Search

Aa Bhi Jao Ke MausaM Badalne Lage,
Aa Bhi Jao Ke Ye Dil Dhadakne Lage,

Aa Bhi Jao Ke Ab Chandni Dhalne Lagi,
Aa Bhi Jao Ke ShabnaM Bahekne Lagi,

Aa Bhi Jao Ke Shab-E-Firak Ab Hui TaMaaM,
Aa Bhi Jao Ke Dil Hua TuMhare NaaM

Aa Bhi Jao Ke Titliyan Raqs Karne Lagi,
Aa Bhi Jao Ke Saansein Machalne Lagi,

Aa Bhi Jao Ke TuM Yaad Aane Lage,
Aa Bhi Jao Ke Jazbat Phir Jazbaat Hai,

Aa Bhi Jao Ke Hathon Ko Hai ThaMna,
Aa Bhi Jao Ke Mere Ye Ehsaas Hai...,

Meri Aankhon Ke SaMundar Mein Jalan Kaisi Hai,
Aaj Phir Dilko Tadapne Ki Lagan Kaisi Hia,

Ab Kisi Chhat Pe Charagon Ki Qatarein Bhi Nahi,
Ab Tere Sheher Ki Galiyon Mein Ghutan Kaisi Hia,

Barf Ke Roop Mein Dhal Jayenge Saare Rishte,
Mujhse Puchho Ke Mohabbat Ki Agan Kaisi Hia,

Main Tere Visl Ki Khwahish Ko Na Marne Dunga,
MausaM-E-Hijr Ki Lehje Mein Thakan Kaisi Hia,

Rehguzaron Mein Jo Banti Rahi Kaanton Ki Rida,
Uski Majboor Si Aankhon Mein Kiran Kaisi Hai,

Mujhe MasooM Si Ladki Pe Taras Aata Hai,
Ise Dekho To Mohabbat Mein Magan Kaisi Hia...,

Sochta Hoon Ke Use Neend Bhi Aati Hogi,
Ye Meri Tarah Faqt Ashq Bahati Hogi,

Wo Meri Shakal Mera NaaM Bhulane Wali,
Apni Tasveer Se Kya Aankh Milati Hogi,

Is ZaMeen Par Bhi Hai Sailab Mere Ashqon Ka,
Mere MataM Ki Sada Arsh Hilati Hogi,

ShaaM Hote Hi Wo Chaukhat Pe Jala Ke ShaMa,
Apni Palkon Pe Kayi Khwaab Sulati Hogi,

Mere Tareek ZaMane Se Nikalne Wale,
Roshni Tujhko Meri Yaad Dilati Hogi,

Dilki MasooM Ragein Khud Hi Sulagti Hogi,
Joonhi Tasveer Ka Kona Wo Jalati Hogi...,

Aye Ishq Na Chhed Aa Aa Ke HaMein,
HuM Bhule Huwon Ko Yaad Na Kar,
Pehle Hi Bahut Nashaad Hai HuM,
Tu Aur HaMein Nashaad Na Kar,
QisMat Ka SitaM Hi KaM Nahi Kuch,
Ye Taaza SitaM Ijaad Na Kar,
Aye Ishq HaMein Barbaad Na Kar,

Jis Dinse Mile Hai Dono Ka
Sab Chain Gaya AaraM Gaya,
Chehron Se Bahar-E-Subah Gayi,
Aankhon Se Farog-E-ShaaM Gaya,
Hathonse Khushi Ka JaaM Chhuta,
Hothonse Hansi Ka NaaM Gaya,
GaMgeen Na Bana Naashaad Na Kar,
Aye Ishq HaMein Barbaad Na Kar,

Raaton Ko Uth Uth Rote Hai,
Ro Ro Kar Duwayein Karte Hai,
Aankhon Mein Tasavvur Dil Mein Khalish,
Sar Dhunate Hai Aahein Bharte Hai,
Aye Ishq Ye Kaisa Rog Laga,
Jeete Hai Na ZaaliM Marte Hai,
Aye Ishq HaMein Barbaad Na Kar,

