Search

Ab Agar Aao To Jaane ke Liye Mat Aana
Sirf Ahsaan Jataane ke Liye Mat Mana

Maine Palkon Pe Tamannaen Saja Rakhi Hain
Dil Par Umeed ki 100 Rasmen Jala Rakhi Hain
Ye Hanseen Shamen Bujhaane ke Liye Mat Aana

Pyar ki Aag Main Zanjeer Pighal Sakti Hai
Chahne Walon ki Takdeer Badal Sakti Hai
Hoon Bebas Ye Batane ke Liye Mat Aana

Mujhse Milne ki Agar Tumko Nahi Chahat koi,,
Tum Sirf Rasmen Nibhane ke Liye Mat Aana.,

Aahat Aahat intezaar kar ke dekhna
kabhi kissi say pyar kar ke dekhna


Toot jatey hain khoon ke rishtay bhi
Ghaltiyaan do-chaar kar ke dekhna


Agar zindagi ka falsaffa samajhna ho
barish me kachchi dewaar kharhi kr k dekhna


Kaee janam beet jayein gay janaa
kabhi meri mohabbatein shumaar kr k dekhna,

Na jee bhar ke dekhaa na kuch baat ki,
badi aarzoo thi mulaqaat ki,
Kaye saal se kuch Khabar hi nahin,
kahaan din guzaaraa kahaan raat di,
Main chup tha tou chalti hawa ruk gayi,
zubaan sab samajhte hain jazbaat ki,
Sitaaron ko shaayad khabar hi nahin,
musaafir ne jaane kahaan raat ki...,

soo'ey shajar laraz uthey jaise ke dar ga'ey
kuch chandni ke phool zameeN par bikhar ga'ey

sheeshey ka taaj sir pe rakhey aa rahi thi Raat
takraa'ee hum se chand sitaarey bikhar gey

wo khushk hont rait se naam maangtey rahey
jin ki talaash meiN ka'ee darya guzar ga'ey

chaha tha meiN chand ki palkoo’n ko choom loo’n
hontoo’N pe merey subah ke taa'rey bikhar ga'ey

merey laboo’n pe chand ki QaasheiN laraz ga'eeN
aankhoo’N pe jaisey raat ke gaiy'soo bikhar ga'ey

saahil pe ruk gey they zaar dair ke liye
aankhoo’N se dil mein kitney sumandar utar ga'ey

jiN par likhi hui thi mohabbat ki daastaa’n
wo chaak chaak purzey hawa mein bikhar gey,

Ae kaash ke toote tera pindaar kisi din
ker le tu mere pyar ka iqrar kisi din

yeh jhankna chup chup kee hamesha na rahe ga
gir jaye gi yeh beech ki dewaar kisi din

sarshaar kabhi main bhi bohat tha use mil ker
pachtaye ga tu bhi ae mere yaar kisi din

sunte hain us paar bari sabz rutein hain
kyun hum bhi na ayaz chalein paar kisi din

Hairaan Hoon Ke Ye Konsa Dastoor-E-Wafa Hai
Tu Misl-E-Rag-E-Jaan Hai , To Kiyon Mujh Se Khafa Hai..?

Tu Ahl-E-Nazer Hai To Nahi Tuj Ko Khaber Kiyoon
Pehlu Mein Tere Koi Zamanay Se Khara Hai

Likha Hai Mera Naam Samander Pe Hawa Ne
Or Dono Ki Fitrat Mein Sukoon Hai Na Wafa Hai

Shikwa Nahi Mujh Ko Ke Hoon Mehroom-E-Tamanna
Gham Hai To Faqt Itna Ke Tu Dekh Raha Hai

Hum Rakhte Hain Dawa Ke Hai Qaboo Hamain Dil Per
Tu Saamnay Aa Jaye To Ye Baat Juda Hai ...!,

Meri Ankhon Ke Smndar Men Jalan Kaisi Hai
Phr Dilko Tarpne Ki Lagan Kaisi Hai

Barf Ke Rup Men Dhal Jayege Ristey
Mujse Pucho Mohabbat Ki Agan Kaisi Hai!

Ab Kisi Chhat Pe Charagon Ki Qatarein Bhi Nahin
Ab Tere Shehar Ki Galiyon Mein Ghutan Kaisi Hai

Mein Tere Wisal Ki Khuwahish Ko Na Marne Doonga
Mausam-E-Hijar Ke Lehje Mein Thakan Kaisi Hai

Regzaron Mein Jo Banti Rahi Kaanton Ki Rida
Us Ki Majboor Si Aankhon Mein Kiran Kaisi Hai

Mujhe Masoom Si Larki Pay Taras Ata Hai
Usey Dekho To Muhabbat Mein Magan Kaisi Hai,