Search

Waqt Apni Rawani Main Dhlta Raha
Main Tanha Tha, Tanha Hi Chalta Raha

Kabhi Hansta Tha Apne Naseebon Peh Main,
Kabhi Andar Hi Andar Main Jalta Raha

Kahin Shikway Mile Or Kahin Thokrain
Chouten Aesi Lagin K Sanbhalta Raha.

Us Ko Paanay Ki Khatir To Sab Kuch Kiya,
Wohi Sungdil Tha, Rasty Badalta Raha..

Ab Aanso'on Ko Aankhon Main Sajana Hoga
Chiraagh Bhuj Gaye, Khud Ko Jalana Hoga...

Na Samajhna Kh Tum say Bichar Kay Khush Hain
Humain Logon Ki Khaatir Muskurana Hoga...

Phir Shaam Dhal Gayi, Tum Aaye Na Aaj Bhi
Dil Ko Aaj Phir Umeedon Say Behlana Hoga...

Wada Khilafi Kar Kay Muskuratay Ho Aap
Dekhna Aik Din AEY DOST Tum ko Pachtana Hoga...

lahu Say Apnay, Kafan Peh Tera Naam Likh Jaaoon ga
Thaam Kay Haath Main Phool Tum ko Aana Hoga...

Abhi Say Na Kijiye Takazay Masroofiyat Kay Aap
Abhi Uthna Hay Janaza, Kaandhaa To Daina Hoga...

Muddaton Kiya Hay Tera Intezaar, Aey DOST!
Ummar Katt Chuki Ab To Jana Hoga !!!

Us Ki Ankhon Main Muhabbat Ka Sitara Hoga
Aik Din Aaye Ga, Woh Shakhs Humara Hoga

Zindagi! Ab K Mera Naam Na Shamil Karna
Ger Yeh Tay Hay K Yehi Khel Dobara Hoga

Jis K Hone Se Meri Saans Chala Karti Thi
Kis Tarah Is K Bagair Apna Guzara Hoga

Yeh Achanak Joh Ujala Sa Hua Jata Hai
Dil Ne Chupke Se Tera Naam Pukara Hoga

Ishq Karna Hay Tou Din Raat Ussey Sochna Hay
Aur Kuch Zehan Main Aaya Tou Khasaara Hoga

Yeh Joh Paani Main Chala Aaya Sunheri Sa Guroor
Us Ne Darya Main Kahin Paaon Utara Hoga

Kon Rota Hai Yahan Raat K Sanaton Main
Mere Jaisa Hi Koi Hijer Ka Mara Hoga

Joh Meri Rooh Main Baadal Se Garajte Hain Wasi
Us Ne Seene Main Koi Dard Utara Hoga

Kaam Mushkil Hai Mager Jeet Hi Longa Us Ko
Mere Maula Ka Wasi Jonhi Ishara Hogaa

Aik Chota Sa Larka Tha Main Jin Dinon
Aik Mailay Main Puhncha Humakta Hoa
Jee Machalta Tha Aik Aik Shay Per Magar,
Jaib Khali Thi Kuch Mol Lay Na Saka
Laut Aya Liye Hasratain Sainkron
Aik Chota Sa Larka Tha Main Jin Dinon

Khair Mehroomion K Wo Din Tu Gaey,
Aaj Maila Laga Hay Ussi Shaan Say
Aaj Chahon Tu Ik Ik Dukaan Mol Lon
Aaj Chahon Tu Sara Jahan Mol Lon
Naa Rasai Ka Ab Jee Main Dharka Kahan?
Per Wo Chota Sa Nanha Sa Larka Kahan??

