Search

Ishq junoon bhi hai sanjeedgi bhi hai

Yeh hawis bhi hai paqeezgi bhi hai

Shokhi bhi hai ishq-

Baanki adaaon peh lutnay ka naam bhi hai

Rooh-e-irtqa-e-dil-o-dimagh bhi-

Zindagi ko samjhnay ka naam bhi hai

Ishq masroofiat bhi fursat bhi hai

Ishq qurbat bhi aur furqat bhi hai

Ishq rifat bhi aur wusat bhi hai

Aur ishq kabhi faqt chahat bhi hai

Yeh masoomiyat bhi rukhshandgi bhi hai

Bosa hai to kabhi bandgi bhi hai

Zamin bhi hai aur aasman bhi hai

Magar ufaq ka ismay nishan bhi hai

Kabhi bistar ki salwaton sa-

To kabhi mandir ki moorton sa

Kabhi uryaanion ka shaida

To kabhi mere-o-mariam ki soorton sa

Ishq rog bhi magar mudawa bhi hai

Ishq parastish bhi magar daawa bhi hai



Rishton say sada juda hai ishq

Isliyay hi bana khuda hai ishq

Ishq ka apna Ghuroor , hussan ki apni anaa ..
Un sy aaya na gya hum sy bulaya na gya ..

Inkaar ki si lazzat, iqraar mai kahan hai?
Barhta hai ishq Mohsin un ki nahi nahi se!

Rooh tak nelaam hojati hai bazar-e-ishq mai
Itna asaan nahi hota kisi ko apna bana lena