Search

ANkhoN ka rang baat ka lahja badal gaya
vo shaKhs ek shaam meN kitna badal gaya

kuch din to mera aks raha aine pe naqsh
phir yuN hua ke Khud mera chehra badal gaya

jab apne apne haal pe ham tum na reh sake
to kyaa hua jo hamse zamana badal gaya

qadmoN tale jo ret bichi thi vo chal padi
us ne churaya hath to sehra badal gaya

koi bhi chiiz apni jagah par nahiN rahii
jate hi ek shakhs k kya kya badal gaya

ek sar khushi ki mauj ne kaisa kiya kamal
vo be-niyaaz sare ka sara badal gaya

uth kar chala gayaa koi waqfay ke darmiyaaN
parda utha to sara tamaasha badal gaya

hairat se saare lafz usay daikhte rahe
baatoN meN apni baat ko kaisa badal gaya

kahne ko ek sehan meN divar hi bani
ghar ki fiza makaaN ka naqsha badal gaya

shaayed wafa ke khel se ukta gaya tha wo
manzil ke paas a ke jo rastaa badal gaya

qayam kisi bhi haal pe duniya nahi rahi
taabir kho gayi kabhi sapna badal gaya

manzar ka rang asl meN saya tha rang ka
jis ne usay jidhar se bhi daikha badal gaya

andar ke mausamoN ki Khabar us ko ho gayii
us no-bahar-e-naaz ka chehra badal gaya

aaNkhoN meN jitne ashq the jugnuu se ban gaye
vo muskuraya aur meri duniya badal gaya

apni gali meN apna hi ghar dhundhte haiN log
Amjad ye kaun shahr ka naqsha badal gaya

Har Ek Harf-E-Aarzu Ko Dastan Kiye Hue
Zamana Ho Gaya Hai Un Ko Mehmaan Kiye Hue

Surur-E-Aish Talkhi-E-Hayat Ne Bhula Diya
Dil-E-Hazin Hai Bekasi Ko Hijr-E-Jan Kiye Hue

Kali Kali Ko Gulistan Kiye Hue Vo Ayenge
Vo Ayenge Kali Kali Ko Gulistan Kiye Hue

Sukun-E-Dil Ki Rahaton Ko Un Se Mang Loon
Sukun-E-Dil Ki Rahaton Ko Bekaran Kiye Hue

Vo Ayenge To Ayenge Junun-E-Shauq Ubhaarne
Vo Jayenge To Jayenge Tabahiyan Kiye Hue

Main Un Ki Bhi Nigah Se Chhupa Ke Un Ko Dekh Loon
K Un Se Bhi Hai Aj Rashk Bad-Guman Kiye Hue

Ye Dard Mit Gaya To Phir?
Ye Zakham Sill Gaya To Phir?
Bichar K Sochti Hoon Mai..
Wo phir Se Mil Gaya To Phir?
Usay Bhi Kuch nahi Mila..
Mujhe Bhi Kuch Nahi Mila..
Tamam Umer K Liye..
Ye Dard Mil Gya To Phir?
Mai IS Liye To Aj TAk..
Sawal Bhi Na Kar Saki..
Agar Mere Sawal Ka..
Jawab Mil Gya To Phir?
Mai Titlion k sheher Mai..
Jaoon To Mujh Ko Khauf Hai..
Wo Phool Jo khila Nahi..
Wo Phool Khil Gaya TO Phir?
Ye Sach hai Laut Kar Phir..
Mere hi Dil Mai AAo ge..
Magar Ye Soch Lo Zara..
Badal YE DIL Gaya To Phir????

Be-Aitbar Shakhs Tha So War Ker Gaya..
Lakin Mery Shaoor Ko, Bedaar Kr Gaya..

Kch Main Nay Ishtiaal Main Shikway Gilay Kiay..
Kch Wo Shikaayatain, Sar'e'bazaar Ker Gaya...

Pahlay Wo Meri Zaat Ki Tameer Main Raha..
Phir Mujh Ko Apnay Hath Say Masmaar Ker Gaya..

Wo Aa Mila To Faslay Kat'tay Chalay Gaiy...
Bichra Tou Rastay Mery Dushwar Ker Gaya,.

Jo Ranjishein Thiin Jo Dil Mein Gubaar Tha Na Gaya
K Ab Ki Baar Gale Mil K Bhi Gila Na Gaya

Ab Us K Wada-E-Fardaan Ko Bhi Taraste Hain
Kal Uski Baat Pe Kyun Aitbaar Kia Na Gaya

Ab Us K Hijr Mein Royain Na Wasl Main Khush Hon
Wo Dost Ho Bhi To Samjho K Dostaana Gaya

Nigaah-E-Yaar Ka Kya Hai Huii Huii Na Huii
Ye Dil Ka Dard Hai Pyaare Gaya Gaya Na Gaya

Sabhi Ko Jaan Thii Pyaari Sabhii The Lab Basta
Bas Ik Faraz Tha, Zaalim Se Chup Raha Na Gaya

mahshar mein paas kiyon dam -e- faryaad aa gaya
reham iss nay cab kya tha keh ab yaad aa gaya

uljha hai paon yaar ka Zulf -e- daraaz mein
lo aap apnae daam mein sayyad aa gaya

nakamiyoo mein tum nay jo Tashbih mujh say di
sheeren ko dard farhaad aa gaya

dil ko qlq hai tark muhabbat kay baad bhi
ab aasmaa ko Shewa -e- beddad aa gaya

jab ho chuka yqin keh nahi Taqat -e- wisaal
dam mein hamaray woh sitam ijaad aa gaya

ذکرِ sharaab o hoor kalaam khuda mein daikh
momin mein kya kahon mujahe kya yaad aa gaya