Search

Hamaray Shehar Aa Jao Sada Barsaat Rehti Hai.....

Kabhi Badal Barastay Hain Kabhi Aankhien Barasti Hain....!!!!

Aankh barsi hai tere naam par saawan ki tarah
Jism sulga hai teri yaad mein eendhan ki tarah
Loriyan di hain kisi qurb ki khwahish ne mujhe
Kuch jawani ke bhi din guzre hain bachpan ki tarah
Is bulandi se mujhe tune nawaza kyun tha
Gir ke main toot gaya kaanch ke bartan ki tarah
Mujh se milte hue y baat to sochi hoti
main tere dil mein sama jaoonga dhadkan ki tarah
Muntazir hai kisi makhsoos si aahat ke liye
Zindagi baithi hai dahleez par birhan ki tarah.

Rastey Main Ik Shajar Hai Zameen Par Para Hua.
Sayaa Magar Hai Apni Anaa Par Arra Hua..
Deeda-Waron Ne Uss ko Banaya Ameer-e-Shaher.
Tha Jis Ki Chashm-e-Kour Main Pathar Jurra Hua..
Kis Kis Se Ta''aziat ka Fareza Adaa karun.
Har Aadmi Ke Sar Pe Hai qatbaa Garrha Hua.
Torre Ga Kon Waqt Ke Zalim Jamoud ko.
Ahle Hunar Ke Lab Pe Hai Taala Para Hua..
Qaatil Bhi Yaar The Mere Maqtool Bhi Aziz.
"Wasif" Main Apne Aap Main Naadim Bara hua.