Search

Jo na hoa kabhi woh ik raat ho gaya
Chand ko suraj se piyar ho gaya


Chand nikla talash may or kho gaya
Chand k jatay hi asman udaas ho gaya

Suraj to jalta hi raha intezar me or aag ho gaya
Suraj ki khataa se chand k liye andhera ho gaya

Chand nay ki bewafai or taroun k sath ho gaya
Sila mila kuch es tarha dono ko

Kartay rahy be rukhi humesha k liye
Aik ban gaya din or dosar raat ho gaya...!

Faaslay simat gaye Dua sey kaam chal gaya
Ashk phir nikal parray, phir azab tull gaya

Kisey yakeen aaye ga, kis sey jaa k yeh kahoon
Ik bujhey chiraagh sey mera haath jal gaya

Abhi to meri aankh mein, neend bhi hai khawab bhi
Sochta hun phir kabhi tu agar Badal gaya

Ik udas raah sey, Nadi k zard pairr sey
Tera poochta raha, or chaand Dhal gaya

Tujhey bhi aik shakhs k faraib raas aa gaye
kisi ki jhooti batton sey mein bhi kuch behal gaya...!

Yeh Dil Yeh Pagal Dil Mera kion bujh gaya awargi
Is dasht mein ik shehar tha wo kia huwa awargi

Kal shab mujhe Be shakal see awaz ne chonka diya
Mein ne kaha tu kon hai us ne kaha awargi

ik tu ke sadiyoon se mere humrah bhi humraaz bhi
Ik mein ke tere naam se na Ashna Awargi

Yeah durd ki tanhaiyan yeah dasht ka weeran safar
Hum log to ukta gay apni suna awargi

Ik ajnabi jhonkay ne jab poocha mere ghum ka sabab
Sehra ki tapti rait per mein ne likha awargi

Kal raat tanha chaand ko dekha tha mein ne Khawab mein
Mohsin Mujhe raas aye gi shayad sada awargi...!

kitnay wo itmenaan se thukra gaya mujhay
aansoo bana ke aankh se tapka gaya mujhay

kaise ye rehbari thi ye kaisa fareb tha
munzil dikha ke raah se bhatka gaya mujhay

khamosh nigahon se kahani suna gaya
lafzon ke hair phair mein atka gaya mujhay

mujhko bhi bachpanay ka ek mazaq samajh kar
chhoti si ek hansi mein hee ura gaya mujhay

do din mein us kay dil se muhabbat utar gayee
aur do hi din mein yaad se mitaa gaya mujhay...!

Us ne kaha ke ishq ka nasha uter gaya
main ne kaha ke husun bhee tum sey muker gaya

us ne kaha ke tujh ko dilani hain choriyan
main ne kaha ke ab wo zamana guzar gaya

us ne kaha ke kia hoa kajal kee dhaar see
main ne kaha ke ankh sey durya guzar gaya

us ne kaha ke ye tere chiryoun sey dostee
main ne kaha keh dil mera duniya sey bhur gaya

us ne kaha ke kia mila sub sey bigaar ke
main ne kaha ke waqt tu acha guzar gaya

us ne kaha ke khawab main anay ka waqt do
main ne kaha ke neend ka mausam guzar gaya

us ne kaha ke woh teray soraj ka kia bunna
main ne kaha ke woh meray dil main uter gaya

us ne kaha ke woh nahein dey ga tumhara sath
main ne kaha ke woh chalo wada tu ker gaya

akhir ko tung aa key kahee us ne itnee baat
woh tum kahan gayen wo zamana kidher gaya

Kabhi safar to kabi sham lay gaya muj say
tumhara dard kai kaam lay gaya muj say

mujey khabar na ho aur zamana jatay hoa
nazar bachaa kay tera naam lay gaya muj say

usay ziada zaroorat thi ghar basanay ki
wo aa k mere dar o baam lay gaya muj say

bhala kahan koi juz us kay milnay wala tha
bus ek jurat-e- nakaam lay gaya muj say

bus ek lamhay kay such jhot kay aiwz Farhat
tamam umar ka ilzaam lay gaya muj say

Ab to Aa ja Guzar gaya hun main
Log kehtay hain mar gya hun main

Tum se Milta tha Sirf Ujra hua
Dekh kitna sanwar gaya hun main

Khaar Chuntay umar Tamaam hui
Aaj pholon se bhar gaya hun main

Tu to aa k Wada wafa kar ja
Apne wade se phir gya hun mai

Ghum-e-hayat, Qissa-e-Shikast-e-hasti
Qaid shairon mein Kar gaya hun main

Muthiyaan khaak se bharay Dunia
Lehad mein utar gaya hun main


Ab To Aa Ja Guzar Gaya Hun Main ....

kitnay wo itmenaan se thukra gaya mujhay
aansoo bana ke aankh se tapka gaya mujhay

kaisee ye rehbari thi ye kaisa fareb tha
manzil dikha ke raah se bhatka gaya mujhay

khamosh nigahon se kahani suna gaya
lafzon ke hair phair mein atka gaya mujhay

mujhko bhi bachpanay ka ek mazaq samajh kar
chhoti si ek hansi mein hee ura gaya mujhay

do din mein us kay dil se muhabbat utar gayee
aur do hi din mein yaad se mitaa gaya mujhay