Search

Terey baghair Sard mosmon ke khushgawar Din Udaas hen,
Fiza me Dukh Racha hoa hai,
Hawa koi udaas geet gunguna rahi hai,
Phool ke Labon pe Peyas hai,
Aisa Lagta hai,
Hawa ki Aankhen Rotey Rotey khushk ho gai hon,
Saba ke dono hath khali hon
kh... shehr mein Tera koi pata nahen,
saans lena kitna mahaal hai
udasiyan udasiyan Ajab haal hai
Tamam sabz saaya-dar pairron ney,
Tery baghair wehshaton me apney perhan ko taar taar kar dia
Ab kisi shajr key Jism per Quba nahen
Sookhey Zard pattey
Koo ba Koo teri talaash me Bhatak rahey hen
Meray Darichon me Gulabi dhoop roz jhaankti hai
Mgr uss ki Aankhon me
Wo Jag-magahaten nahen
Jo teray Waqt me Zameen key sabeeeh maathey per
Soorajon ki kehkashaan sajaaney aati thin
Zameen bhe meri Trah hi
Teray baghair es ki Kokh se bhe ab
Koi Gulaab ugg na paye ga
Zameen Banjer ho gai hai
Aur
Meri Rooh ki Bahaar Aafreen kokh bhi
Meri soch key sadaf mein
Fun key sachey moti kis trah Janam lia kren
kh main sarapa-e-tashnagi hon
Aur door door tak, Visaal-e-abr ki khabr nahen
Meray aur Teray darmian
Paanch Paanion key Des mein
Kachey gharrey bhe to meri dastars se door hen
Mai kis trah SHER kahoon
Meri Soch key Badan ko, to Namoo to dey
kh...
Main Teray baghair Ek Sehra hon!!

Main Hoon Ya Tu Hai ,Khud Se Gurezaan Jaise,
Mere Aage Koi Saya Hai,Kharaman Jaise..

Tujhse Pehle Toh Baharon Ka ,Yeh Andaaz Na Tha,
Phool Yun Khilte Hain,Jalta Ho Gulistaan Jaise…

Yun Teri Yaad Se Hota Hai ,Ujala Dil Mein,
Chandni Mein Chamak Uthta Hai,Bayaabaan Jaise..

Dil Mein Roshan Hai,Abhi Tak Tere Wadon Ke Chiraag,
Toot-Ti Raat Ke Taare Ho, Farozan Jaise..

Waqt Badla Per,Na Badla Mere Mayar-E-Wafa,
Aandhiyon Mein ,Sar-E-Kohsaar Charaghan Jaise..

Zakhm Bharta Hai Zamana,Magar Is Tarah,
Si Raha Ho Koi ,Phoolon Ke Girebaan Jaise…….

Zamanay Bhar Ke Nigahon Main Jo Khuda Sa Lagay
Wo Ajnabi Hay Mager Mujh Ko Aashna Sa Lagay

Na Janay Kab Meri Dunya Main Muskuraye Ga
Wo Ak Shaks Kh Khuwabon Main Bhi Khafa Sa Lagay

Ajeeb Cheez Hay Yaaron Yeh Manzilon Ki Hawas
Keh Rehzan Bhi Musafir Ko Reh-Numa Sa Lagay

Dil Tabah ! Tera Mashwara Kia Kh Mujhay
Wo Phool Rang Sitara Bhi Be Wafa Sa Lagay

Hoti Hay Jis Say Munawar Har Ak Aankh Ki Jheel
Wo Chaand Aaj Bhi Mohsin Ko Kam-numa Sa Lagay

Chahat Kay Is Darya Per
Darya Or Kinaray Per
Dil Ko Yon Azad Kia
Main Nay Tum Ko Yaad Kia


Tanhaii Ki Raton Main
Khud Hi Baaton Baaton Main
Is Dil Ko Yon Shaad Kia
Main Nay Tum Ko Yaad Kia


Jab Say Tum Ko Dekha Hay
Jab Say Tum Ko Chaha Hay
Har Ak Pal Faryaad Kia
Main Nay Tum Ko Yaad Kia


Is Jeewan Kay Nisaabon Main
Or Raaton Kay Khuwabon Main

Jaag Kay Bhi Dil Shaad Kia
Main Nay Tum Ko Yaad Kia


Phool Yeh Khilnay Say Pehlay
Tum Ko Milnay Say Pehlay
Khud Ko Yon Barbaad Kia
Main Nay Tum Ko Yaad Kia