Ye Rog Laga Hai Jab Se HaMein,
Ranjeeda Hun Main BeeMar Hai Wo,
Har Waqt Tapish Har Waqt Khalish,
Be-Khwaab Hun Main Bedaar Hai Wo,
Jeene Se Idhar Bezaar Hoon Main,
Maranbe Pe Udhar Taiyar Hai Wo,
Aur Zabt Kahe Fariyaad Na Kar,
Aye Ishq HaMein Barbaad Na Kar,

Bedard Zara Insaaf To Kar,
Is UMr Mein Aur MagMoon Hai Wo,
Phoolon Ki Tarah Nazuk Hai Abhi,
Taaron Ki Tarah MasooM Hai Wo,
Ye Husn SitaM Ye Ranj Gazab,
Majboor Hoon Main MazluM Hai Wo,
MazluM Pe Yun Bedaad Na Kar,
Aye Ishq HaMein Barbaad Na Kar,

Aye Ishq Khuda Raa Dekh Kahin,
Wo Shokh Haseen BadnaaM Na Ho,
Wo Maah-E-Laqaa BadnaaM Na Ho,
Wo Zohra-Jabeen BadnaaM Na Ho,
NaaMuus Ka Usko Paas Rahe,
Wo Parda-Nasheen BadnaaM Na Ho,
Us Parda-Nasheen Ko Yaad Na Kar,
Aye Ishq HaMein Barbaad Na Kar,

UMMid Ki Jhuthi Jannat Ki,
Reh Reh Ke Na Dikha Khwab HaMein,
Aayinda Ke Farzi Ishrat Ke,
Waade Se Na Kar Betaab HaMein,
Kehata Hai ZaMana Jis Ko Khushi,
Aati Hai Nazar KaaMyab HaMein,
Chhod Aisi Khushi Ko Yaad Na Kar,
Aye Ishq HaMein Barbaad Na Kar,

Do Din Hi Mein Ahad-E-Tifali Ke
MasooM ZaMane Bhul Gaye,
Aankhon Se Wo Khushiyaan Mit Si Gayi,
Lab Ke Wo Tarane Bhool Gaye,
Un Paak Bahishti Khwabon Ke,
Dilchasp Fasane Bhool Gaye,
Un Khwabon Se Yun Azaad Na Kar,
Aye Ishq HaMein Barbaad Na Kar,

Aankhon Ko Ye Kya Aazaar Hua,
Har Jazb-E-Nihaan Par Ro Dena,
Aahang-E-Tarab Pe Jhuk Jaana,
Aawaz-E-Fugaan Par Ro Dena,
Parbat Ki Sada Par Ro Dena,
Mutrib Ke Bayan Par Ro Dena,
Ehsaas Ko GaM Buniyaad Na Kar,
Aye Ishq HaMein Barbaad Na Kar,

Jee Chahta Hai Ek Dusre Ko
Yun Aath Peher HuM Karein,
Aankhon Mein Basaye Khwabon Ko,
Aur Dilko Khayal Abaad Karein,
Khilvat Mein Bhi Jo Jalvat Ka SaMaan,
Wahadat Ko Dui Se Shaad Karein,
Ye Aarzuyein Ijaad Na Kar,
Aye Ishq HaMein Barbaad Na Kar,

Wo Raaz Hai Ye GaM Aah Jise,
Paa Jaye Koi To Khair Nahi,
Aankhonse Jab Aansu Behte Hai,
Aa Jaye Koi To Khair Nahi,
ZaaliM Hai Ye Duniya Dilko
Yahan Bhaa Jaye Koi Khair Nahi,
Hai ZulM Magar Fariyaad Na Kar,
Aye Ishq HaMein Barbaad Na Kar,

Duniya Ka TaMasha Dekh Liya,
GaMgeen Si Hai Betaab Si Hai,
UMMid Yahan Ek WahaM Si Hai,
Taskeen Yahan Ek Khwaab Si Hai,
Duniya Mein Khushi Ka NaaM Nahi,
Duniya Mein Khushi Nayaab Si Hai,
Duniya Mein Khushi Ko Yaad Na Kar,
Aye Ishq HaMein Barbaad Na Kar...,

