Poetry / Sad

Muzammil Shahzad

Main Kyon Na Tarak E Taluq Ke Ibtada Karta

Main kyon na tarak-e-taluq ke ibtada karta
Wo door dais ka baasi tha kya wafa kerta
Wo mairay zabat ka andaaza kernay aaya tha
Main hans kay zakham na khata to aur kya karta
Hazaar aaina khanoo main bhi paa na sakka
Wo aaina jo mujhe khud se aashanaa karta
Meri zameen tu agar mujh ko raas aa jati
Main rifatoon main tujhay aasaman sa kerta
Gham-e-jahan ki mohabbat lubhaa rahi thi mujhe
Main kiss tarah teri chahat pay aasraa kerta
Agar zubaan na katte tau shahar main Mohsin
Main pathron ko bhi ek roz hamnawaa kerta

· 1 Like · Mar 17, 2017 at 20:03
Category: sad
 
Poetry / Sad

Muzammil Shahzad

Bicharne Se Zara Pehle

Bicharne se zara pehle
FAQAT ek bar youn hota

Tumhare loute anay ka Guman
Hum ko nahi hota

WAFA ki rah main guzra hoa hr pal guzar jata
Magar Thehra hoa ye pal
Humare saath na hota

Bicharne se zara pehle
Fazaein beyaqeni ki Ameezash se tu Ghul jatein

YAKEEN-e-KAAMIL ki tarha
Hamara kal nahi hota

Bicharne se zara pehle

· 1 Like · Mar 17, 2017 at 12:03
Category: sad
 
Poetry / Sad

Tere Wafa K Phool

Tere Wafa k Phool

Muqadroon ki Dhool ban gay Ab

Rah k Phool

Kahein par Tu Bikhare hain maire Chah k Phool

Zamane bhar ne Jo paye thay Sur or Taall k Phool

Waqat k Dharoon pe Jab

Beeh Raha hai Pani bhi

Mare Apno ne

Likh di maire Kahani bhi

Kabhi Badal na paye ga Tu

Mari Nishani bhi

Zamane bhar ne Mil kr

KI Hai Beamani bhi

Tere Khushi main hii jb Hum ne Haar mani thee

Ashak ban k Tab Beeh gay Qaza k Phool

· 1 Like · Mar 17, 2017 at 06:03
Category: sad
 
Poetry / Sad

Muzammil Shahzad

Meri Udasi

Ek din ek udas lamhey ne

muskurate huye jo dekh liya

jaane kya dil main soch liya

raasta mera hans ke rook liya

aur seeney se lag gaya aisey

jaisey bichra hua koi apna

ek muddat ke baad milta hai

tab se woh mere paas rehta hai

isliye dil udaas rehta hai!

· 1 Like · Mar 16, 2017 at 18:03
Category: sad
 
Poetry / Sad

Ye Jamal Kya

Ye Jamal kya
Ye Jalal kya
Ye Arooj kya
Ye Zawal kya
Wo jo Lamha Lamha bikher gya
Wo jo apni Hadh se guzar gya
Ussey Fiker-e-Shaam-o-Sahar kya
Wo jo Be-niaz sa ho gya
WO jo Ek Raaz sa ho gya
Jissey kuch gharz hi na rahi
Ussey Dast-e-Harf-e-Sawal kya

Kabhi Uss ne Mujhey Jala Diya
Kabhii Uss ne Mujhe Bhuja Diya
Main Charagh tha To Hawa ne Bhi
Mujhe Ek Tamasha Bana Diya !!

