Search

Barish,baadal,
Tum or Main.

Khushbu, mosam,
Tum or Main

Kaley baadal, rim jhim barish,
Neela anchal
Tum or Main

Behti nadiyan, girta pani,
Aankhein, aansu
Tum or Main

Pass kisi dariya k koi
Bheega jhonpari
Tum or Main

Door kahin koyal ki ko ko,
Ghana jangal
Tum or Main

Barkha rim jhim geet sunaein,
Jhurmat dalein,
Tum or Main

Door kahin per chota sa ik,
Kacha sa ghar
Tum or Main

Kandha tera or sar mera,
Pagal si chup
TUM OR MAIN...!

Main aiyna tha, woh mera khayal rakhti thi,
Main toot-ta tha to chun kar sambhaal rakhti thi..

Har aik maslay ka hal nikal rakhti thi,
Zaheen thi, mujhay hairat main daal rakhti thi..

Main jab bhi tark-e-taluq ki baat karta tha
Woh rokti thi mujhay, kal pay taal rakhti thi..

Woh mere dard ko chunti thi apni pooron say,
Woh mere wastay khud ko nidhal rakhti thi..

Woh dobnay nahi daiti thi dukh kay darya main,
Mairay wajood ki naow uchaal rakhti thi..

Duain us ki balaoon ko rook laiti thin,
Woh mere chaar so hathon ki dhaal rakhti thi.

Ik aisi dhun kay nahi phir kabhi main nay suni,
Woh munfarid sa hansi main kamal rakhti thi..

Usay nadamatain mairi kahan gawara thin
Woh mairay wastay asaan sawal rakhti thi
.
Bichar kay uss say main dunya ki thokaron mein hon Mohsin,
Woh pass thi tau mujhay lazawaal rakhti thi...!

Bicharnay aur judai main
zara sa fark hota hai
Juda ho kar kisi se phir
kabi koi nahi milta

Bichar jain to milnay ka
koi imkaan rehta hay
Juda ho kar kisi ki yaad
dil main reh nahi sakti
bichar jain to dil main ik
diya jalta hi rehta hay

Juda ho kar kisi ka pyaar
dil main reh nahi sakta
bichar jain to dil main bus
usi ka pyar rehta hay

To phir aay hum sukhan meray
tu mera faisla sun lay
mughe tum se bicharna hay
Juda tum se nahi hona ...!

Talab ko ajar na doon, fikar-e-rahguzar na karoon!
Safar main ab ke hawa ko bhi hamsafar na karoon

Ubhartay doobtay sooraj se torr loon rishta
Main sham orh ke so jaon aur sahar na karoon

Ab is se barh ke bhala kya ho ehtiyat-e-wafa
Main tere sheher se guzroon, tujhe khaber na karoon!

Ye meray dard ki daulat, meri maata-e-firaaq
In ansuon ki wazahat main umer bhar na kroon!

Ujaar shab ki khalish ban ke main kho jaoon
Main chandni ki terha khud ko darbadar na karoon!

Wo aik pal ko dikhai to de kaheen Mohsin
Main jan gunwa ke bhi us pal ko mukhtasir na karoon...!

Aey Naye Saal Bata Tujh Main Naya Kya Hai
Har Taraf Khalq Ne Kyun Shor Macha Rakha Hai
Roshni Din Ko Wohi Taaron Bhar Raat Wohi
Aaj Hum Ko Nazar Ati Hai Har Baat Wo Hi
Aasmaan Badla Hai Na Afsos Badli Hai Zameen
Eik Hindsay Ka Badalna Koi Jiddat To Nahi
Agley Barson Ki Tarah Hongey Qarennay Terey
Kisey Maloom Nahi Baraan Mahenay Terey
January,Feburary,Aur March Main Parray gi Sardi
Aur April,May,June Me Hogi Garmi
Tu Naya Hai To Dikha Subha Nayee,Shaam Nayi
Warna In Ankhon Ney Dekhey Hain Saal Kayee!!
Aur Bhi Besabab Detey Hain kyu Log Mubarakbadain!!
Galiban Bhool Gaye Waqt Ki karvi Yaadein!
Teri Aamad Sey Ghatti Umer Jahan Main Sab Ki!!
Faiz Ney Likhi Hey Ye Nazam Niralay Dhang Ki...!

