Search

ye din bahaar ke ab ke bhii raas na aa sake
kay Ghunche khil to sake khil ke muskuraa na sake

merii tabaahii dil par to raham khaa na sakii
jo raushanii men rahi raushanii ko paa na sake

rahein Khulus-e-muhabat ki hadsat jahan
mujhe to kya mere naqsh-e-qadam mita na sake

karenge mar ke baqa-e-dawaam kya hasil
jo zinda rah ke muqam-e-hayat pa na sake

naya zamaana banane chale the diwaane
nai zamin, naya asaman bana na sake

sochta huuN ke mahfuuz kar luuN ise apne siine men lafz or bayaaN kii tarah
thoRii hii der meN yeh mulaaqaat bhii Khatm ho jaayegi daastaaN kii tarah

yeh rafaqat bahut mukhtasar hai miri hamsafar laa maire haath meiN haath de
tuu hava-e-sar-e-rahguzar ki tarah, main kisi nakhat e raygan ki tarah

haal zaalim shikari ki suurat mujhe, waqt ki zin se baandh kar le chala
mera maazii mire saath chaltaa rahaa duur tak ek majbuur maa kii tarah

sang-e-azar kii barishen tez thin, aur bachne ka koi tariqa na tha
raftaa raftaa sabhii ne saron par koi be hisi taan li sayban ki tarah

Khowiashon ke samandar se ek mauj uthi aur sail e bala Khez banti gay
jism kashtii kii maanind ulaTne lage, pairahan uR gaye baadbaaN kii tarah

Sochta Hoon Ke usay Neend Bhi Aati Hogi,
Ya Meri Tarah Faqt Ashq Bahati Hogi,

Wo Meri Shakal Mera NaaM Bhulane Wali,
Apni Tasveer Se Kya Aankh Milati Hogi,

Is ZaMeen Par Bhi Hai Sailab Mere Ashqon Ka,
Mere MataM Ki Sada Arsh Hilati Hogi,

ShaaM Hote Hi Wo Chaukhat Pe Jala Ke ShaMa,
Apni Palkon Pe Kayi Khwaab Sulati Hogi,

Mere Tareek ZaMane Se Nikalne Wale,
Roshni Tujhko Meri Yaad Dilati Hogi,

Dilki MasooM Ragein Khud Hi Sulagti Hogi,
Joonhi Tasveer Ka Kona Wo Jalati Hogi

saaGar se lab lagaa ke bahut Khush hai zindagii
sehan-e-chaman men aake bahut Khush hai zindagii

aa jaao aur bhii zaraa nazadiik jaan-e-man
tum ko qariib paake bahut Khush hai zindagii

hotaa ko_ii mahal bhii to kyaa puuchhate ho phir
be vajah muskuraa ke bahut Khush hai zindagii

sahil pe bhi to itani shagufata ravish na thi
tufan ke bich ake bohat Khush hai zindagi

viran dil hai aur Adam zindagi ka raqs
jangal men ghar banake bohat Khush hai zindagi

hans ke bola karo bulaya karo
ap ka ghar hai aya jaya karo

muskurahaT hai husn kaa zevar
rup baDhata hai muskuraya karo

had se badh kar hasin lagte ho
jhuThi qasmen zarur khaya karo

hukm karna bhi ek saKhaavat hai
ham ko Khidmat koi bataya karo

baat karna bhi badshahat hai
bat karna na bhool jaya karo

duniya ki dilkashi na ghatay
nit naye pairahan men aya karo

kitne saada mizaaj ho tum 'Adam'
us gali main bohut na jaya karo

hans ke bola karo bulaya karo
ap ka ghar hai aya jaya karo

muskurahaT hai husn kaa zevar
rup baDhata hai muskuraya karo

had se badh kar hasin lagte ho
jhuThi qasmen zarur khaya karo

hukm karna bhi ek saKhaavat hai
ham ko Khidmat koi bataya karo

baat karna bhi badshahat hai
bat karna na bhool jaya karo

duniya ki dilkashi na ghatay
nit naye pairahan men aya karo

kitne saada mizaaj ho tum 'Adam'
us gali main bohut na jaya karo

kaha tha kis ne ke ahad-e-vafa karo us se
jo yuN kiya hai to phir kyuN gila karo us se

ye kya ke tum hi Gam-e-hijr ke fasane kaho
kabhi to us ke bahane suna karo us se

nasib phir koi taqreeb-e-qarb ho ke na ho
jo dil men hon vahi baten kiya karo us se

Faraz tark-e-taalluq to Khair kya hoga
yahi bahut hai ke kam kam mila karo us se