Search

is mousam e Gul main kia batlain
ke hum say dil figaron ko bari takleef deta hai
Tera Yun Rothna Humdum !!

kahan tak theek hai ?
abhi to ishq pe apnay
bas ik bahaar guzri hai
abhi say rooth jana yun tera
kia maani rakhta hai ?

abhi to kitaab e zeest ke
bohat awraaq khaali hain
inhein rangon say bharna hai
yeh saari khuwahishein dil ki
khudara jaan bhe jao !!

chalo ab maan bhee jaao !!

Hum main aur tum mein
kab yeh tey howa tha
kay phir milien zindagi k kisi mor par
kab yeh kaha tha k bin tumharey
na jee sakien gay hum
bahut tarpaye ga yeh hijr ka mousam
yeh sawan aur pat jhar ka mousam
kab yeh teh howa tha
kay sar-e-sham he
tumhari yaad utar aye gi
iss dil k angan mein
agar yeh sab tey nahi howa tha tu
barsoon guzar janey k baad bhi
meri wehshatoon, meri yaadon, meri tanhayion
mein
sirf tum he tum kyu ho?

Mare Bas main Ho Tu Kabhi Kahein
Koi Shehar Aisa Bassoon Main
Jahan Sach ko Sach se Ho Wasta
Jahan Jugnowoon ko Hawa Dati Ho Rasta
Jahan Chand maand Na Ho Kabhi
Jahan Khushbooun se Badlti Rut Ko Hasad Na Ho
Jahan Pastiyon ko Bulandiyon se Kard Na Ho
Jahan Khawab Ankhon main Jagmagaein Tu
Jism-o-Jan k sabhi Dareechon main Tayragi ka Guzar Na Ho
Koi Raat Aisi Basar Na Ho
K Bashar Ko Apni Khabar Na Ho
Jahan Dagh Dagh Sehar Na Ho
Jahan Kashtiyan Hon Rawan Dawan
Tu Samandron main Bhanwar Na Ho
Jahan Barg-o-Bar se Ajnabi, Koi Shakh Koi Shajar Na Ho
Mare Bas main Ho Tu Kabhi Kahein
Koi Shehar Aisa Bassoon Main

subh ta shaam sochta huun main
sau tere naam sochta huun main

ye jo ek taza aag bharkii hai
is kaa anjaam sochta huun main

saamne hai qalam bhi kaghaz bhi
aur paigham sochta huun main

tujh se is dil kaa jo taalluq hai
us kaa kuch naam sochta huun main

aik shaam-e-firaaq Dhal bhii gayii
phir bhii har shaam sochta huun main

kyaa sabab hai Gham-e-zamaana kaa!
laa zara jaam sochta huun main

ab koi fikr hi nahi Baqi
bas tera naam sochta huun main

kuchh to main bhii bahut dil kaa kamzor huuN
kuchh muhabbat bhii hai fitaratan badgumaN

tazkara ko_ii ho zikr teraa rahaa
avval-e-aaKhir daramiyaaN daramiyaaN

jaane kis desh se dil men aa jaate hain
chaaNdanii raat men dard ke kaaravaaN

Main hon majnoon mera andaz zamanay wala
teri nagri main to pathar nahi khanay wala

tu nay daikha hi nahi sath mery chal ky kabhi
main hon tanhai ka bhi sath nibhanay wala

mujh ko tum dasht e taheer main na choro tanha
khof taari hai ajab dil ko darane wala

khof ata hai mujhy apni hi tanhai sy
roth jata hai koi mujh ko mananay wala

dil wo sheesha k tera aks liye phirta hai
roz aata hai koi is ko mitanay wala

is ki har bat sir ankhon pr liye phirta hon
mujh ko accha bhi to lagta hai rulanay wala

is qadar ajnabi andaz sy kiun daikhta hai
main wohi hon tera kirdaar fasanay wala

har qadam soch samjh kr hi uthana ay dil!
tera rehbar to nahin rah batanay wala

chahay jitni bhi safarish karo is ki imran
main teri baton main hargiz nahin anay wala

Meri jaan sochti hon main
Agar tum mil na paye tu
Tumhaari yaad ko dill sey
Bhala kaise bhulaoun gi
Jo mousam sang terey beetey
unhain kaise bhulaon gi
Andheri raat main jugnu
bhala kaise jalaoun gi

meri jaan sochti hon main
Tumhain kaise bhulaaon gi
Likha jo naam hay dill per
Usey kaise mitaaoon gi
Jo aadhi umer jeni hay
Wo main kaise bitaaon gi

Meri jaan sochti hoon main
Tumhain kaise bhulaaoon gi
Teri yaadain jo aaen gi
Mujhe pal pal rulay gi
Merey Anchal ko kheinchain gi
Mujhe kuch gud-gudain gi

Meri jaan sochti hoon main
Tumhain kaise bhulaaon gi
Jo baatain tum sey karti hon
bhala kis ko bataaon gi
Naya jab sher likhoon gi
Tu main kis ko sunaon gi

meri jaan sochti hoon main
Tumhain kaise bhulaaoon gi
Meri jaan Jaan lo tum bhi
Tumhain na bhool paoon gi

Main tera ajj hoon kal par nah dekh taal mujhe
main tera roop hoon joban main hi sanbhaal mujhe

mere hi dum se hain teri yeh dharknain zinda
main tera qalab hoon siney se mat nikal mujhe

main tere bakhat ka sika hoon yeh khayal rahe
yunhi faqeer ki jholi main tu nah daal mujhe

milain mujh main mohabat ke goher tujh ko
main teri chah ka sagar hoon kuch khangal mujhe

tu dharkanoon ko chone ke fun se waqif hai
tu dil ka chor hai itna nah tha khayal mujhe

usse khabar hai mere ghum hi maal hain mera
naye ghum se woh rakhta hai mala maal mujhe

main jin ko ley gaya bam-e-arooj par
woh muntazir hain ke kab aaye ga zawal mujhe

zindagi ki haqiqat main kia jano main tu awara hon
naam ko chore kaam ki baat kar par main tu nakara hon
zindagi ko chore kr moot ko jeney nikla main
zindagi ko jo ada na kar saka wo ik kafara hon
raat ki tarikeon main chamkta raha dosrey sitaron k saath
waqtey sehar main jo reh gia tanha wo ik sitara hon
choota saath har kissi ka par na choota saath samandar aur kinarey ka
chore dyea saath jis ka samandar ney wo ik kinara hon
dunyea hey ik aisee aag jo jalti hey tu bharkti jati hey
aur main, jaltey hee bujh gia aisa ik sharara hon
tera saath nibhaney ka wada keunkar karon
main tu apna na ho saka tu keun kahon k tumhara hon