Aey Naye Saal Bata Tujh Main Naya Kya Hai
Har Taraf Khalq Ne Kyun Shor Macha Rakha Hai
Roshni Din Ko Wohi Taaron Bhar Raat Wohi
Aaj Hum Ko Nazar Ati Hai Har Baat Wo Hi
Aasmaan Badla Hai Na Afsos Badli Hai Zameen
Eik Hindsay Ka Badalna Koi Jiddat To Nahi
Agley Barson Ki Tarah Hongey Qarennay Terey
Kisey Maloom Nahi Baraan Mahenay Terey
January,Feburary,Aur March Main Parray gi Sardi
Aur April,May,June Me Hogi Garmi
Tu Naya Hai To Dikha Subha Nayee,Shaam Nayi
Warna In Ankhon Ney Dekhey Hain Saal Kayee!!
Aur Bhi Besabab Detey Hain kyu Log Mubarakbadain!!
Galiban Bhool Gaye Waqt Ki karvi Yaadein!
Teri Aamad Sey Ghatti Umer Jahan Main Sab Ki!!
Faiz Ney Likhi Hey Ye Nazam Niralay Dhang Ki...!

kai dinon say ik awaz mujh main gonji nahi

kai dinon say koi mujh main ratjaga na huwa

kai dinon say samaat ki rehguzaron per

na koi chand he utra na koi phool khila

kai dinon say yeh aankhien hain neend say bojhal

kai dinoN say badan chAandni mEN jalta hai

kai dinoN say yeH din mujh mEn Aa kay dhalta hai

kai dinoN say kisi waswasay ki zadd men hoon

kai dinon say ajab wehshaton ki hadd men hoon

kai dinon say khayaalon kay taaq-e- hijran per

kisi kay naam ka rakha diya jalta hoon

dil-e-afsurda ko chupkay say gudgudata hoon

kai dinon say yehi kaar-e-ishq jari hai

kai dinon say ajab dil ko beqarari hai...!

raastay, manzilaiN, justaju aur maiN
ham nafas, ik teri aarzu aur maiN

koi rishta, shanasaai, kuch bhi nahiN
aaina hai mere rubaru, aur maiN

jugnuoN ki talab ka sila yeh mila
teergi hai mere chaar su, aur maiN

khwaab ki titliyaN jab urain aankh se
reh gai khwahish-e-rang-o-bu, aur maiN

raat bhar jaagtay haiN sitaroN talay
tera lehja, teri guftagu, aur maiN

aankh maiN khwaab ki kirchiyaN reh gayeeN
hath meiN qismatoN ka lahu, aur maiN

sochti hooN kahaN jaooN, kis se kahooN
shehr dushman, Faza bhi raqeeb, aur maiN

daaman-e-umr main sar chupa kar, bohat
ro diye haiN, teri aarzu, aur maiN

raig-e-sehra huwe haiN tere ishq maiN
mere ehsas ki aabru, aur maiN

mere saahir, bichaRtay samay reh gayeeN
teri aankhaiN mere chaar su, aur maiN

kaash aisa ho, saahil kinaray kabhi
aur koi na ho, sirf tu, aur maiN...!

Khwaab Posh Aankhon Main
Aansuon Ka Bhar Jana

Hasraton Ke Sahil Per
Titliyon Ka Mar Jaana

Habs Ki Hawaon Main
Khushbuon Ka Darr Jana
Dil Ke Garm Sehra Main
Hashr Hi Barpa Hona
Dard La Dawa Hona
Kya Boht Zarori Hai
Ab Tera Juda Hona...?