Search

Kabhi yun jo ho kisi din agar
Kabhi tu mujhey sre-e-raah miley

Mein hazaar lamhon ko khainch kar
Yeh jo chalta waqt hai baandh doon

Yeh jo gardisheain hein zameen ki
Usi ik lamhey pe ruki rahain

Mein taka karoon tujhey jazb se
Yunhi pyar se yunhi ishq se
Teri her adaa ko samait loon

Mein hisaar-e-jaan mein sajaa rakhon
Na tu keh sakey , na mein keh sakon

Tu jo paas ho to mein jee sakon
Tu jo door ho na jiya karoon

Kabhi yun jo ho kisi din agar
Merey humsafar tu jo na miley
Mein hazaar dharkanon ko khainch kar
Ye jo chalta dil hai baandh doon

Ye jo silsiley hein meri saans ke
Teri doori mein hi haar doon

Tu jo paas ho to mein jee sakoon
Tu jo door ho , na jiya karoon

Kabhi yun jo ho kisi din agar
Merey hum safar tu jo na miley

Jab Sar -e- Shaam Us Nay Zulfon Ko Sanwara Ho Ga
Haath Main Kangan Aankh Main Kajal Awara Ho Ga

Us Kay Jooray Main Laga Wo Sufaid Gulaab
Raat Ko Sotay Main Kise Nay Tu Utara Ho Ga

Aalam -e- Tanhaii Main Shab Bhar Karwatain Lay Kar
Koii Tu Ho Ga Jisay Us Nay Puraka Ho Ga

Haye ! Wo Neend Main Doobi Hoi Makhmoor Aankhain
Jis Nay Dekha Wo Dil Wahi Pay Haara Ho Ga

Us Kay Be Taab Laraztay Hoe Honton Pay
Humay Yaqeen Hay Machalta Howa Naam Humara Ho Ga

Bohat Chup Chaap Say Rehtay Ho

Na Hanstay Ho, Na Sanwartay Ho

Na Koii Baat Kartay Ho

Bhari Mehfil Main Bhi Aksar

Humaysha Khoye Rehtay Ho

Udaasi Aankhon Main Lay Kar

Har Ak Chehray Ko Taktay Rehtay Ho

Koii Jab Yaad Aata Hay

Tu Thandi Aahain Bhartay Ho

Tu Khul Kar Kyun Nahi Kehtay

Kise Say Pyaar Kartay Ho

Kahin Dil Chorr Aaye Ho

Ager Meray Bass Main Ho

Tu !!!!!

Teri Nazron Say

Saray Jalway Chura Loon

Phir Khali Negahon Main

Apnay Aks Kay Rang Bhar Doon

Phir Jantay Ho Kia Hoga

Teray Dil Kay Har Aainay Main

Meri Tasweer

Ho Gi ! ! ! ! ! ! ! !

dasht o darya se guzrna ho k ghar me rehna
abb to har haal me he hamko safar me rehna

shehr e gham dekh teri aab o hawa khushk na ho
uski aadat hi samajh deeda e tarr mai rehna

faisley saarey usi k hen tumhari baabat
ikhtiar apna bus itna k khabar me rehna

koi khatir na madaraat na taqreeb e wisal
ham faqat chahte hain uski nazar me rehna

raat bhar chand mein dekha karoon uski soorat
subho koi or hi soda merey sar me rehna

wahi tanhai wahi dhoop wahi sannata
ghar me rehna bhi huwa raah guzar me rehna

tutna yoon to muqaddar he magar kuchh lamhey
phool ki tarha muyassar ho shajar me rehna

Aisa Ho Sakta Hai Na
K Mai Ney Jaan Liya Ho,
Tujhe Teri Zaat Ki geharie Tak,
Terey Mehel Sey Leker Teri Tanhai Tak,
Aisa Ho Saktaa Hai Na
K Mai Ney Bohat Karb Saha Ho,
Tairay Sitam Sey Leker Teri Masihai Tak,
Aur
Aesa Bhi Tou Ho Sakta Hai Na,
K Tujhey Koi Dukh Na Ho,
Marey Milney Sey Leker Meri Judai Tak,
Han Yaqeen Karo,
Aisa Ho Sakta Hai Shayed
K Umer Bher K Liye Kafi Ho
Yehi Dukh,
K Mai Ney Safar Kia
Apni Zaat Sey Lekar Teri Zaat Ki Rasayi Tak

Mumkin Ho Aap Say To Bhula Dijiye Mujhay
Pathar Pay Hon Lakeer, Mita Dijiye Mujhay


Har Roz Mujh Say Taaza Shikayat Hai Aap Ko
Mai Kia Hon, Aik Baar Bata Dijiye Mujhay


Merey Siwa Bhi Hai Koi Mozoo-E-Guftugu
Apna Bhi Koi Rang Dikha Dijiye Mujhay


Ki Mai Nay Apnay Zakham Ki Tashheer Jaa Baja
Mai Maanti Hon Jurm, Saza Dijiye Mujhay


Qaim To Ho Sakay Koi Rishta Gohar K Saath
Gehray Samandaron Mai Baha Dijiye Mujhay


Shab Bhar Kiran Kiran Ko Tarasnay Say Faida
Hai Tiragi To Aag Laga Dijiye Mujhay


Jaltey Dinon Mei Khud Pass-E-Deewar Baith Kar
Saaye Ki Justuju Mei Laga Dijiyey Mujhay


Yun To Shola-E-Jaan Sard Ho Chuka
Laikin Sulag Uthoun To Hawa Dijiye Mujhay

aina-e-kholous-o-wafa chuur ho gaye
jitne chiraaGh-e-noor the benoor ho gaye

maaloom ye hoa ke wo raste ka saath tha
manzil kareeb aayii to ham duur aa gaye

manzoor kab thii hamko watan se ye doriyaaN
haalaat ki jafaaoN se majbuur ho gaye

kuch aa gayii ham ahl-e-wafaa meiN bhi tamkanat
kuch wo bhii apne husn pe maGhrour ho gaye

charaghoun ki aisii inaayat hoi Hafeez
ke jo zakhm bhar chale the wo nasour ho gaye