabbat Meri
Is Liye Apna Dard Ko NamoDaar Nahi Karti

Jo Kuch Mila Hay Usi Main Khush Hoon Main
Teray Liye KHUDA Say Taqrar Nahi Karti

Per Kuch Tu Baat Hay Teri Fitrat Main Zalim
Warna Main Tujhay Chahanay Ki Khatta Baar Baar Nahi Karti

Aansoo Nahi Themtay Hain Aankhon Main Abhi Tak
Jaatay Howay Rota Wo Mujhay Chorr Gaya Tha

Armano Ki Duniya Kay Anmol Say Sapnay
Pal Main Woh Meray Samnay Sab Torr Gaya Tha

Jaan Deta Tha Meri Her Baat Pay Lekin Yoon Hi
Be Sabab Dunya Say Meri Rukh Morr Gaya Tha

Din Ki Tanhayon Ka Gham, Raaton Ki Udasi Hum Rah
Saaray Ghamon Say Rishta Mera Jorr Gaya Tha

Ay Kaash Koii Jaa Kay Us Say Puchay
Yahan Kis Kay Saharay Mujhay Chorr Gia Tha

Nazar Main Zulmat, Badan Main Thandak, Jamaal Kitna Ajeeb Sa Tha
Main Us Ki Chahat Main Ghar Say Nikla, Tu Haal Kitna Ajeeb Sa Tha

Na Main Nay Us Ko Khatoot Likhay, Na Us Nay Meri Panah Chahi
Dono Ko Apni Be Khudi Pay, Malaal Kitna Ajeeb Sa Tha

Wo Meri Raaton Main Chand Dekhay, Main Apni Raaton Main Us Ko Socho
Badaltay Lamhon Main Soch Ka Ye Wisaal Kitna Ajeeb Sa Tha

Ye Zeest Tanha Hi Kaat Lo Gay, Jo Main Nay Pucha To Ro Dia Wo
Jawab Kitna Ajeeb Sa Tha, Sawal Kitna Ajeeb Sa Tha

Dua Ka Toota Hua Harf Sard Aah Main Hai
Teri Judaai Ka Manzar Abhi Nigaah Main Hai

Tere Badalnay K Ba Wajood Tujh Ko Chaaha Ha
Ye Aitraaf Bhi Shamil Mere Gunaah Main Hai

Azaab De Ga To Phir Mujh Ko Khuwaab Bhi De ga
Main Mutmaen Hun Mera Dil Teri Panaah Main Hai

Jisse Bahar K Mehmaan Khaali Choar Aay
Wo Ek Makaan Abhi Tak Makeen Ki Chaah Main Hai

Ye Hi Wo Din They Jab Ek Doosray Ko Paaya Tha
Humari Saal girah Theek Ab K Maah Main Hay

Main Bach Bhi Jaoon To Tanhaai Maar Dalay Gi
Mere Qabeelay Ka Har Fard , Qatal Gaah Main Hai

Boseeda purane kisi samaan main rakh de
Ya phir kisi toote hoye guldaan main rakh de

Chahat k chiraaghon ko to jalna hai jalenge
To in ko uthha ker bhale toofaan main rakh de

Qadmon main taray maslay hoye phool nahi hain
Chahat ki chita hai kisi shamshaan main rakh de

Saansen na chuka paai hain qayamat jo wafa ki
Ab jism ki mitti ko bhi tawwan main rakh de

Mohsin tere jazbaat yahan kon sune ga
Be rabt khayalaat ko deewan main rakh de

Be qarar mausam main

Yaad k jharokon say

Phir Tum hi se milnay ki

Dil mein kitni khawahish hai

Jo udaas rakhti hai

Aaj kal decemeber ki

Phir udaas shaamein hain

In ujaarr aankhon mein

Zard zard raatein hain

Barishon k mausam mein

Toot phoot jata hoon

Jab bhi yaad aatay ho

Khud ko bhool jata hoon

Labon pe hansi ankhon main sawal rakhta tha

is zarf main itna kamal rakhta tha

kia khaber thi mujhy hi bhool jae ga

jo meri ik ik cheez sanbhaal rakhta tha

suna hai log ab boht sataty hain usy

main jis ka itna khyal rakhta tha

Kash Main Teray Haseen Hath Ka Kangan Hota

Tu Bare Pyaar Say, Chao Say , Baray Maan Kay Sath

Apni Nazuk Se Kalaee Main Charhati Mujh Ko

Or Baytabi Say Fursat Kay Khizaan Lamhoon Main

Tu Kisee Soch Main Doobi Jo Ghumati Mujh Ko

Teray Hath Ki Khushboo Say Mahak Sa Jata

Jab Kabhi Mood Main Aakar Mujhay Choma Karti

Teray Hontoon Ke Hiddat Say Dehak Sa Jata

Raat Ko Jab Bhi Tu Nindon Kay Safer Per Jati

Marmareen Haath Ka Ak Takya Banaya Karti

Main Teray Kaan Say Lag Kar Kaii Baatein Karta

Teri Zulfoon Ko Teray Galon Ko Choma Karta

Jab Bhi Tu Band Quba Kholnay Lagte Jana

Apni Aankhoon Ko Teray Husan Say Khaira Karta

Mujh Ko Bay Taab Sa Rakhta Teri Chahat Ka Nasha

Main Tere Rooh Kay Gulshan Main Mehakta Rahta

Main Teray Jism Kay Aangan Main Khanakta Rahta

Kuch Nahi Tu Yahi Bay Naam Sa Bandhan Hota

Kash Main Teray Haseen Hath Ka Kangan Hota