Poetry / Sad

Muzammil Shahzad

Apne Usool Yun Bhi Kabhi Tornay Parray

Apne usool yun bhi kabhi tornay parray
Uski khata thi hath mujhe jornay parray

Aya na jab qarar dil-e-beqarar ko
Yaadon k rukh tumhari taraf mornay parray

Usko to meri yaad bhi aai na aik din
Apne paraye jis ke liye chornay parray

Mohsin wo shakhs khud bara be usool tha
Apny usool jis k liye hum tornay chalay

· 1 Like · 1 Hours Ago
Category: sad
 
Poetry / Sad

Muzammil Shahzad

Jab Pyaar Nahi Tha Tou Bhulaa Kyun Nahin Detey

Jab pyaar nahi tha tou bhulaa kyun nahin detey
Khat kiss liye rakhey hain jalaa kyun nahin detey


Kiss vastey likhaa hai hatheli pay meraa naam
Main harf e galat hun tou mitaa kyun nahin detey


Lillah shabb - o - roz kee uljhan say nikalo
Tum merey nahin ho tou bataa kyun nahin detey


Reh reh kay na tadpao bedard maseeha
Hathon say mujhay zehar pilaa kyon nahin detey


Jab meri wafaon pay yakeen tum ko nahin hai
Hasrat ko nighahon say giraa kyun nahin detey

· 1 Like · 8 Hours Ago
Category: sad
 
Poetry / Sad

Muzammil Shahzad

Sochon Pe Gham Ki Shaal Ha, Tum Kion Chalay Gaye

Sochon pe gham ki shaal ha, tum kion chalay gaye ?
Her simt aik jaal hai, tum kion chalay gaye ?

Sab pochtay hein tark-e-marasim k waqiyat !
Kis ko mera khyal hai ? tum kion chalay gaye ?

Taza tamaam zakhm baharon ne ker diye !
Her phool ka sawal hai, tum kion chalay gaye ?

Hasna to khair apna muqadar na tha kabhi !
Rona bhi ab mohal hai, tum kion chalay gaye ?

Tum ne to jatay jatay mulakaat tak na ki !
Ab tak yehi malaal hai, tum kion chalay gaye ?

Is hijar ne to chean liye hein apny hawaas !
Paglon sa apna haal hai, tum kion chalay gaye ?

Wasiq main kis tarha se uthaon dukhoon k bojh ?
Sara badan nidhaal hai, tum kion chalay gaye ?

· 1 Like · 1 Days Ago
Category: sad
 
Poetry / Sad

Muzammil Shahzad

Main Kisi Aur Ka Hoon Itna Bata Kar Roya

Main kisi aur ka hoon itna bata kar roya
Woh mujhe mehndi lagay hath dikha kar roya

Mujhe anjaam-e- mohabbat nahi maloom hargiz
Yeh kaha aur mujhe seenay se laga kar roya

Jo mujhe zabt ki talqeen kiya karta tha
Woh zamanay ko mera haal suna kar roya

Aansu ban kar nikl na jaun kahin, is Deer se
Apne ashkoon ko wo aankhoon mein chhupa kar roya

Wasl ka aakhri lamha jo muyassar tha humain
Usi lamhay mein wo sadiyoon ko sama kar roya

· 1 Like · 2 Days Ago
Category: sad
 
Poetry / Sad

Muzammil Shahzad

Koun Aye Ga Yahan Koi Na Aya Hoga

koun aye ga yahan koi na aya hoga
mera derwaza hawaon ne hilaya hoga

dil e nadaan dharak aye dil e nadaan na dharak
koi khat le k parosi k ghar aya hoga

gul se lipti hoi titli ko gira ker daikho
aandhio tum ne darakhtoon ko giraya hoga

Kaif pardais main mat yaad kero apna makaan
ab k baarish ne usey toor giraya hoga

· 1 Like · 3 Days Ago
Category: sad
 
Poetry / Sad

Muzammil Shahzad

Dil Udaas Hai Bahut Koyi Paigaam Hi Likh Do

Dil udaas hai bahut koyi paigaam hi likh do
Tum apna naam na likho gum naam hi likh do

Meri qismat mein gham-e-tanhayi hai lekin
Tamaam umr na likho magar ek shaam hi likh do

Zaroori nahi ki mil jaaye sukoon har kisi ko
Sar e bazm na aao magar benaam hi likh do

