iJunoon Archives

khushhal say tum bhi lagtay ho, yon afsurda to ham bhi nahin
par janenay walay jantay hain , khush ham bhi nahin khush tum bhi nahin

tum apni khudi kay pehray main, or dam-e-ghoror main jakray hoaye
ham apnay zaam kay narghay main , ana hath hamaray pakray hoaye

ik muddat say ghaltan paychan, tum rabt-o-guraiz kay dharon main
ham apnay aap say uljhay hoaye, pachtaway kay angaron main

mahsor-e-talatum aaj bhi ho, go tum nay kinaray dhoond liaye
tofan say sanbhlay ham bhi nahin, kahnay ko saharay dhoond liaye

khamosh say tum ham mohar ba-lab, jug beet gaye tuk baat kiye
suno khail adhora chortay hain, bina chal chalay bina maat kiye

jo bhagtay bhagtay thak jain, wo saaye ruk bhi saktay hain
chalo torro qasam iqrar karain, ham donon jhuk bhi saktay hain..

aik larka apni behan kay saath jaa raha hootaa hay, uss koo larkay chairtay hain "" kyun bhai apni mashooq kay saath jaa rahay hoo"", larkay nay ghusay say jawab dia "" mashooq hoo gee tumhari, meri too behan hay"".

Khulay panion main ghiree larkian
Naram lehroon ke chentay urati hoin
Bat be bat hansti hoin
Apnay khuabon k shehzaday ka tazkara karti hoin..
Jo khamosh thin un ki ankhon main bhe
muskurahat ki thehar thi
Humari hansi aur mojon ke ahang se bekhabar
door sahil per baithy hoe ik nanhi si bachi
Rait se ik nanha gharonda bananay main masroof
aur main sochti thi
Ya KHUDA yeh hum larkian
Kachi umer se khuab kion daikhna chahti hain?