Khuch bharosa hi nahi laut ke ghar ane tak
Mujhko jana hai sanam khane se maikhane tak

Raath bhari hai bahoth hijr mujhe maar na de
Saqiya mujh ko pila hosh chale jaane tak

Bewa aurat ko jo dekha to ye mahesos howa
Raunaq-e-shaakh hai bus phool ke murjhane tak

Aye mere zabt tujhe mere osoolo.N ki kasam

Aankh ne chhalke meri unke chale jaane tak

Unpe marta hai “Qadeer”unko yaqeen kyun kar ho
Wo na maneN ge Magar unki kasam khane tak .,

Kaise Woh Lot Aye Ke Fursat Use Nahin
Duniya Samajh Rahi Hai Mohabbat Use Nahin

Lagta Hai Aa Chuki Hai Kami Us Ki Chah Main
Kafi Dinon Se Mujh Se Shikayet Use Nahin

Dil Ki Zameen Us Ki Hai Banjar Issi Liye
Jazbon Ki Barishon Ki Jo Aadat Use Nahin

Her Cheez Ikhtiar Main Rakhta Hai Woh Magar
Dil Se Rehai Pane Pe Qudrat Use Nahin,

Dil Mein Ab Dard-E-Mohabbat Ke Siwa Kuch Bhi Nahi
Zindagi Meri Ibaadat Ke Siwa Kuch Bhi Nahi

Main Teri Barah-E-Gah- E-Naaz Mein Kya Pesh Karun
Meri Jholi Mein Mohabbat Ke Siwa Kuch Bhi Nahi

Aye Khuda Mujhse Na Le Mere Gunahon Ka Hisaab
Mere Paas Khoon Bhare Ashqon Ke Siwa Kuch Bhi Nahi

Wo To Mit Kar Mujhko Mil Hi Gayi Raahat Warna
Zindagi Ranj-O-Musibat Ke Siwa Kuch Bhi Nahi,

Aaj Dulhan Ke Laal Jode Mein..
Use Uski Saheliyon Ney Sajaya Hoga..

Meri Jaan Ke Gore Haathon Par..
Sakhiyon Ney Mehndi Ko Lagaya Hoga..

Boht Gehra Chadega Mehndi Ka Rang..
Us Mehndi Main Usney Mera Naam Chupaya Hoga..

Reh Reh Ker Ro Padegi..
Jab Jab Usko Khayal Mera Aaya Hoga..

Khud Ko Dekhgi Jab Aaine Main..
To Aks Usko Mera Bhi Nazar Aaya Hoga..

Lag Rahi Hogi Balaa Si Sunder Woh..
Aaj Dekh Ker Usko Chaand Bhi Sharmaya Hoga..

Aaj Meri Jaan Ney..
Apne Maa Baap Ki Izzat Ko Bachaya Hoga..

Usney Beti Hone Ka..
Dosto Aaj Har Farz Nibhaya Hoga..

Majboor Hogi Woh Sabsey Zyada..
Sochta Hoon Kis Tarah Usney Khud Ko Samjhaya Hoga..

Apne Haathon Say Usney..
Mere Khaaton Ko Jalaya Hoga..

Khud Ko Mazboot Bana Ker Usney..
Apne Dil Say Meri Yaadon Ko Mitaya Hoga..

Bhooki Hogi Woh Jaanta Hoon Main..
Kuch Na Us Pagli Ney Mere Bageir Khaya Hoga..

Ro Ro Ke Bura Haal Ho Jaayega Uska..
Jab Waqt Usski Bidayi Ka Aaya Hoga..

Bade Pyaar Say Meri Jaan Ko..
Maa Baap Ney Doli Main Bithaya Hoga..

Ro Padegi Aatma Bhi..
Dil Bhi Cheekha or Chilaya Hoga…

Aaj Apney Maa Baap Ke Liye..
Usney Gala Apni Khushiyon Ka Dabaya Hoga..

Reh Na Paayegi Juda Hoker Mujhse..
Der Hai K Zehar Chupke Say Us ney Khaya Hoga…,