Search

Suna hai log ussay aankh bhar ke dekhtay hain
So us ke shehar mein kuch din thehar ke dekhtay hain

Suna hai rabt hai us ko kharaab haloon se
So apne aap ko barbaad kar ke dekhtay hain

Suna hai dard ki ghaahak hai chashm-e-naaz us ki
So hum bhi us ki gali se guzar ke dekhtay hain

Suna hai us ko bhi hai shair-o-shaeri se shaguf
So hum bhi moujazzay apne hunar ke dekhtay hain

Suna hai bolay tu batoon se phool jhartay hain
Yeh baat hai tu chalo baat kar ke dekhtay hain

Suna hai raat ussay chaand takta rehta hai
Sitaaray baam-e-falak se uttar ke dekhtay hain

Suna hai din ko ussay titleyaan sataati hain
Suna hai raat ko jugnoo thehar ke dekhtay hain

Suna hai hashar hain us ki ghazaal si ankhain
Suna hai us ko hiran dasht bhar ke dekhtay hain

Suna hai us ki seyaah chashmagi qayaamat hai
So us ki surma farosh aah bhar ke dekhtay hain

Suna hai us ke laboon se gulaab jaltay hain
So hum bahaar pe ilzaam dhar ke dekhtay hain

suna hai aaenaa tamsaal hai jabeen us ki
Jo saada dil hain ussay ban sanwar ke dekhtay hain

Suna hai jab se hamaayal hain us ki gardan mein
Mizaaj aur hi laal o gohar ke dekhtay hain

Suna hai us ke badan ki taarash aisi hai
Ke phool apni qubaayain qattar ke dekhtay hain

Suna hai us ke shabistaan se muttasil hai behisht
Makeen idhar ke bhi jalway udhar ke bhi dekhtay hain

Rukay tu gardishain us ka tawwaaf karti hain
Chalay tu us ko zamaany thehar ke dekhtay hain

ab usske shahar main tahren k kooch kar jayen
faraaz aao sitaare safar k dekhte hain

ab ke tajdid-e-vafa ka nahin imkan jaanaa
yad kya tujh ko dilayain tera paiman jaanaa

yon hi mausam ki ada dekh ke yad aya hai
kis qadar jald badal jate hain insan jaanaa

zindagi teri ataa thi so tere nam ki hai
ham ne jaise bhi basar ki tera ehsan jaanaa

dil ye kahata hai k shayad ho afsurda tu bhi
dil ki kya bat karain dil to hai nadan jaanaa

akhir akhir to ye alam hai ki ab hosh nahin
rag-e-mina sulag uthi ki rag-e-jan jaanaa

muddaton se ye alam na tavaqqo na ummid
dil pukare hi chala jata hai jana jaanaa

ham bhi kya sada the ham ne bhi samajh rakha tha
gam-e-dauran se juda hai gam-e-jaanaa jaanaa

ab ki kuch aisi saji mahafil-e-yaran jaanaa
sar-ba-zanu hai koi sar-ba-gireban jaanaa

har koi apani hi avaz se kanp uthata hai
har koi apane hi saye se hirasan jaanaa

jis ko dekho vahi zanjir-ba-pa lagata hai
shahar ka shahar hua dakhil-e-zindan jaanaa

ab tera zikr bhi shayad hi gazal main aye
aur se aur hua dard ka unvan jaanaa

ham k ruthi hui rut ko bhi manaa lete the
ham ne dekha hi na tha mausam-e-hijran jaanaa

hosh aya to sabhi khvab the reza-reza
jaise urate huye auraq-e-pareshan jaanaa

Ranjish hi sahi dil hi dukhane ke liye a
a phir se mujhe chhoor ke jane ke liye a

pahale se marasim na sahi phir bhi kabhi to
rasm-o-rah e duniya hi nibhane ke liye a

kis kis ko batayen ge judai ka sabab ham
tu mujh se Khafa hai to zamane ke liye a

kuchh to mere pindar-e-muhabbat ka bharam rakh
tu bhi to kabhi mujh ko manane ke liye a

ek umr se hoon lazzat-e-giriya se bhi maharum
ae rahat-e-jan mujh ko rulane ke liye a

ab tak dil-e-Khush feham ko tujh se hain ummidain
ye aKhiri shamain bhi bujhane ke liye a

manaa k muhabbat ka chupana bhi hai muhabbat
chupake se kisi roz yeh jatane ke liye a

jaise tujhe ate hain na aane ke bahane
aise hi kisi roz na jane ke liye a

Ana Parast hai etna ke har bat se pahle
Woh uth ke band meri har kitab kar dega
Me sach kahonga phir bhi haar jaon ga
Woh jhoth bolega la jawab kar dega