Search

Aye Ishq Na Chhed Aa Aa Ke HaMein,
HuM Bhule Huwon Ko Yaad Na Kar,
Pehle Hi Bahut Nashaad Hai HuM,
Tu Aur HaMein Nashaad Na Kar,
QisMat Ka SitaM Hi KaM Nahi Kuch,
Ye Taaza SitaM Ijaad Na Kar,
Aye Ishq HaMein Barbaad Na Kar,

Jis Dinse Mile Hai Dono Ka
Sab Chain Gaya AaraM Gaya,
Chehron Se Bahar-E-Subah Gayi,
Aankhon Se Farog-E-ShaaM Gaya,
Hathonse Khushi Ka JaaM Chhuta,
Hothonse Hansi Ka NaaM Gaya,
GaMgeen Na Bana Naashaad Na Kar,
Aye Ishq HaMein Barbaad Na Kar,

Raaton Ko Uth Uth Rote Hai,
Ro Ro Kar Duwayein Karte Hai,
Aankhon Mein Tasavvur Dil Mein Khalish,
Sar Dhunate Hai Aahein Bharte Hai,
Aye Ishq Ye Kaisa Rog Laga,
Jeete Hai Na ZaaliM Marte Hai,
Aye Ishq HaMein Barbaad Na Kar,

Ye Rog Laga Hai Jab Se HaMein,
Ranjeeda Hun Main BeeMar Hai Wo,
Har Waqt Tapish Har Waqt Khalish,
Be-Khwaab Hun Main Bedaar Hai Wo,
Jeene Se Idhar Bezaar Hoon Main,
Maranbe Pe Udhar Taiyar Hai Wo,
Aur Zabt Kahe Fariyaad Na Kar,
Aye Ishq HaMein Barbaad Na Kar,

Bedard Zara Insaaf To Kar,
Is UMr Mein Aur MagMoon Hai Wo,
Phoolon Ki Tarah Nazuk Hai Abhi,
Taaron Ki Tarah MasooM Hai Wo,
Ye Husn SitaM Ye Ranj Gazab,
Majboor Hoon Main MazluM Hai Wo,
MazluM Pe Yun Bedaad Na Kar,
Aye Ishq HaMein Barbaad Na Kar,

Aye Ishq Khuda Raa Dekh Kahin,
Wo Shokh Haseen BadnaaM Na Ho,
Wo Maah-E-Laqaa BadnaaM Na Ho,
Wo Zohra-Jabeen BadnaaM Na Ho,
NaaMuus Ka Usko Paas Rahe,
Wo Parda-Nasheen BadnaaM Na Ho,
Us Parda-Nasheen Ko Yaad Na Kar,
Aye Ishq HaMein Barbaad Na Kar,

UMMid Ki Jhuthi Jannat Ki,
Reh Reh Ke Na Dikha Khwab HaMein,
Aayinda Ke Farzi Ishrat Ke,
Waade Se Na Kar Betaab HaMein,
Kehata Hai ZaMana Jis Ko Khushi,
Aati Hai Nazar KaaMyab HaMein,
Chhod Aisi Khushi Ko Yaad Na Kar,
Aye Ishq HaMein Barbaad Na Kar,

Do Din Hi Mein Ahad-E-Tifali Ke
MasooM ZaMane Bhul Gaye,
Aankhon Se Wo Khushiyaan Mit Si Gayi,
Lab Ke Wo Tarane Bhool Gaye,
Un Paak Bahishti Khwabon Ke,
Dilchasp Fasane Bhool Gaye,
Un Khwabon Se Yun Azaad Na Kar,
Aye Ishq HaMein Barbaad Na Kar,

Aankhon Ko Ye Kya Aazaar Hua,
Har Jazb-E-Nihaan Par Ro Dena,
Aahang-E-Tarab Pe Jhuk Jaana,
Aawaz-E-Fugaan Par Ro Dena,
Parbat Ki Sada Par Ro Dena,
Mutrib Ke Bayan Par Ro Dena,
Ehsaas Ko GaM Buniyaad Na Kar,
Aye Ishq HaMein Barbaad Na Kar,