· 1 Like · Mar 16, 2017 at 11:03
Category: sad
 
Poetry / Sad

Muzammil Shahzad

Dil Mein Bikhray Hue Jalon Se Preshan Na Ho

Dil Mein Bikhray Hue jalon Se Preshan Na Ho
Mere Guzray Hue Saalon se Preshan Na Ho

Meri Awaz Ki talkhi Ko Gawara Kar Le
Mere Gustakh Sawalon Se Preshan Na Ho

Dekh Yun Door Na Ho Mujh Ko Laga Le Dil Se
Tu Meri Rooh Ke Chalon Se Preshan Na Ho

Khud Ko Veeran Na Kar Mere Liye Meri Jan
In Preshan Khayalon Se Preshan Na Ho

· 1 Like · Mar 15, 2017 at 11:03
Category: sad
 
Poetry / Sad

Muzammil Shahzad

Usay Ye Kehna K Roz O Shab Ka Safar

Usay Ye Kehna K Roz o Shab Ka Safar Tanha Guzar Raha Hai
Wo Dil Jo Tere Liey Bana Tha Teri Talab Say Muqar Raha Hai

Meri Muhabbat Ki Band Aankhain Teray Jaganay Say Khul Sakain Gi
Wagarna Ye Dil Mohabtoon K Wajood Say Hi Muqar Raha Hai

Wo apnay Hathon Pay Aaj Mehndi Laga K Kitni Udaas Ho Gi
Wo Sochti To Zaroor Ho Gi Koi Usay Yaad Ker Raha Hai

Kabhi To Socho Tumharay Aanay Pe Jo Dewana Sa Ho Gaya Tha
Wo Kya Abhi Tak Wahin Khara Hai Wo Jee Raha Ha Ke mar Raha Hai

Wo Kal Mila To UsKi Aankhon Men wehshaten Raqs Ker Rahin Thin
Woh Qatra Qatra Pighal Raha Hai Woh Zara Zara Bikher Raha Hai

Udaas Logoon Ki Mehfilon Men Nayi Kahani Koi Sunaye
Koi Bataey Ke Itna Arsa Wo Kis Tarf Tha Kidher Raha Hai

· 1 Like · Mar 14, 2017 at 14:03
Category: sad
 
Poetry / Sad

Muzammil Shahzad

Pher Main Kahon Ishq Dhong Hay

Tujhay Ishq Ho Khuda Karay
Tujhay Us Say Koii Juda Karay

Teray Hont Hansna Bhool Jaye
Teri Aankh PurNam Raha Karay

Tu Us Ki Baatein Kia Karay
Tu Us Ki Baatein Suna Karay

Usay Dekh Kar Tu Ruk Jaye
Wo Nazar Jhuka Kar Mila Karay

Tujhay Dosti Bhi Na Raas Aaye
Tu Tanha Tanha Phira Karay

Tujhay Hijar Ki Wo Jhari Lagay
Tu Milan Ki Har Pal Dua Karay

Teray Khowab Bikhray Toot Kar
Tu Kirchi Kirchi Chuna Karay

Tu Gali Gali Sada Karay
Tu Nagar Nagar Phira Karay

Tujhay Ishq Per Phir Yaqeen Ho
Usay Tasbihon Per Gina Karay

Pher Main Kahon Ishq Dhong Hay
Tu Nahi Nahi Kia Karay

· 1 Like · Mar 14, 2017 at 03:03
Category: sad
 
Poetry / Sad

Muzammil Shahzad

Pher Main Kahon Ishq Dhong Hay

Tujhay Ishq Ho Khuda Karay
Tujhay Us Say Koii Juda Karay

Teray Hont Hansna Bhool Jaye
Teri Aankh PurNam Raha Karay

Tu Us Ki Baatein Kia Karay
Tu Us Ki Baatein Suna Karay

Usay Dekh Kar Tu Ruk Jaye
Wo Nazar Jhuka Kar Mila Karay

Tujhay Dosti Bhi Na Raas Aaye
Tu Tanha Tanha Phira Karay

Tujhay Hijar Ki Wo Jhari Lagay
Tu Milan Ki Har Pal Dua Karay

Teray Khowab Bikhray Toot Kar
Tu Kirchi Kirchi Chuna Karay

Tu Gali Gali Sada Karay
Tu Nagar Nagar Phira Karay

Tujhay Ishq Per Phir Yaqeen Ho
Usay Tasbihon Per Gina Karay

Pher Main Kahon Ishq Dhong Hay
Tu Nahi Nahi Kia Karay

· 1 Like · Mar 13, 2017 at 19:03
Category: sad
 
Kisi se na Kehna
Posted by asiya faheem
Posted on : Jun 25, 2015

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS