Love

Aaina Hoon Main Mere Saamne Aakar Dekho
Khud Nazar Aao ge Jo Aankh Mila Ker Dekho

Mere Gham Mai Meri Takdeer Nazar Aati Hai
Dugmagaao ge Mera Dard Utha Ker Dekho

Youn Tou Aasaan Nazar Aata Hai Manzil Ka Safar
Kitna Mushquil Hai Meri Raah Se Jaaker Dekho

Bazam Ka Meri Charagaan Hai Nazar Ka Dhoka
Kin Andheroon Mai Bhatakta Hoon Main Aaker Dekho

Dil Tumhara Hai Main Ye Jaan Bhi De doon Tum Per
Bas Mera Saath Zara Dil Se Nibha Ker Dekho

Mout Barhaq Hai Mager Tum Se Waada Hai Mera
Laut Aaounga Tum Ikbaar Bula Ker Dekho

Chale thandhi hawa thum thum

Aise tujhe chahoon phool ko jaise shabnam

Main ne apna banaya tuj ko

Daga dena na saiyaan muj ko

Mere sene main tere hi liye

Jalte hain wafaoon k deye

Rakhna hay tuj ko

Meri wafaoon ka bharam

Tujhe chahoon gi main har dam

Le le siyaan muj se

Piyar nibhane ki kasam

Asi khai hain tu ne kasmeen

Raha dil bhi na mere bas main

Tere dil ki kahani ban ke

Main to ayi houn rani ban ke

Tere sang nache meri jawani chham chham

Hoon ge ab na juda kabhi ham

Zindagi muskarati hay jahan

Mujhye le chal ura k tu wahan

Ane wali hay woh bhi manzel

Jahan nache ga tera mera dil

Piche na hatana aage barhaya jo qadam

Meri chahat na ho gi kam

Aise tujhe chahon

Phool ko jaise shabnam, ,

teri yaadion ki mehak saath liye aksar hum
dour khawabon kay jazeery mein utar jatay hain
" kiyon keh hum tum " !
sirf khawabon he mein mil saktay hain
mein nay socha hai keh
iss baar tumahray hamrah iss jagah utroon gi
aur woh baat jo mein keh nahi payi tum say
samnay tum ko baitha kar bari himmat kar kay
tum say keh duun gi
tum say keh duun gi keh tum sirf mairay ho
tum jo chaho
mairay yak tarfa muhabbat ko sahara day dou
zindagi you juta tou bohat kam hai muhabbat kay liye
jitna bhi pyar day sako sara day dou
apni duniya tou sada pyar say khaali he rahi
tum meri doobti kashti ko sahara day dou
kuch tou boulo
kuch tou boulo meri jaan
mujahe dar hai keh sehar hotay he
tum chalay jao gay
aur hum phir say
apni duniya mein lout aieen gayien
yeh he yaden yeh he baten tou asasa hain mera
bas yeh he chand khayalat liye
teri yaadion ki mehak saath liye
aksar hum
dour khawabon kay jazeery mein utar jatay hain

barsoo kay baad dekha ik shakhs dilruba sa
ab zehan mein nahi hai par naam tha bhula sa

abrow khche khche say ankhain jhuki jhuki si
baten ruki ruki si , lehja thaka thaka sa

alfaaz thay keh jugno , aawaz kay safar mein
ban jaye jungalon mein jis tarah rasta sa

khawabon mein khawab iss kay yaadion mein yaad iss ki
neendon mein ghul gaya ho jaisay keh ratjaga sa

pehlay bhi log aaye kitney he zindagi mein
woh har tarah say lekin auron say tha juda sa

agli mohabbaton nay woh na muradiyan dein
taaza rafaaqaton say dil tha dara dara sa

kuch yeh keh muddaton say hum bhi nahi thay roye
kuch zeher mein bhuja tha ahbaab ka dilaasa

phir yun howa kay sawan aankhon mein aa basey thay
phir yun howa keh jaisay dil bhi tha aabla sa

ab sach kahin tou yaroo hum ko khabar nahi thi
ban jaye ga qiyamat ik waqea zara sa

tevare thay bay rukhi kay andaaz dosti
kay woh ajnabi tha lekin lagat tha aashna

sa hum dasht thay keh darya hum zeher thay keh amrat
na-haq tha zeam hum ko jab woh nahi tha piyasa

hum nay bhi uss ko dekha kal shaam itafaqan
apna bhi haal hai ab logon faraz ka sa