Na Ghubar Main Na Gulab Main Mujhe Dekhana
Mere Dard Ki Aab-O-Taab Main Mujhe Dekhana

Kisi Waqt Sham Malal Main Mujhe Sochna
Kabhi Apne Dil Ki Kitab Main Mujhe Dekhana

Kisi Dhun Main Tum Bhi Jo Bastiyon Ko Tyag Do
Isi Rah-E-Khanakharab Main Mujhe Dekhana

Kisi Rat Mah-O-Najoom Se Mujhe Puchhana
Kabhi Apani Chashm Purab Main Mujhe Dekhana

Isi Dil Se Ho Kar Guzar Gaye Kai Karavan
Ki Hijraton Ke Zab Main Mujhe Dekhana

Main Na Mil Sakun Bhi To Kya Hua Ke Fasana Hun
Nai Dastan Naye Bab Main Mujhe Dekhana

Mere Khar Khar Saval Main Mujhe Dhundna
Mere Geet Main Mere Khvab Main Mujhe Dekhana

Mere Ansuon Ne Bujhai Thi Meri Tashnagi
Isi Bargzida Sahab Main Mujhe Dekhanaa

Wohe Ik Lamha Deed Tha Ke Ruka Raha
Mere Roz-O-Shab Ke Hisab Main Mujhe Dekhana

Jo Tarap Tujhe Kisi Aine Main Na Mil Sake
To Phir Aine Ke Javab Main Mujhe Dekhana

Shayad Abhi Hai Raakh Main Koi Sharar Bhi
Kyon Varna Intazar Bhi Hai Iztarar Bhi

Dhyan A Gaya Hai Marg-E-Dil-E-Namurad Ka
Milane Ko Mil Gaya Hai Sukun Bhi Qarar Bhi

Ab Dhundhne Chale Ho Musafar Ko Dosto
Hadd-E-Nigah Tak Na Raha Jab Ghubaar Bhi

Har Astan Pe Nasiyafarsa Hain Aj Vo
Jo Kal Na Kar Sake The Tera Intazar Bhi

Ik Rah Ruk Gai To Thithak Kyon Gai 'Ada'
Abad Bastiyan Hain Paharon Ke Par Bhe

Sang-dil hai wo to kyun us ka gila main ne kiya
Jab k khud pathar ko but,but ko khuda main ne kiya

Kaise na-maanoos lafzoN ki kahaani tha wo shakhs
Uss ko kitni mushkiloN se tarjuma main ne kiya

Wo meri pehli mohabbat,wo meri pehli shikast
Phir to paiman-e-wafa sau martaba main ne kiya

Hun saza-vaar-e-saza kyun jab muqaddar mein mere
Jo bhi uss jaan-e-jahaaN ne likh diya,main ne kiya

Wo THeherta kya k guzra tak nahiN jis k liye
Ghar to ghar har raasta aaraasta main ne kiya

Mujh pe apna jurm saabit ho na ho lekin FARAZ
Loag kehte hain k uss ko bewafa main ne kiya

khwahish hay k iss toor se jeewan ko guzaroon
har aks tere husn ka ankhun main utaroon

woh tishna labi hay k samjh kuch nahi ata
dariya ko sada doon k samander ko pukaroon

jeewan bhi tu uljhi hoi dooron ki terha hay
iss soch main gum hon k isey kaise guzaroon?

ab iss k siwa mera koi khwaab nahi hay
her saans ko khushnoodi-e-janaa pe main waaroon

bahter hay k ab moot ko seene se laga loon
iss mann ko tere hijr main ab kitna main maaron

pehle tu faqat hasrat e deedar thi Wasiq
ab yeh bhi talab hay k USEY jeet k haarun

Bare Anjaan Mousam Main
Bohot Berang Lamhon Main,
Bina Aahat Bina Dastak
Bohot Masoom Sa Sapna
Utar Aaya Hay Aankho Main
Bina Soochey Bina Samjhay,
Kaha Hay Dil Ne Chupke Se,
Haan Is Masoom Sapnay Ko,
Aankho Main Jagah De Do!
Bina Roke Bina Bole
Jhuka Diya Hay Sar Hum Ne!
Magar Tabeer Kya Hogi,
Ye Hum Janey Na Dil Janey
Bus Maloom Hay Itna...
K Dil K Faislay Aksar
"Humain Kam Raas Aaye Hain"