Aansu Bhar Aaye Aankh Main Har Ik Hansi Ke Baad
Gham Ban Gaya Naseeb Mera Har Khushi Ke Baad

Nikla Tha Kaarwaan Mohabat Ki Rah Main
Har Morh Peh Nafrat Khari Thi Har Gali Ke Baad

Socha Tha Piyar Ka Main Sajaoun Ga Gulsitaan
Har Phool Jal Gaya Mera, Bankar Kali Ke Baad

Chahat Ki Bebasi Ka Ye Qissa Hay Muktasar
Dil Ne Sakoon Na Paya Kabhi Dil Lagi Ke Baad

Ab Raakh He Samait Ta Hoon Aashiyane Ki
Khud Hi Jala Diya Tha Jisey Aajazi Ke Baad

Suntey Hain Baad Marne Ke Milta Hai Sab Sila
Dekhain Ge Kia Milega Humain Zindagi Ke Baad

Khush Thay Kuch Aisay Teri Rafaqat K Shauq Main
Manzil Ganwa Di Ham Ne Musaafat K Shauq Main

Nafrat Hi Pehr E Daar Mili Har Makaam Par
Jis Darr Pe Ham Gaey Hain Mohaabat K Shauq Main

Ham Baargah-E-Ishq Main Maqbool Youn Hue
Khud Se Bichar Gaey Teri Qurbat K Shauq Main

Lautay Hain Ab Tou Saath Hai Ranj O Alm Ki Bheer
Niklay Thay Ghar Se Ik Musarrat K Shauq Main

Daaman Main Hasraton K Siwa Kuch Nahi
Aisay Lutay Hain Ham Teri Chahat K Shauq Main

Nazar Main Zakhm-E-Tabbasum Chupa Chupa K Mila
Khafa To Tha Wo Magar Mujhse Muskura K Mila

Wo Humsafar K Mere Tanz Pe Hansta Tha Bohat
Sitam Zareef Muje Aaina Dikha Ke Mila

Mere Mizaj Pe Hairan Hai Zindagi Ka Shaoor
Main Apni Moat K(K)O Aksar Gale Laga K Mila

Main Us Se Mangta Kia Khoon Baha Jawani Ka
K Wo Bhi Aaj Muje Apna Ghar Luta K Mila

Main Jisko Dhoond Raha Tha Nazar Ke Raste Main
Mujhe Mila Bhi Tou Zalim Nazar Jhuka K Mila

Main Zakham-E-Zakham Badan Le K Chal Dia
Wo Jab Bhi Apni Chere Per Gham Saja K Mila...

Ik Dost Main Nay Banaya Tha
Dil Main Usay Basaya Tha
Usay Acha Sathi Samjha Tha
Usay Hamdard Apna Jana Tha

Per Mujh Ko Ye Maloom Na Tha
Dil Ghair Say Us Nay Lagaya Tha
Mujhay Hamdardi Ka Dawa Tha
Wo Her Dam Mujh Say Nalan Tha

Jab Us Ki Nazar Say Milti Thi
Meri Nazar Jhuk Jati Thi
Kuch Keh Bhi Na Sakta Tha Us Ko
Zaban Si Yun Ruk Jati Thi

Janay Kia Phir Baat Hue
Wo Mujh Say Uon Naraz Hua
Sab Gussa Us Ka Bikhar Gia
Phir Bujha Bujha Sa Rehnay Laga

Usay Sathi Us Ka Chor Gya
Dil Kuch Aisay Us Ka Tor Gya
Na Mera Hua Na Us Ka Hua
Bus Yadon Ka Samaan Chor Gya...

Nazar me ZuLmat badan main thandak
Jamal kitna ajeeb sa tha,
Mian us ki chahat me ghar se nikla tu
Haal kitna ajeeb sa Tha,
Na main ney osay khatoot likhe
na os ney meri panah chahi,
dono ko apni bey khudi pe
malal kitna ajeeb sa tha,
wo apni raton me chand dekhe
main apni raton main os ko sochon,
badalte lamhon me souch ka yeh
visaal kitna ajeeb sa tha,
safar akelay he kaat lo gey
main ne poucha tu ro diya wo,
jawab kitna ajeeb sa tha
sawal kitna ajeeb sa tha......