Ye jaanta hoon ki umr bhar tanha mujhko rehna hai
Magar pal do pal, ghadi do ghadi, mere naam hi likh do

Chalo hum maan lete hai ke sazaa ke mustahiq thahre hum
Koi inaam na likho koi ilzaam hi likh do


· 1 Like · 3 Days Ago
Category: sad
 
Poetry / Sad

Muzammil Shahzad

Sarapa Ashk Hoon Main Ab Bikhar Jao Tu Behter Hay

Sarapa Ashk Hoon Main Ab Bikhar Jao Tu Behter Hay
Jidhar Jatay Hain Ye Baadal Udhar Jao Tu Behter Hay

Ye Dil Kehta Hay Teray Shaher Main Kuch Din Thehar Jao
Mager Halaat Kehtay Hain Keh Ghar Jao Tu Behter Hay

Dilon Main Faraq Aayen Gay Taluq Toot Jayen Gay
Jo Dekha, Jo Suna, Us Say Mukar Jao Tu Behter Hay

Yaha Hay Koun Mera Jo Mujhay Samjhaye Ga Faraz
Main Koshish Kar Kay Ab Khud Hi Sudhar Jao Tu Behter Hay

· 1 Like · 5 Days Ago
Category: sad
 
Poetry / Sad

Muzammil Shahzad

Sukoon E Dil Ke Liye Kuch

Sukoon e dil ke liye kuch
to ehtimaam karoon
zara nazar to mile
phir unhe salaam karoon


Mujhe to hosh nahi
aap mashwara dijay
kahan se chedoon fasana
kahan tamaam karoon

Unhi ke zulam ka shikwa karoon zamane se
unhi ke haq main duaein main subah shaam karoon

Woh bewafa hain to ham ne Shakeel soch liya
mujhe kasam hai kisi se agar kalam karoo

· 1 Like · 6 Days Ago
Category: sad
 
Poetry / Sad

Muzammil Shahzad

Waqt Ki Taiz Rawi Dekh Ke Deer Jatey Hain

Waqt ki taiz rawi dekh ke deer jatey hain
Log jetey hain kuch is tarah ke mar jatey hain

Zindagaani teri azmat ko badhane wale
Muskuratay hue maqtal se guzar jatey hain

Bazm e yaraan ho ke dasht e shab e tanhai ho
Zakhm bharne pe jab atey hain to bhar jatey hain

Yeh shab o roz bhi auraq e pareshan ki tarah
Baar ha waqt ki aandhi main bikhar jatey hain

Kitni yaadon se ulajhti hai meri tanhai
Kitne toofaan mere sar se guzar jatey hain

Door reh ker bhi kabhi shikwa e doori na raha
Aap hi aap hain jis simt jidhar jatey hain

Waqt nasaaz hai behtar hai ke ab lout chalain
Shaam hote hi parindey bhi to ghar jatey hain

· 1 Like · 6 Days Ago
Category: sad
 
Poetry / Sad

Muzammil Shahzad

Sanam Ne Chashm Ko Jis Raah Ka Intezaar Diya

Sanam Ne Chashm Ko Jis Raah Ka Intezaar Diya
Hum Aise The Ke Ye Jeewan Wahin Guzaar Diya

Gayi Wo Umr Magar Tees Na Gayi Dilse
Diya Jo Zakhm Wafa Ne So Yaadgaar Diya

Jahan Kisiko Lagaya Hai Apne Seene Se
Usi Ne Taak Ke Khanjar Wahin Utaar Diya

Bhale Hi Chhorh Diya Raaste Mein Yaaron Ne
Hamari Zaat Ka Aakhir Ko Aitbaar Diya

Dhula Dhula Sa Ye Chehra, Ye Surkh Si Aankhein
Tumhare Gam Ne Hamein Aur Bhi Nikhaar Diya

Mere Badan Pe Ye Aankhein Kuch Aisi Lagti Hai
Kisi Ki Qabr Pe Jaise Ho Sogwaar Diya

Dilon Se Khelna Aadat Badi Kharab si hay
Kisi Ne Khel Ke Tumse Tumhe Sudhaar Diya

· 1 Like · Feb 20, 2017 at 07:02
Category: sad
 
Winner Taps Out !!!
Posted by Sports and Games Videos
Posted on : Sep 04, 2014

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS