Search

Phir Aaj Koi Ghazal Us k Naam Na Ho Jaye
Aaj Kahin Likhte Likhte Sham Na Ho Jaye

Kar Rahe Hain Intezar Us k Izhar-e-Mohabbat ka
Isi Intezar Mien Kahin umar tamam Na Ho Jaye

Nahi Laite Hain Uska Naam Sar-e-Aam Is Darr Se
Kahin Naam Uska Badnaam Na Ho Jaye

Mangtay Hain Dua Jab Wo Yaad Atay Hain
K Judai Mere Pyar Ka Anjam Na Ho Jaye

Sochte Hain Aksar Darte Hain Tanhai Mien
Uske Dil Mai Kisi Aur Ka Mukam Na Ho Jaye

• Tujhey Ishq Ho Khuda Karay .....
Koe Tujh Ko Uss Sey Juda Karay....

Tere Hont Hansna Bhool Jaayen...
Teri Ankh Purnam Raha Karay....

To Uss Ki Batain Kya Karay....
To Uss Ki Batain Suna Karay....

Ussay Dekh Kar To Ruk Paday....
Woh Nazar Jhuka Kar Chala Karay...

Tujhey Hijjar Ki Woh Jharri Lagay....
To Milan Ki Her Pall Dua Karay....

Tere Khuwab Bikhrain Tot Kar ....
To Kirche Kirche Chunna Karay....

To Nagar Nagar Phira Karay....
To Galli Galli Sada Karay.....

Tujhey Ishq Ho Phir Yakeen Hoo....
Ussay Tasbihoon Per Parha Karay....

Main Kahoon "Ishq Dhong" Hai....
To Nahin Nahin Kaha Karay.....!

Na Tujhe Chhor Saktey Hain Tere Ho Bhi Nahi Saktey
Yeh Kaisi Bebasi Hai Aaj Hum Roo Bhi Nahi Saktey

Yeh Kaisa Dard Hai Pal Pal Hamen Tarpaye Rakhta Hai
Tumhari Yaad Aati Hai Tou Phir Soo Bhi Nahi Saktey

Chupa Saktey Hain Aur Na Dikha Saktey Hain Logun Ko
Kuch Aise Dagh Hain Dil Par Jo Hum Dho Bhi Nahi Saktey

Kaha Tou Tha Chhor Denge Yeh Nagar Phir Ruk Gaye Lekin
Tumhe Paa Tou Nahi Saktey Magar Kho Bhi Nahi Sakte

Hamara Ek Hona Bhi Nahi Mumkin Raha Ab Tou
Jeeyein Kaise Kh Tum Sey Door Reh Bhi Nahi Saktey

Taskeen Na Ho Jis Se Woh Raaz Badal Dalo
Jo Raaz Na Rakh Paye Hamraaz Badal Dalo

Tum Ne Bhi Suni Ho Gi Bari Aam Kahawat Hai
Anjaam Ka Ho Khatra Aaghaz Badal Dalo

Pur Soz Dilo Ko Jo, Muskan Na De Paye
Sur Hi Na Mile Jis Se Woh Saaz Badal Dalo

Dushman Ke Irado Ko Hai Zahir Agar Karna Ho
Tum Khel Wohi Khelo Andaaz Badal Dalo

Ay Dost Karo Himmat Kuch Door Sawera Hai
Gar Chahte Ho Manzil To Parwaz Badal Dalo

Ho Ghazal Or Dil Aashiqana Ho,
Dil Sambhlne Ka Kuch Bahana Ho,

Or Kiya Chahiye Zamaney Ko,
Kehney Sunney Ko Ik Fasana Ho,

Zindagi Nazar Karna Parti Hai,
Ik Lamha Agar Churana Ho,

Ham Jo Kehtey Hain Kar Guzrte Hain,
Soch Lena Agar Aazmana Ho,

Dushmani Bhi Hamain Gawara Hai,
Shart Yeh Hai Ke Mukhlisana Ho...

Jo Khushi Tumharay Kareeb Ho
Wo Sada Tumhain Naseeb Ho

Tujhe Wo Khulos Milay Ke Jo
Teri Zindagi Pe Muheet Ho

Jo Mayaar Tujhko Pasand Ho
Jo Tumhare Dil Ki Umang Ho

Teri Zindagi Jo Talab Kare
Teray Hamsafar Ka Wo Rang Ho

Jo Khayaal Dil Main Aseer Ho
Or Dua Main Bhi Taseer Ho

Teray Haath Uthtay Hi Khuda Karay
Teray Saamne Tabeer Ho

Tujhe Wo Jahan Milay Jidhar
Ghamon Ka Koi Guzar Na Ho

Jidhar Rooshni Ho Khuloos Ki
Or Nafratoon Ko Khabar Na Ho.

Jane Kaise Subha Se Shaam Ho Gayi,
Ye Zindgi Bas Yu Hi Tammam Ho Gayi.

Karte Rahe Hum Kosish Manzil Ko Pane Ki,
Har Kosish Magar Aaj To Nakam Ho Gayi.

Dil Ke Kisi Kone Me Chupaya Tha Aapko,
Phir Ulfat Meri Kaise Badnam Ho Gayi.

Jis Khushi Ke Liye Uthaya Tha Har Ek Gam,
Wo Khushi Kisi Aur Ki Mehmaan Ho Gayi.

Acha Hua Ye Gam Mere Kareeb Aa Gaya,
Apne Paraye Ki To Hume Pechan Ho Gayi.

Ek Waqt Tha Hum Saath The Din Raat Ke Liye,
Kyu Duriya Ab Apne Darmiyan Ho Gayi.

Ye Zindgi Bas Yu Hi Tamaam Ho Gayi,
Mera Wajood, Hasti Meri Benam Ho gai,
Jane Kaise Subha Se Shaam Ho Gayi.