Search

Din guzar gaya aitbaar mein
Raat kat gayi intezaar mein

Woh maza kahan vasl e yaar mein
Lutf jo mila intezaar mein

Un ki ik nazar kaam ker gayi
Hosh ab kahan hoshyaar mein

Mere qabze mein kainaat hay
Main hon aap k ikhtayaar mein

Aankh tou uthi un ki taraf
Dil ulajh gaya husn e khaar mein

Tujh se kia kahain kitne ghum sahe
Hum ne bewafa tere payaar mein

Fikar e ashiyaan har khazaon ki
Aashiyan jala per bahaar mein

Kis terha yeh ghum bhol jayen hum
Woh juda hua is bahaar mein,

Kahin chaand rahon mei kho gaya, kahin chandni b bhatak gai
Mei charagh woh b bujha hua, meri raat kaise chamak gai

Meri dastaan ka urooj tha, teri narm palkon ki chhaon mei
Mere sath tha tujhe jaagna, teri aankh kaise jhapak gai

Kabhi hum mile to b kya mile, wohi dooriyan wohi faaslay
Na kabhi humare qadam barhay, na kabhi tumhari jhijhak gai

Tujhe bhool jane ki koshishein, kabhi qaamyab na ho sakein
Teri yaad Shaakh-e-Gulaab hai, jo hawa chali to lachak gai....... ,

Kis Darja Haseen Tha Mere Mahool ka Gham Bhi..!!
Main Bhool Gaya Aap ka Andaaz-e-Sitam Bhi....!!

Ek Lamha Toa Dum Leney Dhe Aaghoosh-e-Sukoon Main..!
Aae Gardish-e-Haalat Kisi Moorr per Thamm Bhi….!!

Palkoon peh Sajaye Howey Zakhmoon k Nagenay...!!
Guzrain Gey Kisi Rooz Tere Sheher Sey Hum Bhi…….!!

Kyun Dard ki Qandeel Jalaye koi Dil Main……..?
Halaat ki Talkhi Toa Ziada Bhi... Hai kam Bhi……!!

Manzar Toa Zara Dekhe'ye Ruswayi-e-Fan ka…..!!
Bikney Lagey BaZaar Main Arbab-e-Qalam Bhi……!!

Kuch Dair Toa Phoota Hai Lahoo Meri Jabeen Sey..!!
Kuch Dair Toa Chamkey Gaa Tera Sang-e-Haram Bhi………!!

Ek Umar Jisey Zehen Ney Pooja Hai Beher Toar….!!
Mohsin Wo Sitam-kush Khuda Bhi Hai Sanam Bhi…!!,

Ye Naam Mumkin Nahi Rahy Ga, Maqam Mumkin Nahi Rahy Ga,
Ghuroor Lehjy Mein Aa Gaya To Kalam Mumkin Nahi Rahy Ga..

Ye Barf Mosam Jo Shehar-E-Jaan Mein Kuch Aur Lamhy Thehr Gaya To..
Lahu Ka Dil Ki Kisi Gali Mein Qayam Mumkin Nahi Rahy Ga..

Wafa Ka Kaghaz To Bheeg Jaye Ga Badgumani Ki Barishon Mein,
Khaton Ki Baaten To Khawab Hon Gi Payam Mumkin Nahi Rahy Ga.

Main Janti Hun Mujhy Yaqeen Hai Agr Kabhi Tu Mujhy Bhula De,
To Teri Ankhon Mein Roshni Ka Qayam Mumkin Nahi Rahy Ga.

Ye Hum Mohabbat Mein La'taaluq Se Ho Rahy Hain To Dekh Lena,,
Duaen To Khair Kon De Ga Salam Mumkin Nahi Rahy Ga..
,

iss darja ishq mojab ruswai ban gaya
mein aap apnay ghar ka tamashayi ban gaya
dair o haram ki raah say bach gaya magar
teri gali kay more peh sodai ban gaya
bazm wafa mein aap say ik pal ka saamna
yaad aa gaya tou ehad shanasaai ban gaya
bay sakhta bikher gayi jloon ki kainaat
ainaa toot kar tari angrai ban gaya
dekhi jo raqs karti hui mouj zindagi
mera khayaal waqt ki shehnai ban gaya

iss darja ishq mojab ruswai ban gaya
mein aap apnay ghar ka tamashayi ban gaya
dair o haram ki raah say bach gaya magar
teri gali kay more peh sodai ban gaya
bazm wafa mein aap say ik pal ka saamna
yaad aa gaya tou ehad shanasaai ban gaya
bay sakhta bikher gayi jloon ki kainaat
ainaa toot kar tari angrai ban gaya
dekhi jo raqs karti hui mouj zindagi
mera khayaal waqt ki shehnai ban gaya

Saqi Ki Har Nigah Pay Bal Kha K Pee Gaya
Lehroon Say Khailta Hua Lehra K Pee Gaya

Ey Rehmat-E-Tamaam Meri Har Khata Muaf
Mein Intiha-E-Shouq Mein Ghabra K Pee Gaya

Peeta Baghair Izn Yeh Kab Thi Meri Majaal
Dar Pardah Chashm-E-Yaar Ki Sheh Pa K Pee Gaya

Samjhanay Walay sub Mujhe Samjha K Reh gaye
Lakin May Aik Aik Ko Samjha Ke Pee Gaya

Udas Hogaya Safar
Khili Hoi Kali Bhi Ro Pari Lab-E-Hisar-E-Gham
Fishar-E-Gham Bata Gaya
Khayal Kham Zindagi
Ye Subha Subha Mout Si
Ye Sham Sham Zindagi
Ye Bam Bam Zindagi
Khud Aagahi Ka Shouq Bhi Hai
Dhiyaan Main Racha Hua
Tou Bayhisii Ka Ranj Bhi
Naseeb Main Basa Hua
Ye Baybasi Ye Baybasi
Ye Ashq Ashq Maykashi
Thathak Thathak Gaya Sama
Khamoshiyan Khamoshiyan
Kisi K Rukh Per Ak Pall Bhi Tiktiki
Na Jum Saki
Baras Gai Jo Chashm-E-Dill
Tou Dill Say Bhi Na Tham Saki
Shab-E-Panah Aaah Main Na Jaany Kab
Badal Gai
Subuk Subuk Sadaye Dill
Chanan Chanan Radaye Dill
Hawa Hawa Khayal Sab
Juda Juda Malal Sab
Khuda Khuda Sawal Sab
Kabhi Tou Shah Zindagi Kabhi Ghulam Zindagi
Ye Subha Subha Mout Si
Ye Shaam Shaam Zindagi
Ye Shaam Shaam Zindagi………..!!

Lehja Har Aik Lafz Ko Sachai De Gaya
Yani Qalam Ko Quwat-E-Goyai De Gaya

Bakhsha Hy Thokron Ne Sambhlne Ka Hosila
Har Hadsa Khayal Ko Gehrai De Gaya

Jis K Hawaley Se Thi Mere Fun Ki Aabro
Wo Umr Bhar K Wastey Ruswai De Gaya

Itni Hy Sirf Meri Mohabbat Ki Daasta'n
Ik Shakhs Tha Jo Zakhm-E-Shanasai De Gaya

Ab Khuwab Me B Bus Wahi Chehra Dikhai De
Uska Khayal Zehn Ko Beenaai De Gaya

Arif Me Doston Se Shikayat Hi Kya Karoon
Mujhko Fareb Mera Sagha Bhai De Gaya