Bus Itni Mohabbat Kaafi Hai

Tum Hans K Milo Pholon Ki Tarha

Din Rat Katein Khawabon Ki Tarha

Aawara Hawa Lehra K Chalay

Lehra K Chalay Jub Sham Dhalay

Ek Pehar Dhalay Tum Hans K Milo

Bus Etni Mohabat Kaafi Hai

Tum Sath Raho Sanson Mein Raho

Tum Pas Raho Banhon Mein Raho

Tum Dil Mein Raho Dharrkan Ki Tarha

Bus Etni Mohabat Kaafi Hai... .

Zindagi Main Hay Dhoka Is Kay Siwa Kuch Nahin
Tamashai Hay Yeh Duniya Is Kay Siwa Kuch Nahin

Meri Zindagi Say Pochiye Zindagi Kya Hay
Zindagi Hay Aik Khwaab Is Kay Siwa Kuch Nahin

Mujh Say Jo Log Bhi Milay Hain Khush Ho Kr
Inkay Dilon Main Nafrat Kay Siwa Kuch Nahin

Waday Tu Krtay Hain Magar Jaantay Nahin Wafa Karna
Bewafai Hay Duniya Main Is Kay Siwa Kuch Nahin

Pal Main Jisay Chaha Usay Pal Main Bhula Diya
Yeh Reet Hay Duniya K Is Kay Siwa Kuch Nahin

Mujhay Is Aas Pay Jeenay Ka Saliqa Nahi Aata
Koi Mera Hay To Phir Muj Main Simat Q Nahi Jata

Dil E Nadan Ki Tasalli Ko To Hain Afsanay Bohat
Lekin Ye Dil Chupkay Say Sambhal Q Nahi Jata

Hazaron Logon Nay Jhanka Meray Dil K Jahan Main
Janay Us K Siwa Yeh Nagar Bas Q Nahi Pata

Subh O Sham Ankhon Main Basa Rakhi Hy Soorat Uski
Mein Us K Dil Main Bas Jaon Yeh Hunar Q Nahi Aata

Doob Rahi Hain Saansein Magar Ye Gumaan Baaqi Hai
Aaney Ka Kisi Shakhs Ke Abhi Imkaan Baaqi Hai

Mudat Hui Ek Shakhs Ko Bichrey Lekin
Aaj Tak Maire Dil Pe Ek Nishaan Baaqi Hai

Woh Sayibaan Chin Gaya To Koi Gham Nahin
Abhi To Maire Sar Pe Ye Aasmaan Baaqi Hai

Kashti Zara Kinarey Ke Kareeb Hi Rakhna
Biphri Hui Lehron Mein Abhi Toofaan Baaqi Hai

Ghamon Say Keh Do Ke Abhi Na Rakht-e-Safar Baandhein
Ke Abhi To Maire Jism Mein Kuch Aur Jaan Baaqi Hai

Jaa Chuke Hain Sab Log Khamosh Pari Hai Basti
Magar Kisi Aas Pe Ek Makeen-e-Makaan Baaqi Hai.

Yeh Tasweerain Hain
Khat Hain
Orr Kuch Purzay Hain
Jin Par Tum Mujhay Paighaam Likhti Theen
Inhain Mehfooz Kar Lo
Haan Mager Afsoos
Telephone Par Jo Guftagu
Tum Mujh Se Karti Theen
Unhain Mai Tum Ko Wapis Nahi Kar saqta
Jo Meri Dustarus Mai Tha
Tumharay Samnay Hai Sub
Jo Baqi Hai
Sadda Hai Abb.................!!!!