Jee Chahta Hai Ek Dusre Ko
Yun Aath Peher HuM Karein,
Aankhon Mein Basaye Khwabon Ko,
Aur Dilko Khayal Abaad Karein,
Khilvat Mein Bhi Jo Jalvat Ka SaMaan,
Wahadat Ko Dui Se Shaad Karein,
Ye Aarzuyein Ijaad Na Kar,
Aye Ishq HaMein Barbaad Na Kar,

Wo Raaz Hai Ye GaM Aah Jise,
Paa Jaye Koi To Khair Nahi,
Aankhonse Jab Aansu Behte Hai,
Aa Jaye Koi To Khair Nahi,
ZaaliM Hai Ye Duniya Dilko
Yahan Bhaa Jaye Koi Khair Nahi,
Hai ZulM Magar Fariyaad Na Kar,
Aye Ishq HaMein Barbaad Na Kar,

Duniya Ka TaMasha Dekh Liya,
GaMgeen Si Hai Betaab Si Hai,
UMMid Yahan Ek WahaM Si Hai,
Taskeen Yahan Ek Khwaab Si Hai,
Duniya Mein Khushi Ka NaaM Nahi,
Duniya Mein Khushi Nayaab Si Hai,
Duniya Mein Khushi Ko Yaad Na Kar,
Aye Ishq HaMein Barbaad Na Kar...

Saqi Ki Har Nigah Pay Bal Kha K Pee Gaya
Lehroon Say Khailta Hua Lehra K Pee Gaya

Ey Rehmat-E-Tamaam Meri Har Khata Muaf
Mein Intiha-E-Shouq Mein Ghabra K Pee Gaya

Peeta Baghair Izn Yeh Kab Thi Meri Majaal
Dar Pardah Chashm-E-Yaar Ki Sheh Pa K Pee Gaya

Samjhanay Walay sub Mujhe Samjha K Reh gaye
Lakin May Aik Aik Ko Samjha Ke Pee Gaya

Tere' maqtal ki aabroo hum the'
Qatl ke' waqt baa wazoo hum the'

Ye' nadii ab kise' bulaati hai?
Pahle' to is ki justajoo hum the'

Apni basti ko yaad hai ke' nahin
Us ki galiyon ki hao hoo hum the'

Apne' kaam aa gaii wo mahroomi
Pyaas ke' din kinaar-e-joo hum the'

Apne' kuch khwaab yaad aane' lage'
Raat maazi ke' roo ba'roo hum the'

Sab se chupa kar dard jo woh muskura diya
Us ki hansi ne to aaj mujhe rula diya

Lehje se uth raha tha har ek dard ka dhuaan
Chehra bata raha tha k kuch ganwa diya

Aawaz mein tharao tha aankhoon mein nami thi
Or keh raha tha k mein ne sab kuch bhula diya

Jane kya us ko loghon se theen shikayateen
Tanhaiyon ke dais mein khud ko basa diya

Khud bhi woh hum se bichar kar adhura sa ho geya
Mujh ko bhi itne loghon mein tanha bana diya....

Tu Ne Dekha Hai Kabhi Ek Nazar Shaam Ke Baad
Kitne Chup Chaap Se Lagte Hain Shajar Shaam Ke Baad

Itne Chup Chaap Ke Raaste Bhi Rahenge Laa Ilm
Chhor Jaayenge Kissi Roz Nagar Shaam Ke Baad

Main Ne Aise Hi Gunaah Teri Judaai Mein Kiye
Jaise Toofaan Mein Koi Chhor De Ghar Shaam Ke Baad

Shaam Se Pehle Vo Mast Apni Uraanon Mein Raha
Jis Ke Haathon Mein The Toote Hue Par Shaam Ke Baad

Raat Beeti To Gine Aable Aur Phir Socha
Kaun Tha Baais-E-Aaghaaz-E-Safar Shaam Ke Baad

Tu Hai Suuraj Tujhe Maaluum Kahaan Raat Ka Dukh
Tuu Kisi Roz Mere Ghar Mein Utar Shaam Ke Baad

Laut Aaye Na Kissi Roz Vo Aavaaraa Mizaaj
Khol Rakhate Hain Isi Aas Pe Dur Shaam Ke Baad