Search

Main Apni Raton Ki Fursaton Me Tujhy Manaon To Maan Jana,
Agar Kisi Din Main Apny Ansu Jo Le K Aaon To Maan Jana,

Ye Ek diL Hi Tumhy Dia Tha So es Ko Tum Ne Hi Toor DaLa,
Shikasta DiL Ki Jo Kirchiyon Ko Sameat Laon To Maan Jana,

Tu Khush Nhi Hai Meri BaQa Per To Sirf Itna Bata,
Teri Khushi K Liye Jo SooLi Pe Muskuraon To Maan Jana,

Tu Badguman Hai Meri Wafa Pr To Sirf Aik Baar Azma Le,
Jo Haar Jaon To LouT Jana,Jo Jeet Jaon To Maan Jana

Sooch Kay Wasee Samandar Main

Ihsas Ki Kishti Main Baith Kar

Mujhay Us Paar Jana Hai

Jaha Meri Janat Hai

Lekin

Tughyani Say Darr Lagta Hai

Us Tughyani Say Jis Main

Meri Kishti Kahin Gum ho Jati Hai

Aur Shayed Main Bhi.

naye dinon ke naye safar main dhayan rakhna
khamosh, chup chap
kuch na kehti in saaton ne
sonp dale naye taqazay rafaqaton ke
dhayan rakhna
ke apne hisse ke sab taqazay nibhane hain
sath chalte hoye safar main
her ik dagar pe chahaton ke ghulab likhna
warq warq aitamad jis main
harf harf main ho jaan nisari
naii khushiyan, naye manazir
naii misalein, naye hawale
bus aik aisi hi muhabtoon ki kitaab likhna
naye dinon ke naye safar main

meri ankhoun main samaya hay tumhara chehra
mere khawaboun main khayaloon main tumhari ankhain

Chand k noor ki kirnoon main tumhara chehra
or subha k ujaloon main tumhari ankhain

meri nazmoon meri ghazloon main tumhara chehra
mere saray hi hawalon main tumhari ankhain

jahan daikhon nigahoun main tumhara chehra
sab jawaboon main, sawaloon main tumhari ankhain

Ab to Aa ja Guzar gaya hun main
Log kehtay hain mar gya hun main

Tum se Milta tha Sirf Ujra hua
Dekh kitna sanwar gaya hun main

Khaar Chuntay umar Tamaam hui
Aaj pholon se bhar gaya hun main

Tu to aa k Wada wafa kar ja
Apne wade se phir gya hun mai

Ghum-e-hayat, Qissa-e-Shikast-e-hasti
Qaid shairon mein Kar gaya hun main

Muthiyaan khaak se bharay Dunia
Lehad mein utar gaya hun main


Ab To Aa Ja Guzar Gaya Hun Main ....

Dhoop main chhaaon, andheray main diya ho jana
Kitna mushkil hai kisi dukh ki dawa ho jana

Main kisi lamha-e-maqbool main maangoon ga tumhain
Tum bhi us lamhay masroof-e-dua ho jana

Aisa lagta hai taaluq nahi toota tujh say
Zakhm-e-dil ka teray dekhay say hara ho jana

Kabhi jub dhoop ki shiddat nay safar rok diya
Yaad aaya teray gaisoo ka ghata ho jana

ab koo-e-malamat say guzarna hai mujhay
Tum kisi morr per chaho to juda ho jana

zindgi kay mailay main,khowishon kay railay main
tum say kya kahain jana!
es qadar jhamailay main
waqt ki rawani hai,bakht ki girani hai
sakht bay zameeni hai,sakht la makani hai
hijr kay samandar main
takht aur takhtay ki ek hi khani hai
Tum ko jo sunani hai
Baat go zara si hai
Baat umar bhar ki hai
Umar bhar ki baatain kab do gharri main hoti hain?
dard kay samandar main
un ginat jaziray hain,bay shumar moti hain
aankh kay dareechay par tum nay jo sajaya tha
Baat us diay ki hai,baat us gilay ki hai
jo lahoo ki khilwat main chor ban kay aata hai
lafz ki fasiloon par toot toot jata hai
zindgi say lambi hai,baat ratjagay ki hai
PYAAR KARNAY WALON KO EK NIGAH KAFI HAI
ho sakay to sun jaao ek din akailay main
Tum say kaya kahain jana!es qadar jhamailay main!!!

Main sun k uski sub batain,
Faqat itna hi kehta tha,
Khafa hona mana laina,
Yeh sadiyon say riwayat hay,
Gilay shikway karo mujh say,
Tumhain janan ijazat hay,
Magar ik baat meri bhi,
Tum yaad rakh laina,
Kabhi aisa bhi hota hay,
Hawaain rukh badalti hain,
Khattain ho hi jati hain,
Khafa hona bhi mumkin hay,
Khatta hona bhi mumkin hay,
Hamaisha yaad rakhna tum,
Taaluq toot janay say,
Kabhi rishtay toota nahin kertay…!

Aankhon Main Baaqi Reh Gaye, Ab Teray Khad o Khaal Se
Lub Pe Hain Kuch Sawal Se, Dil Main Hain Kuch Malaal Se

Tu Jo Gaya To Yuun Laga, Tanha Hoon Kainaat Main
Raatain Thaki Thaki Meri, Din Bhi Meray Nidhaal Se

Itne Qareeb Hoon Teray, Rasta Na Wehem Ko Milay
So jao Teray Hisaar Main, Jagoon Teray Jamal Se

Mujh Ko Hain Kaam Aur Bhi, Kuch To Karo Mera Khayal
Aatay Ho Jab Khayal Main, Jatay Nahi Khayal Se

Tujh Si Haseen Ghazal Koi, Mujh Sa Ghazal Sara Koi
Dunia Main Ho Ager Kaheen, Waazeh Karo Misaal Se

Uss Se Gila Ay Dosto, Itna Sa Hai Ke Wo Mujhe
Samjha Nahi Hai Aaj Tak, Ghaafil Hai Meray Haal Se