Search

Ab Dekh Ke Jee Gabrata Hai Saawan Ki Suhani Raaton Ko,
Piya Chor Gaye Dil Tor Gaye, Ab Aag Lagay Barsaaton Ko,
Ay Jaan E Mohabbat, Jaan E Ghazal Aao To Tumhari Nazar Karein,
Aankhon Mein Sajaye Baithay Hain Hum Piyar Bhari Soughaaton Ko,
Yoon Piyar Ki Qasmein Kha Kha Kar Kiyun Jhooti Tasalli Detay Ho ?
bas Rehnay Do Hum Jaan Gaye Sarkaar Tumhari Baaton Ko,
Maska Hua Aanchal Shaanon Pay Ye Zulf Ki Lat Uljhi Uljhi,
Aankhon Ki Khumari Kehti Hai Rehtay Ho Kaheen ? Tum Raaton Ko,
Zulfon Ko Hawa Mein Lehrana Hans Hans K Tumhara Bal Khana,
Andaz Hain Sab Dil Lainay K Hum Jaan Gaye In Baaton Ko,
Be-Dard Haseenon Ki Khatir Kiyun Hotay Hi Badnaam Fana,
Saffaak Sitamgar Kya Samjhay Hum Dil-Walon Ki Baaton Ko,
Ab Dekh Ke Jee Gabrata Hai Saawan Ki Suhani Raaton Ko,
Piya Chor Gaye Dil Tor Gaye, Ab Aag Lagay Barsaaton Ko.

Ab Bhala Chhor Ke Ghar Kya Karte
Shaam Ke Vaqt Safar Kya Karte

Terii Masrufiytain Jaante The
Apne Aane Kii Khabar Kyaa Karte

Jab Sitare Hi Nahi Mil Paye
Le Ke Ham Shams O Qamar Kya Karte

Wo Musafir Hi Khuli Dhuup Ka Tha
Saaye Phaila Ke Shajar Kya Karte

Khaak Hi Avl O Aakhir Thahri
Kar Ke Zarre Ko Gauhar Kyaa Karte

Raaye Pehle Se Hii Banaa Lii Tune
Dil Men Ab Ham Tere Ghar Kyaa Karte

Ishq Ne Saare Saliqay Bakhshe
Husn Se Ksb E Hunar Kya Karte